لا تترك يدي ✋🏻❤️

الجزء الثالث عشر...

أتمنى من تقرون البارت بس اتصوتون ترا والله اتعب بالبارت لبين ماا انزله واراجعه اخاف بي اخطاء !!
ياريت اتقدرون تعب غيركم 🙏🏻
ونسيت أكلكم شغله ولكم نجحت😂باركولي.

_للكاتبه :mem_A_almteri

#لا_تترك_يدي!
.....................................................

احـمـد:

دنمشي أني وصديقي وشفت وحده تشبه بنيه جانت ويانا بالكلية ...لشوي واجت أتسلم والله وطلعت هيه غير روحي تلعب منها بس بمجرد ما أشوفها ...
سلمت وشوي حجينا اسامه صديقي اترخص وراح بقيت وياها اريد افتك منها ماكو لاطشه ..

احمد :مرخصتج يأبه سرو بأجر ورايه شغل ..

اسراء: حمودي ولو أسوي عليك زحمة تكدر توصلني للبيت ؟ لان ماكدر ارجع بهالوقت وحدي واكيد بحكم صداقتنا ! غيرتك متقبلك اختك سرو ترجع وحدها مو ؟

احمد : غير لعبت روحي منها أنوب أوصلها تهييي بهيييً
كتلها ماشي بلا وصلت يم بيتهم وكفت اسلم عليها ورا شوي ضغطها هبط وتخربطت شلتها اضربها ع كيف ع وجها متصحى دورت ع مفتاح البيت لكيته بالجنطه بعد محاولات إنّو دكيت الباب رنيت الجرس محد طلع فبسرعه فتحته ودخلتها جوه ذبيت عليها مي صحت

اسراء : ااا اس اسسفه حمودي الْيَوْمَ مشربت دوايه لذلك نزل ضغطي .. تعبتك

احمد : لايابه صدك جذب قابل شسويت .. شربي دواج لتموتين ومحد يمج ههههه ( حجيتها بشقه)

اسراء : هههه لالا لتخاف هسه اشربه
احمد: يلا عيني اترخص
اسراء : دقيقه دقيقه اول مره تدخل بيتنا عاد خلي أضيفك وروح ؟
احمـد : لا أبد ع غير مره أنشالله والوقت أتأخر
اسراء : لعد دقيقه أجيبلك مي واجي
احمد : ديلا ...
اسراء : تفضل ... شوكت اتعرس أنشالله
احمد : مبقى شي أنشالله.
اسراء : منيه مرتك؟
احمد : اسمها مينا دتدرس هسه كليه وبنت عمي بنفس الوقت ... اثناء كلامنا دخت وماعرف شصار بعد ...

................................................................
مـيـنا .

كعدت من النوم ..سبحت ..بدلت..جنت محضره ملابسي من الليل .. تنوره بينسل زيتوني ..وقميص ابيض .. شال زيتوني والباقي مرهم من هاللونين .. رحت ع للجامعه نفس الروتين رجعت ماما جانت مسويه دولمة صعدت مثل الطفلة بسرعه بدلت ونزلت ..اكلنا ..ونمت نومة الضهر ولا تتعوض طبعا كعدت تقريبا ٤ العصر كعدت مسوين جاي وجايبين كعك عصرونيه يعني .. وصلني مسج بس منتبهت من منو أو فتحتها عفتها ..قريت شويه وكمت لان مالي خلك ..كعدت اتصفح بالنت شوي ورآها اجة ع بالي إنّو اشوف الرسائل الي تجيني ..وهنا جانت صدمــه حياتي !! .. متوقعت توصل بي النذاله إنّو يخوني ! واحنا بعدنا زواج ممتزوجين صدك قرفت منه بلحظتها ... الصورة الواصلتلي عباره عن ، احمد نايم وصدره مكشوف وبصفه بنت بس ممبينه غير حلكها وشعرها ... كمت اشيل روحي واطبها ماعرف شسوي غير بس البجي وادعي عليه ، مينسمع مني غير بس صرخات الم وحقد وكره .
................................................................
#لا_تترك_يدي!
للكاتبه :mem_A_almteri

احــمــد .
كعدت دايخ راسي يفتر باوعت ! هاي مو غرفتي ؟ بعدين استذكرت الي صار ..قطعت سلسله افكاري اسراء وهي يمي وبنفس السرير !!
اسراء: صباح الخير حبيبي .
احمد :شصاير شجابني هنا؟ ممكن اتوضحين
اسراء : متتذكر؟ ومن ثم شهالادب امّم البارحة جنت وكيح (وجان تغمز )
احمد: إنتي شجاي اتخربطين ؟ تحجين عدل لا وعلي أكلب خلقتج!
اسراء: كل شي كدامك واضح ! ومثل عين الشمس شوضح بعد .
احمد : بدلت وطلعت وإني راسي مجاي يتحمل الفكرة
مستحيل مستحيل مجاي اصدك من صدك !!!
وصلت لبيت اهلي ادك ومحد يفتح ادك الجرس ونفس الحاله رحت لبيت عمي ابو علي ( ابو مينا) نفس الشي كلبي مطمن أكيد صاير شي ، دكيت ع الوالد .. رن مره مرتين الثالثه جاوب .. استلمني رزايل وإهانات وسده ومفهمت شي اتصلت ع الوالدة ! فتحت خط ، ونفس أبويه كتلها: أوكفي اوكفي شصاير شبيكم وياي وليس ماكو بالبيت لا انتو ولا بيت عمي صاير شي خير ؟
الام : هو انت منين يجي منك الخير يا دبسزز ربيناك أحسن تربيه وتاليتك تكضيها بنات ليل ؟ هاااا
وقفلت الخط اريد اعرف شصاير !!!
................................................................
أسفه ع هالبارت بس اعتبروه تصبيره منا لباجر😂 أسفة والله مابيه حيل ولكم اتكسرت وإني غافيه لو افتح عين وتم وتك واكتب فلتعتبون ع الأخطاء اذا اكو 😘♥️