صحينا الصباح مع نفس الروتين بس لمن جيت راجعه لقيت مهيد قاعد في الهول
مهيد :اخيرا شرفتي
نسمه :الناس بتقول حمدلله ع السلامة
مهيد :مش قلنا م ف شغل
نسمه :م اخذتا رايك انا 🌚💔
مهيد :يعني عاجبك انك تخلي اولادك براهم وشوفي وسخانين كيف ولسه بملابس الروضه كمان
بسام :ماما انا داير انوم
باسم :وانا
بسمه :ام ام جاا يي
نسمه :تعالوا احممكم
سقتهم وحممتهم ونومتهم وجيت طالعه لقيتو لسه قاعد في مكانو جيت ماشه ع المطبخ مسكني
نسمه:فكني
مهيد :لي م وريتني انك اشتغلتي
نسمه :اسي عرفتا فكني
مهيد:انتي بتجاكري فيني صح
نسمه :انت منو عشان اجاكرك
طوالي فكاني وطلع
بلسان مهيد
حرفيا كدا انا متأكد تماما انها بتجاكر فيني عشان تثبت لي اني م مهم بالنسبه ليها وانها بتعيش من غيري وانا م فارق معاها بس هي محتاجه تثبت الحاجه دي لنفسها اول، فعليا كدا نسمه حبت تملئ الفراق الانا سبتو بس وبتعمل كدا عشان تلفت انتباهي ليها وهي م عارفه انو انا انتباهي كلو معاها ❤لدرجه اني بتصل للبواب كل يوم وبطمئن عليهم وسيد السوبر ماركت براغب لي البيت لمن انا اكون م معاهم والشي الما عارفاهو نسمه انو سيد السوبر ماركت دي صحبي 🌚❤يعني من يوم جات وسالت من التوصيل هو اتصل علي وراني بكل شي وكذلك البواب لمن اتصلتا اداني خبر بس انا حبيت ابرد ليها قلبها واخليها تصل للدايراهو كلو عشان تحس نفسها كدا قهرتني 🌚💔وهي م عارفه انو انا حافظها بي كلو وعارف انها حاليا داير تشغل نفسها عشان م تفكر فيني وتبعدني منها بي اي طريقه 💔بس هي م عارفه انو كل م تحاول تعمل حاجه عشان تبعدني وتجاكرني وتزعلني بتوريني انا قدر شنو مهم بالنسبه ليها 🌚❤
نرجع لنسمه
ايواا بس دا المطلوب 🌚💔اسي مشى وين دا كمان،وانا مالي ومالو كمان بس انا غلطتا في حقو ،يا ربي م
يا ربي تغطي عليهو،معقوله انا لسه بحبو لا يا نسمه بعد العملو دا كلو بس انتي م مفروض عشان غلطه تنسي العملوا ليك كلو 💔
اثناء م انا بفكر مهيد جا داخل دخل حاجات المطبخ وشال بسمه من الارض وبقى بلعب معاهم ولا عبرني حتي بالجد فرسني يااخ
تاني يوم قمتا ع نفس الروتين عملت لمهيد النسكافيه وشربتا أولادي والترحيل وصل وانا كنت بلبس
مهيد :حانزلهم
نسمه :يلا حبايب ماما
بعد نزلهم انا تميت لبسي ونزلتا اتلاقينا في السلالم ولا كانو بعرفني زاتو فرسني شديد 💔
عدا علينا اسبوعين بالطريقه دي هو اغلب وقتو معانا بس م شغال بي الشغله كاني م موجوده قدامو زاتو في يوم كان الشغل كتير وم قدرتا اطلع بدري اتاخرتا لمن وصلتا البيت
مهييد : يا سلام عليك ام مثاليه بالجد برافو عليك
نسمه : في شنو
مهيد : يا هانم انتي عارفه الليله عم يحي ظهر ليهو مشوار وطلع والاولاد لمن جو م لقوهو انت عارفه انا جيت الساعه 2ونص لقيتهم من 12واقفين قدام العماره في الشمس دي وحالتهم تحنن 💔وبسمه دي راقده في الارض وبتبكي وباسم قربت تطقشوا العربيه الا انا جريتو من الشارع 💔
نسمه :وينهم
مهيد :عامله فيها خايفه عليهم يعني
نسمه :ولي م اخاف عليهم ديل اولادي
مهيد :كويس انو عرفتي ديل اولادك م كلاب عشان تجدعيهم وترضي غرورك وكبريائك
نسمه : مهييد وين باسم
مهيد :نايم م تصحى هو اتخلع وادو حقنه مسكنه
طوالي خليتو دخلتا لقيتهم نايمين بملابس وسخان بالاكل وبسمه شعرها وسخان طوالي شلتا باسم وبقيت ببكي فعلا انا الوصلتهم للمرحله دي 💔مهيد جا داخل
مهيد :يا ريت المره الجايه تبقي مسؤوله شويه وم تدخلي اولادنا في مشاكلنا دايما ختيهم في كفه ومشاكلنا في كفه تانيه خالص لانو هم م ذنبهم💔
بعدها طلع بكيت كدا لمن نمتا في مكاني داك بعد المغرب صحيت ع صوت مهيدو
