في صباح اليوم التالي عند الساعة العاشرة توجهت الى بيت اهلي حيث ان ابي في العمل في هذا الوقت
فتح الباب شاب جميل الطلة بهي المنضر شعره اسود مائل الى البني وعينيه بنية مائلة الى اللون الاصفر
الشاب : نعم
مروة : اني مروة بنت مروان ممكن اشوف امي
الشاب : شنو؟
مروة : ممكن تصيحلي خالة نرجس
الشاب : اوك
راح جوة ديصيح خالتي وبعدها اجة هو وياها
نرجس : حبيبتي مروة تعالي تفضلي ضل بالنة عليج خفنة خاف مترجعين
مروة: خالة اني مارجع الا اعرف الحقيقة اريد اعرف ليش هيج يكول صدك هو مو ابوية؟
نرجس : والله مادري... تعالي هسة طبي
طبيت لغرفة امي حضنتها وبوستها
مروة : ماما كليلي ليش هيج يكول بابا صدك انتو مو اهلي؟
منال : لا حبيبتي انتي بتنا اني متاكدة
مروة : اني ماعندي جنسية عراقية واريد اسوي سيمكارت مكدرت تكدرون تشترولي سيمكارت انطيكم فلوسة؟
منال : حبيبتي هسة اخلي احمد يروح يشتريلج وفلوس عادي من عدنة شنو هيج تحجين...
احمد تعال اشتري لمروة سيمكارت
احمد : اي صار خالة...
اندار علية وكال.. يعني انتي مروة بنت خالتي؟ هلا بيج اني احمد ابن خالتج نرجس
مروة : اهلا احمد
سلمت علية واني خجلانة هاي اول مرة يصير عندي اقارب واهل
راح احمد ديشتريلي سيمكارت واني ضليت كاعدة يم امي
مروة: ماما احجيلي شصار ورة مطلعت من البيت البارحة.
منال : حجيت وية ابوج وحاولت اعرف ليش هيج كال بس مقبل يحجيلي وضل مُصر انه انتي مو بنتنة
مروة: ليش خاف صدك... ليش منسوي تحليل DNA
منال : لا انتي بنتي بدون تحليل... كليلي انتي عندج وحمة بايدج اليسرة مو؟
مروة: اي عندي
طلعت الوحمة وراويتها الها
منال : اي شفتي يعني انتي بنتي
مروة : الحمد لله ماما
منال : انتي وين رحتي البارحة شسويتي وين نمتي؟
مروة: ماما لتخافين اني هسة كاعدة بفندق عندي فلوس هواية تكفيني
منال : اي حبيبتي بس ميصير انتي بنية شلون وحدج تضلين بفندق لازم تبقين هنا يمنة
مروة: عادي ماما اني متعودة اضل وحدي
منال : لا ميصير هنا يختلف الوضع مو امان منكدر نخليج وحدج تضلين بفندق... هسة ابقي لحد ميجي ابوج نقنعة تضلين يمنة
بس ماما حبيبتي اريد اكلج شي خاف تزعلين مني
أنت تقرأ
الوحيدة
General Fictionكنت جالسة على شاطئ البحر اتأمل الامواج العالية والاطفال من حولي يلعبون بالاصداف وصوت ضحكاتهم ولعبهم تذكرني بطفولتي التي لم اعشها كما يجب... وفي يدي الذرة المشوية الحارة التي تتناسب مع هواء البحر حيث الهواء العليل يداعب شعري الطويل الاسود المنساب ع...
