الا صوت فرامل العربيه واحتكاك مع الظلط طوالي انهرتا وبقيت ببكي باعلي صوت وشويه كدا واشوف ليك مهييد بتكلم معاي
مهيد : نسمه اهدي انتي كويسه م فيك حاجه قومي يلا ( قومني ودخلني العربيه هو زاتو كان ماشي بيتهم )
مشى اقرب بقاله وجاب مويه ومناديل واداني ليهم غسلتا وشي وشربتا
مهيد : الحاصل معاك شنو وكنت ماشه وين انتي
نسمه : م ف شي
مهيد : كنتي ماشه وين طيب
نسمه : م عارفه 💔
مهيد : نسمه احكي لي في زول ضايفك ولا اتشاكلتي مع زول
نسمه : م ف شي
مهيد : تمام حاوديك الييت
نسمه : لا انا م ماشه البيت
مهيد : اها طيب نمشي وين.
نسمه : ولا مكان بس خلينا هنا
مهيد : تمام
مرت ساعتين وانحنا قاعدين ومهيد تاني م فتح خشموا معاي بس بعاين لي وبشتغل بي التلفون
مهيد : نسمه خليك هنا عندي مكالمه مهمه تمام
نسمه : تمام
بعد مهيد نزل حسيتو اتاخر لمن نمتا في مكاني
في جانب مهيد
بعد نزل اتصل علي فؤاد
مهيد : الو فؤاذ كيفك
فؤاد : نسمه م لاقينها ليها اكتر م ساعتين والله خايف عليها
مهيد : نسمه معاي
فؤاد : ششششششنو
مهيد : خليني افهمك..........
فؤاد : اكيد سمعت كلام من زول
مهيد : فؤاد انت صحبي في حاجه انت داسيها مني ؟
فؤاد : لا لا بس خليك معاها انا بجي اسوقها
مهيد : لا خليك مكانك هي نامت بعد تصحي بتكون هدت انا بجيبها معاي
فؤاد : خلي بالك منها
مهيد : م بتوصى يلا
مهيد ( يا ربي البت دي مالها اكيد حاصل عليها حاجه بس لي فؤاد م داير يوريني كل م أسألو بتجاهلني يا ربي وراك شنو يا نسمه 💔يا ربي انا حبيتها م توريني فيها اذى يا رب)
بعد ساعتين كدا صحيت ولقيت مهيد في نفس الوضعيه الكان فيها
نسمه :🌚💔انت المقعدك هنا شنو
مهيد : ع فكره دي سيارتي 🌚❤
نسمه : اننن ظريفه
مهيد : م جبتي شي من عندك
