في اخر يوم من الإمتحانات موبه رجعت معاي بيتنا لانو في كل اجازه بتجي تقعد معاي موبه قالت لي ارح نطلع قولت ليها وارح وسقنا معانا رزان حومنا م خلينا حته م مشينا ليها ورجعنا و رزان باتت معانا الصباح شربنا الشاي وقعدنا اتونسنا بعدها زران قالت لينا انا ماشه بعد مشت موبه قالت لي رزان دي ظريف خلاص قلت ليها فعلا بت ظريفه خلاص بقت زي اختي قالت لي حتي انا كمان م عندي اخت بعدك واللي ح اعتبرها اختي بت كيوت يااخ قلت ليها العجب وبيتم حلو شديد قالت لي م عندها أخو قلت ليها اي اتنين لكن م حصل شوفتهم واتونسنا بعدها اتغدينا مسكته تلفوني بقيت بتصفح مرت الايام ونزلنا جامعه كنته بكون تعبانه شديد مره بالمغرب كده كنته عايزة رصيد طلعته الدكان اشتريت ورجعته اثناء ما انا راجعه اسمع ليك كلب بينبح لمن رجعته الدكان سيد الدكان جا بس الكلب جرى بي جاي وانا فكيتها لبيتنا جري👣أثناء م انا بجري وقعته ليك في حفره مليانه مويه مطر وطين وسخ وزباله لمن سيد الدكان بقي يبضحك بي أعلى صوتو😹💔طلعته وانا حالتي حاله مشيت البيت دقيت الباب فتحت لي موبه صرخت بي أعلي صوت بسم الله العظيم اعوز بالله من الشيطان الرجيم وبقت تكرر في الكلام😹💔قلت ليها يا بت استهدي بالله دي انا تالين بقت تضحك بي اعلى صوتها حتى انا بقيت اضحك معاها😹💔قالت لي ده شنو دة العملتي في نفسك ييعع ريحتك كعبه 🐸💔قلت ليها خليني اخش وبحكي ليك دخلته غرفتي استحميت وجيت حكيت ليها وهي ماتت من الضحك بعدها جيت قعدته موبه منتظره عمار يضرب ليها قمت قلت ليها هو السنجلة حاجة جميلة وراحة بال وكلو بس انتم بتكرهونا ام السنجلة بعد تنشرو قصص حب وارتباط والله دي بتجيب لينا جفاف عاطفي و وجع جوة قلوبنا براحة على مشاعرنا🌚💔قامت ضحتكت وجاته المكالمة وبقت تتكلم وانا نمته صحينا الصباح ومشينا الجامعه بعد رجعنا رجعو معانا ناس الاء وبراءة وجات رزان من وصلنا الاء مشت المطبخ قالت جعانه🐸براءة مشت علي الدولاب طلعت ليها بجامه ومشت استحمت ونحنا كمان غيرنا واكلنا وباتو معانا والصباح مشينا الجامعه وبعد جينا من الجامعه بقينا وتونس مع امي قالت لينا امبارح بتكلم مع خلود قالت لي اولادها وراجلها جاين وح يقعد نهائيا قلت ليهو كويس والله احسن ليهم من الغربه عقبال ابووي قالت الايامات دي م كلمك انو احتمال ينزل السودان بس متأكده اذا ادوه الاجازه قلت ليها يا ريت يدهو ليها اشتقته ليهو شديد قالت لي أن شاء الله الصباح مشينا الجامعه وسلمنا علي الشله واتونسنا وطلعنا مشينا مطعم رجعنا البيت المغرب مشينا سلمنا علي امي قالت لي الليله اولاد خلود ورجلها جو وبكره عندهم كرامه غداء قلت ليها طيب بكره من الصباح بضرب لي الاء وبراءة بجو نمشي نساعدهم قالت لي أي كده احسن يلا الصباح صحيت موبه جات قالت لي تعالي اشربي الشاي أثناء م نحنا قاعدين نشرب في الشاي قمته ضربته لي براءة وكلمتها بي موضوع ناس خالتو خلود قالت لي سمح وبرضو ضربته لي الاء وكلمته وقالو جاين جو مشيت لبسته لي توب وموبه لبست برضو توب والاء وبراءة جو لبسين عبايات مشينا بيت ناس خالتو خلود قالت لينا الله جابكم لي واحدين يرتبو الغرف واحدين ساعدوني في غسيل العده والطبخ ماب والاء ورزان مشو يرتبو الغرف انا بغسل العده وبراءة وخالتو بيعملو الاكل ملصته توبي لانو ح املاهو مويه وبديت أغسل في العده طبعا عارفين العده بتكون مليانه تراب كيف💔م بعرف العده بتكون جو الرف البملاها ترب شنو حاجه تحير😹وبقيت بغسل طبعا لحدي اللحظه دي م شوفته اولاد خالتو خلود ولا راجلها خالتو قالت ماشه تتطلع لي ديلك الملايات يفرشو وبعد م براءة انتهت من الطبيخ قالت ماشه تساعدهم بقيت وافقه وبغسل وبخت في المصطبه بعد ديل فاتو فجأه جا زول من وراي بقول يا امي انا اتلفته عليهو لقيتو ولد ملتحي حسيت ملامحو م غريب علي هو طوالي حمر لي وطلع انا قلت ده مالو ده الاهبل ده😑فجأة لقيت نفسي واقفه بالبجامه التلات تربع والشعر الفاكي وطبعا شعري طويل لكن كان منكوش😹قلت وأي هسي شافني بالمنظر ده اكيد اتخلع لكن مالو حمر لي تاني قلت ده اهبل ساي😐لبسته توبي ومشيت فوق للبنات لقيتهم رتبو الحاجات خالتو قالت لينا بعد كده امشو البسو وتعالو قلنا ليها طيب رزان شألت ملابسها ومشت معانا ناس الاء كانو جايبين معاهم ملابسهم لبسنا كنته لابسه اسكريتي اسود وتشيرت فيهو الون كتير طقمتو بي كوبي وشبط كوبي وعملتع ايلانير وروح كوبي وطلعنا بعد وصلنا مشينا لقينا الناس جو خالتو قالت لينا رصو الصحانه في الصواني بدينا نخت والأولاد بجو بشيلو اها جا الولد القبيل قال لي رزان خلصتو؟قالت ليهو اي شال الصنيه ومشا بعد قعدنا ورصينا لي النسوان وبعدها عملنه الشاي والقهوه وبعد انتهينا والناس فاتو نحنا وخالتو وامي اتغدينا وشربنا القهوه واتونسنا جا عمو سعد واولاده الهما لحدى الآن م عرفنا أسماهم خالتو خلود قالت لينا ديل أولادي مهند ووليد أشرت على الود القبيل وقالت لينا ده منهد و
التاني وليد وقالت ليهم دي خالتكم فاطمه ودي بتها تالين ودي بت اختها ماب وديل صحبات تالين وماب الاء وبراءة وليد قال لينا وتشرفنا يااخ وبقينا نتونس مع وليد ياخي ظريف ظرافه ما زي التاني الاهبل داك😐وبعدها استزناءهم ومشينا البيت طلعنا غرفتي الاء قال احا وقلبي زحل ياخ انعل أبو السماحه وبعلي كلو واحد اسمح من التأني زحو لي ادردق انا ماشه ادردق في الزلط من السماحه قلت ليها كنته قايله ماب اكعب زول في الانبراش لكن لقيتك اكعب منها🐸💔براءة قالت عاد ليها حق في الانبراش النصيحه حلوين ياخي❤ماب قالت ليها العجب مهند سماحه عجيب 😻قلت ليهم انتو م لاحظتو هو انو الولد الاسمو مهند ده زي شفانهو قبل كده ماب قالت لي انا زاتي في الأول قلته كدا فجأة الاء قالت انا عرف هو ده الولد الاتشاكلتي مع في شارع النيل ولمن جا الجامعه وانبرشنا فيهو قلت ليها اي والله يا داب اتزكرتو عشان كده انا اقول الاهبل ده مالو بحمر لي🐸💔قالت لي لكن سمح قلت ليها لا شاف السماحه ولا شي😑💔م تتكلمي عنو لانو بجيب لي الصداع💔قالت لي خلاص سكته ومشينا نمنا الصباح كان يوم سبت م كان في جامعه بعد م شربنا الشاي الاء وبراءة قالو ماشين مشينا ودعناهم لحدي حتت الموصلات ورجعنا ماب قالت لي ماشه الدكان وجايه بقيت وافقه في الشارع فجأة اشوف ليك الاهبل ماشي على الدكان عاين لي حمرت ليهو هو زاتو بقي يحمر لي كره متبادل😑ومشا الدكان شايفهو سلم علي موبه وهي وافقه تتكلم معاهو وانا مستنيها مشيت ليها وقلت ليها م خلصتي قالت لي يلا ارح انتهيت مشينا البيت قالت واي من الزوق الراقي قلت ليها انتي م شفتي وشو التاني عشان كده عاذراك😑دخلنا امي قالت لينا جهزو معانا الفطور عشان ح نمش ناس خلود نفطر معاهم في قلبي قلت تاني ح نلقي الاهبل واي💔جهزنا الفطور وشلناهو فتح لينا الاهبل😑انا كنته آخر واحده سلم على امي وعلى موبه ولمن جا دوري م سلم على طوالي فات في قلبي قلت احسن عشان م عايزه أوسخ يدي😐فطرنا واتونسنا وليد ياخي عسل ينقط زي خالتو ورزان م عدا الاهبل نهائي م فتح خمشو بس كان مركز مع تلفونو😑💔وشربنا الشاي لمن قمنا طالعين اتصورنا مع وليد ورزان صور حلوه شديد وشالو ارقمنا انا وماب ووليد قال ح يرسل لينا الصور مشينا البيت وقعدنا نشاهد لحدي المغرب مشيا الغرفه فتحت التلفون لقيت وليد رسل لي الصور وكمان كان خاتهيم استوري اتونسنا شويه وبقيت بتصفح في الفيس وانستغرام لمن زهجت نمته
قل للذاهبين ، أن الفراق لم يعد يخيف أحد ، فكلنا للفقد ذاهبون وإنا لله وإنا إليه راجعون✨🖤
يتبععع .....
