مع اني اتوقعتك تقولي باريس لندن وكدا والله انا مبسووط بيك حد الانبساط ❤
نسمه : وانا كمان مبسوطه بيك ❤
مهيد : هيي يلا تصبحين من اهلي بكرا وراي شغل كتير
نسمه : اميين وربنا يسهل عليك
ياااخ المكالمة حقتو راحه نفسيه 💜
تاني بقينا مع التجهيزات والجوطه واللخمه ونزهه جات قعدت معاي ومرام بتجينا يومي ونازك كمان م قصرو معاي ابدا والشيله كانت ابدااع وزووق عالي وايمان وسلمي طوالي بضربو لي بس امهم دي م عندها لي شي 💔
وعدا علينا الشهر والليله العرس كنت لابسه توب احمر حلوو ومستنيه مهييد يصل،كميه من الاحاسيس الملخبطه يااخ فعلا شويه وجات نزهه وساقتني لمهيد برا ،ومهيد من شافني طالعه جا علي مسك لي يديني لاول مره يا جماعه احساس الحلال دا حلو شديد ❤وبعد باسني في جبيني
مهيد : الف مبرووك علينا وربنا يقدرني واكون ليك العوض والسند ❤😍
نسمه : اميين يا رب
بعد وصلنا الصاله وجهجننا زيين وجرتقونا والناس باركت لينا طبعا ام مهيد باركت لي بطرف يدها بس 💔
مهيد : يلا يا جماعه مواعيد الطياره قربت
امتنان : يا حليلكم يا اولادي ربنا يعدلها عليكم
هيثم : م اوصيك عليها
فؤاد : متاكد انك حتشيلها في عيونك
فادي : عمرك م تقصر معاها لانو وراها رجال
مهيد : م تخافوا دي حاصون الامانه
بعدها ودعت ناس امي ياااخ الفراق دا حار شديد ياااااخ ،الطريق كلو وانا ببكي
مهيد :ارجعك ولا شنو
نسمه : لا 😭😭😭💔
مهييد : طيب اسكتي شوفي خربتي الميكب كيف بقيتي زي عم عبدالله 😂😂😂💔
نسمه : امشي يا حيوان 😂😂💔
مهييد : ايواا كدا
يااخ بعد ركبنا الطياره نومتا نوم م صحيت الا لمن وصلنا وبعدها نزلنا في فندق وتاني يوم مشينا الكعب يااااخ لمن شفناها بيكينا بكي لو الدموع بتخلص كان خلصت وعدا اسبوع وبعدها سافرنا دبي ❤
اول م وصلنا استقبلنا
استقبلنا صاحبو محمد في المطار
محمد : عروستنا المززه مبروووك وربنا يسعدك
نسمه : الله يبارك فيك تسلم
مهييد : بطل مشاغله وخلينا نتحرك ميتين من التعب
محمد : شغلنا 😂😂😂💔 يلا
بعد وصلنا بقيت بتفرج في الشقه كانت جميله فيها تلاته غرف وحمام ومع غرفة النوم حمام وصاله بتجمعهم التلاته ومطبخ
مهييد : ها عجبتك
نسمه : شديد ❤
مهيد : الحمدلله
لقينا الاكل جاهز جهزتو زوجة محمد دخلنا استحمينا واكلنا وانجدعنا نومنا لدرجه نومنا نومه واحده من الصباح لحدي تاني يوم 😂😂😂😂💔بعدها حضرتا الاكل وغيرنا وكذا
مهيد : تعالي عاوز اقول ليك كلام
نسمه :طيب ( مشينا الغرفه)
مهيد : مهما حصل بينا يا نسمه في الغرفه م زول يعرف لانو دي اسرار زوجيه خاصه بي انا وانتي بس حتي اولادنا بعدين م مفروض يعرفوا بيها وكمان مهما حصل بينا مشاكل م ف واحد فينا بنوم برا الغرفه دي ومشاكلنا بنحلها برانا م ندخل طرف تالت لانو اي علاقه بين اتنين مهما كان نوعها لمن يدخل فيها طرف تالت بتخرب 💔
نسمه : ان شاء الله
مهيد : امم وبحبك ❤😍
نسمه : وبحبك ❤
مهيد : طيب تعالي .....
بعد شهرين
طبعا بقينا انا ولنا زوجة محمد صحبات شديد وعندها ولدها مؤيد عمرو سنتين مزز خلاص
في يوم وانا بحضر في الغدا دوختا وم حسيت ع نفسي الا وانا في المشفى
مهيد : نسووم حمدلله ع السلامة
نسمه : تسلم
مهيد : خوفتيني عليك
نسمه : حقك علي
مهيد : شويه النتيجه تطلع.
فعلا قعدنا 10دقايق كدا والدكتوره جات
الدكتوره : الف مبرووك المدام حامل
اول م قالت كدا مهيد ضماني عليهو ويااخ كميه من الفرحه كدا عجييبه الحمدلله
بعد اهلي عرفو فرحو لي شديد بس طبعا ام مهيد ولا حتي كلفت نفسها تبارك لي
نسمه : انت امك دي لي بتكرهني كدا
مهيد : معليش حبيبي م ف يدي شي انا 💔
