نسمه :سلامتك ،واسي كيف
مهيد :تمام الحمدلله
نسمه :خلي بالك من نفسك ، بكره حنزل بسام الروضه ان شاء الله
مهيد:ان شاء الله
بلسان مهيد
مع انها كانت مكالمه بسيطه جدا لكن ردت لي الروح حرفيا كدا انا نسمه دي الهوا البتنفسوا مهما عاملتني بقسوه وقست علي مكانتها م بتتغير ابدا حاتفضل الغاليه ام الغالين ❤عساها تدوم لي ❤
نرجع لنسمه
بعد قفلتا منو بقيت متوتره داخله ومارقه يا ربي هو كيف اسي يا ربي مرتو مهتميه بيهو كميه من الاسئله الفي الراسي بعدها جاني اتصال
نسمه :السلام عليكم
المتصل :مرحب معاك شركه........ لقد تم تعينك رسميا يمكنك البدء في العمل من يوم غد
نسمه :بالجد شكرا ليكم ان شاء الله بكره حامر عليكم
(ييييس واخيرا)
لازم اسجل باسم وبسمه في الحضانه
في الصباح صحيت بدري قومتا الاولاد وحممتهم ولبستهم ولبستا وشربنا الشاي وطلعنا
في الروضه
الانسه :مرحب بيك
نسمه :في تسجيل بإسم بسام هنا
الانسه :بسام مهيد صح
نسمه :ايوا
الانسه :ايوه ابوهو اتصل علي من شويه خلي يدخل
نسمه :عندكم حضانه هنا
الانسه :ايوه في
نسمه :طيب سجلي لي الاتنين ديل معاهو في الحضانه
الانسه :طيب اسمائهم
نسمه :باسم مهيد وبسمه مهيد
الانسه :المواعيد من 7 الي 12
نسمه :للروضه والحضانه ؟
الانسه:ايوا
نسمه:طيب انا حاخليهم هنا وبجيهم مع الزمن بس سجلي لي رقمك
الانسه :اكتبي عندك....
نسمه :تمام تسلمي
بعدها اتوجهتا ع الشركه وصلتا 8ونص عرفتا اشتغل شنو ومكتبي والمواعيد كانت من 8لحدي 1 يعني حتاخر علي الاولاد بس الروضه قريبه الا يدخلوا في الترحيل بس المشكله المفتاح معاي ،استئذنتا من المدير وطلعتا استلمتا الاولاد وسجلتهم في الترحيل ومشينا البيت عملت ليهم وجبه سريعه كدا ،بس اليوم كان مرهق بالجد طولتا من الطلوع والتعب
العصر كدا نزلتا للبواب
نسمه :سلام عليكم عمي يحي كيف حالك
البواب :الحمدلله يا بتي
نسمه :معليش بس دايراك في خدمه
ع. يحي :اتفضلي
نسمه :والله يا عمي انا نزلتا أولادي الروضه ونزلتا شغل ومهيد م قاعد طوالي وانا بجي متاخره شويه فاذا ممكن بس لمن يجو تفتح ليهم باب الشقه لاني م بقدر اديهم المفتاح عشان م يروح
ع. يحي:هم بجو الساعه كم
نسمه :الترحيل بنزلهم جنب العماره الساعه 12كدا
ع.يحي :م عندك مشكله انا بكون قاعد
نسمه :تسلم يا عم
بعدها اتوجهتا ع السوبر ماركت الجنبنا
نسمه :السلام عليكم
العامل :وعليكم السلام
نسمه :عندكم خدمة توصيل
العامل :ايوا
نسمه :طيب ممكن كل يوم تجيبو لي خبز وجنبه مطفره وزيتون وتلاته عصير مانجو
العامل :بس ادينا عنوان البيت ورقم التلفون والساعه
نسمه :طيب اكتب عندك ....
العامل :انتي مدام مهيد
نسمه : ايوه،حادفع بالشهر
العامل :م ف مشكله
نسمه :طيب بتحتاجو لضمانات ولا كدا
العامل :بس بي الفواتير
نسمه :طيب تمام
نمنا بدري والصباح قمتا حممتهم ولبستهم وشربتهم الشاي قبل م الترحيل يصل
نسمه :بسام انت الكبير بعدين لمن تجو م بتلقوني امشوا لعمو يحي يتفتح ليكم الشقه واقعدوا هادئين وبجيكم بتاع البقاله افتحوا ليهو بجيب ليكم اكل طيب
بسام :وانتي وبتجي متين
نسمه :بعد تاكلو بجي سمح
باسم :انا داير حلاوه
نسمه :بدوكم في الروضه
باسم :سمح
صوت البوري
نسمه :يلا الترحيل جا
نزلنا ودعتهم ومشيت ع شغلي كان كل همي بس متين مهيد يشوفني شغاله واشوف ردت فعلو عشان يعرف نسمه الزمان خلاص راحت ،الدوام خلص ورجعتا البيت لقيتهم قالبين البيت راس علي عقب اول شي حممتهم وغيرت ليهم ملابسهم ودخلتها الغساله ونومتهم بعداك قمتا ع البيت انتهيت مع المغرب صليت وشغلت ليهم التلفزيون ونمت صحيت اكلتهم
