انا اسمي تالين انا عمري20سنه جامعه الخرطوم انا لوني قمحي عيوني م شاء الله حلوة شديد جسمي مقسم انا يعني بت مجنونه شديد😂👊وهسي انا في سنه تالت جامعه بقري مختبرات طيبه عايشه في ام درمان بت وحيده بحب الضحك شديد بحب اللبس شديد م بحب زول يتكلم عني😴م بحب النقه لو انا طالعه اي مكان بكسر حنك الطلعه طوالي م بحب زول يتدخل في حاجه م بتخصني طوالي بحرج امك بحب اعلق علي اي شي😹❤عنيده شدييييد م بحب الحقاره💔بحب الصحبه اي زول في الدنيا دي بصاحبو م عندي شغله بيهو هو شنو عندي اخو واحد اسمو عمار وهو شغال بصنع ادويه لشركات اجنبيه عشان كده دايما في حاله سفر وهو خاطب بت خالتي ماب امي ربه منزل عندي خالتين سهام ورهف بت خالتي رهف اسمها ماب(خطيبت عمار)انا وهي بنقرا في جامعه واحده صحبتي شديد م بندس حاجه من بعض بحبها ياااخ وخالتي سهام عندها ولد وبت الولد اسمو محمود والبت اسمها ايه طبعا انا برضو بحبها شديد نسيت اعرفكم ابوي اسمو احمد وأمي اسمها فاطمه موبه م عندها اخو او اخت بس هي موبه كانت بايته معاي وح تبيت أسبوع عشان ناس امي وامها حبوبتي خالت امي ماتت سافرو البلد عشان البكا💔في الصباح مشينا الجامعه طبعا قبل م نخش المحاضرة بنقعد مع شلتنا انا موبه الاء براءة عمر محمد قلت ليهم كيفيكم يا جماعه واخباركم 💙محمد قال لي تالين يااخ الشوق بحر قلت ليهو كتير وربي براءة قالت لي وينك مختفيه قلت ليها قاعده والله الاء قالت ليناكيف مع الزهج الحاصل ده💔قلت ليها الحمد الله بس عمر قال لي موبه كيفيك موبه قالت ليهو الحمد الله انتو كيفيكم كلهم قالو ليها الحمد لله نهايه اليوم بعد م رجعنا البيت انا موبه قلنا عاوزين نمش شارع النيل اتفقنا مع الشله وانا كنته لبسه بنطلون لونو ازرق غامغ وتشيرت لونو كبدي واسبورت لونو كبدي وطرحه أوف وايت وعملته روج كبدي و بدره و ماسكرة اتكحلته وعملته ايلانير موبه برضو كانت حلوة💛طلعنا ومشينا شارع النيل بعد وصلنا ونزلنا من العربيه مشينا شويه كده قلت لي موبه دقيقه تلفوني شكلو كده في العربيه دقيقه امشي اجيبو واجي ومشيت وجبتو وأثناء م انا جايه وماسكه تلفوني اضربته بي ولد والتلفون وقع اتكسر بسيط💔وهو ماسك تلفونو قلت ليهو اسفه وهو ولا فكرا يعتذر وقام عاوز يمشي قمت قلت ليهو يا انت فوق م ضاربني وكمان م بتعتز لي قلت السوق دي😤قال لي ساي بس😑قلت ليهو ظريف شديد مالك يا ود الناس انته مفروض تعتذر من باب الزوق😑قال لي ومنو انتي عشان انا أعتذر ليك😞قلت ليهو إنسان زيك اها ولا انت م عندك زوق معليش عازراك😊قال انتبهي لي كلامك قلت ليهو منو انته عشان تقول لي انتبهي لي كلامك😊مشيت خليتو وموبه قالت لي اتاخرتي كده ليه قلت ليهو بعدين بوريك المهم اتونسنا كده ومشينا البيت حكيت لي موبه قالت لي خليك منو يااخ اها اخوك ده م ناوي يجي اشتقتا ليهو شديد لي زمن م شفتو😍قلت ليها يا تافه احترمي نفسك المهم اتونسا ونمنا😪فى الصباح طبعا في البيت ماف غير انا وموبه لانو اصلا ابوي مقيم في قطر م بيج إلا الإجازات 😊مشينا عملنا الشاي والكيك شربنا وبعد كده مشينا لبسنا وطلعنا الجامعه وكان عندنا 2محاضرتين بس وبين المحاضره الاولى بعد خلصت طلعنا مشينا الكفتيريا طعبا زحمه مبالغه نفس م بتلقى واشترينا وطلعنا يا الله تشترى😥💔نحنا ماشين موبه قالت واي من جواي قلت ليها مالك يا بت قالت لي شوفي هنالك وأشارت لي بي يدها عانيت طولي شوفته الولد اضربت معاهو امبارح😑موبه قالت لي وبعلي من السماحه وبعلي من الوجنات وبعلي من العضلات وبعلي من الشعر زجو لي ادردق😻❤ قلت ليها موبه اذا انبرشتي صعبه👊💔وبعدين هسي العاجبك فيهو شنو😑قالت لي م ح اتكلم بس😐عاينت ليها وسكته😑جو ناس الاء وبراءة موبه قالت ليهم م شفتو الصاروخ الشفتو قبل شويه😻❤الاء قالت ليها يابت الجامعه كلها تتكلم عنو لكن عاد جنس حلوه😻❤براءة قالت ليها يا رب عفوك ورضاك والاسمر الملتحي اب وجنات😻❤قلت ليهم والله ولا سمح ولا شاف السماحه😑💔كلهم عاينو لي براءة قالت لي ده في نظرك م نظرنا معليش محتاجه لي نظاره يا اخت😊اتخليو الهبل😑💔سكته وم اتكلمت معاهم لحدي نهايه اليوم هم بيتكلمو عن الموضوع وانا خلاص ضاق بي💔ركبنا العربيه ومشينا البيت أكلنا ونمنا شويه صحينا ناس الاء و براءة ضربو لينا تلفون قلت ليهم انتو عارفين انو الولد القبيل انبرشتو فيهو هو نفسو الولد الاتشاكلته معاهو في شارع النيل💔براءة قالت وانا اقول معقوله م شافت السماحه دي كلها وانتي اصلا زهجانه منو كريهه وغياظ خلاص م يغشكم شكلو والعجب شايف نفسو💔الاء قالت لي حتي انا استغربته فيك لانك بتحبي تعلقي في اي زول حلو موبه قالت لي وانا اقول كنتي مكشره وشك لي اتاريهو ده الموضوع واتونسنا بعد قفلو مشينا انا وموبه حضرنا وقاعدين في التلفزيون نحنضر في فليم ديوالي حق كاجول وشاروخان وبعد انتهى مشينا الغرفه موبه مسكت التلفون بقت تكللم مع عمار وانا خشيت الفيس صفحتي جاني كلام في رأسي كتبته
ح تشتاق ليها لما تحس انها م موجودة وأختفت لما تحسو انو مستحيل تجي ف حياتك وحده زيها لما تقارن بينها وبين اي وحده حكيت معاها وتعرف انها بتفرررررق كتيييير عنهم لما تتزكر كيف كانت تنكد عليك عشان بتحبك ح تفقدها لمن تسمع أغنيه بتحب تغنيها ح توجعك فكره انها رحلت فكره انك كسرت كل شي جواها وانت كنتا كل شئ بحياتها ح تنحت بمجرد م يمر قدامك موقف او كلمه كانت تخصها او بس تشوف صورتها ح تندم لما تتأكد انك خسرتها💔خافوا الله في من تحبو واتزكرو انو ربنا بسالكم من كسره القلب دي💔
جاتني كميه التعليقات الحلوه وبعد بقيت بتصفح لحدي م نمته صحيت الصباح كان يوم جمعه خليت موبه نايمه استحميت اسوكته وعملته الشاي شربته بقيت بحضر لحدي م موبه جات وشربت الشاي وقعدنا نتونس ومره أسبوع مع الجامعه وكده ناس امي جو وموبه فاتت مع امها يلا عندنا جيرانا اصلا بيتهم كانو بيبينو فيهو بيتهم مقاصد بيتنا رحلو اليوم امي مشت ليهم انا كنته نايمه صحيت كده ومشيت قعدته لتونس مع امي قالت لي تصدقي انو مره الجيران تطعت صحبتي خلود البحكي ليك بيها زمان قلت ليها واو خالتو خلود يااخ كان نفسي من زمان اني اشوفها قالت لي يلا امشي سلمي عليهم طبعا عندها بت قدرك كده ولد خريج طب ولد تاني اسمو وليد وبتهم الكبيره في قطره مع راجلها هم كانو في لندن قلت طيب مشيت لبسته لي عبايه ومشيت ليهم المره سلمت علي بي بشاشه لمن عرفت اني بت فاطمه سلمت علي بالأحضان وداك يا البوس والبت برضو ظريفه وحلوه ضيفوني وقعدته اتونسته معاهم زين لمن حسيت بالزمن امهم مشت المطبخ رزان قعدت اتونس معاي ومشيت البيت قلت لي امي ظرفين شديد قالت لي والله انا وخلود في آلثانوي م بنتفرق نهائيا قلت ليها ربنا يديم المحبه قالت لي امين وقعدته اتونس معاه وتحكي عن ناس البلد وحبوبه لحدي م نمته في رجليها صحتني ومشيت الغرفه نمته وصحيت الصباح لقيت امي بتعمل في الفطور قالت لي نمش ناس خلود نفطر معاهم قلت ليها طيب ومشينا فطرنا معاهم وقعدنا رزان قالت اخوي مهند ووليد مشو لي ابوي شغالين معاهو هنالك في قطر كان قبلي فترة نزل مهند السودان وشاف حالت البيت ورجع م شفتهو؟؟قلت ليها لالا والله م شفتو قالت لي هم بيجو قريب ان شاء الله قات ليها كويس والله اتونسنا مره شهر من ناس خالتو خلود رحلو واتعودنا ليهم عليهم شديد صباح مسا بنكون معاهم يا هم معانا وفي فتره كان عندنا امتحانات السمستر الاول💔والجري معاه بقيت م بمش ناس خالتو خلود كتير عشان م بلقى فرصه اطل عليهم بس رزان كانت بتجني ونطلع نفرق ونرجع
كوني دايما انتي الاولى عندك نفسك و فتشي لسعادتك برااكك،الحياة قصيرة ،والحياة دي حياتك انتي عيشيها صح ،انبسطي،دلعي نفسك م تنتظري زول يجي يبسطك،اصنعي السعادة لنفسك برااكك وخليك قوية💙
يتبععع......
