خالتو قالت لينا الليله بعدين العشاء جاينا اختي واولاده هما ما حضرو العرس لانو كانو بره البلد كانو قلنا ليها كويس بعد م صلينا العصر بدينا نجهز في الحاجات عملنا الاكل والبسبوسه والشاي يلا المغرب إذن مشينا انا وبراءه صلينا جينا لقينا الضيوف جو يلا سلمنا على اخت خالتو خلود اسمها راند عندها بتين ولد الولد اسمو عماد والبتين أريج وتبيان يلا (تبيان دي الكانت متصوره مع الاهبل البت ال كانت لابسه بنطلون وفاكه شعرا اتذكرتوها؟)يلا اريج سلمت علينا سلام ظريفه لكن تبيان دي سلمت علينا بي طرف أصابع شايفه نفسها حاجه واو😑يلا قعدنا وهي قاعده جنب الاهبل وتونس معاهو وكمان بتعوج في لسانها غياظه يااخ ثانيتين م بتحميلها يلا بقو يتونسو تبيان قالت ليهو معليش يا هنودي م حضرنا عرسك لكن في عرسك تاني ح نحضرو اكيد يااخ اتغظته منها كيف😑💔قام هنودي أقصد الاهبل😂💔قال ليها يااخ تالين دي في زول بعرس فيها خالتو خلود قالت ليها بري يعرس فيها وين م شاء الله بت رضيه يعقرن عليها النسوان ياخ حرجوها😂💔عجبني ليها الخفيفه اللفيفه حبيتهم حب قالت ليهم كنته بهظر معاكم وفكتا ضحكا😑💔لكن م زول ضحك معاها😂💔يلا وقت العشا مشينا انا وبراءه جات معانا اريج رصينا الاكل في السفره فيها 10كراسي كل خمسه بي جهه يلا في جهه قعدو فيها خالتو خلود و خالتو راند وعمو سعد وتبيان فضل جنبها كرسي فاضي يلا جهتنا قعدنا فيها اريج وليد تاني براءه وتاني انا يلا جمبي كرسي فاضي يلا جو الاهبل وعماد طبعا تبيان مستنيه الاهبل يجي جمبها لكن اااه وين يااا 😂💔الاهبل جا قعد جمبي وعماد قعد جمب تبيان بدينا اكل يلا اثناء م بناكل هي طبعا مفتكره انو العمل الاكل خالتو خلود😂 قامت قالت ليها والله يا خالتو طبعا فطاير دي حلوه دايرك تعلمني الطريقه💋❤خالتو خلود قالت ليها بري والله م عملتها انا عملتا بتي تالين💋❤البت اتشرقت شرقا وسكت تاني نهائي م اتكلمت😂💔براءه قالت لي دي ماله دي قلت ليها بري م بعرف😂💔لحدي م انتهينا يلا جبنا ليهم البسبوسة والحلويات اكلو وبعدين قالو ماشين ودعانهم رجعنا لمينا العده وغسلناها مشينا فوق نمنا صحيت الصباح نزلتا تحت صبحت على خالتو وحبوبه وبراءه وليد لقيتهم قاعدين بيشروب الشاي قعدته كبو لي بقينا نشرب في الشاي جا الاهبل امو قالت ليهو شربته القهوه قال ليها لا جيت نازل طوالي حبوبه قالت لي قومي اعمليها ليهو قلت ليها طيب مشيت عملته وجبتها ليهو شرب بعدين هو وليد مشو الشغل يلا بعد فطرنا زي الساعه اتنين كده الجرس ضرب مشيت فتحتو لقيتو ديل الاء وماب سلمته عليهم ودخلنا قالو لي براءه وين قلت ليهم في المطبخ مشينا الاء وماب الاتنين قالو ليهم مفاجأه قالت ليهم واحلى مفاجأه وبعدين بقينا نتونس قالو الجامعه فضل ليها شهرين بعد عيد الضحيه قلت ليهم احسن يااخ والله اشتقت الجامعه اتونسو معانا يااخ بحبهم شديد يلا اتغدو معانا بعدين قالو ماشين ودعانهم ومشو يلا بليل أذان العشاء أثناء ما انا بصلى في الركعه الاخيره الكهرباء قطعت💔صليت انتهيت طلعته بره الاهبل قال لي شكلو قطعت عامه تعالي ننزل تحت قلت ليهو طيب ماشه كده قربت أقع قال لي انتهبي ولا أقول ليك جيبي يدك عشان م تقعي مديت ليهو يدي نزلنا تحت لقيتهم كلهم في وليد قال لينا شكلو في عطل💔قعدنا في كراسي الجلوس يلا حبوبه في كرسي وعمو وخالتو في كرسي ووليد وبراءه في كرسي وانا والاهبل في كرسي لحدي الساعه11 م جات وانا خلاص النوم في عيوني بدون م أشعر نمته صحيت لقيت راسي في كتف الاهبل وراسو فوق راسي م اتحركتا عشان م اصحيهو وكلهم كانو نايمين تلفوني كان في يدي عاينته في التلفون لقيت الساعه اربعه ونص لقيت الكهرباء لسه م جات💔خمس دقايق كده جات صحيت الاهبل قلت ليهم قوم الكهرباء جات وصحيناهم كلهم يلا صلينا الصبح ومشينا فوق نمنا صحيت زي الساعه سبعه نزلنا تحت لقيت البيت كلو نايم شكلهم ساهرو امبارح❤يلا مشيت المطبخ عملته الشاي والقهوة لي مهند يلا جات خالتو قالت لي صباح الخير قلت ليها صباح النور💋❤قالت لي عملتي الشاي قلت ليها أيوه يلا شلته الشاي والقهوة وحبوبه وبراءه وليد ومهند جو شربو طلعو الشغل ونحنا قاعدين نتونس خالتو قالت لينا الجامعه فضل ليها كم؟ قلت ليها شهرين يعني بعد عيد الضحيه قالت لي كويس والله مشيت فوق غرفتي انا ومعاي براءه بقت تفتش في دولابي قالت لي في الدولاب ده في ملابسك بس وين ملابس مهند قلت ليها اصلا م عايشين في غرفه واحده قالت لي كيف يعني؟؟😬قلت ليها زي م قلت ليك انا هو بنكره بعض لسه🐸❤قالت لي عاد حالتكم حاله😂اتونسنا وبعدين نزلنا تحت يلا عملنا الفطور فطرنا وبعدين انا وبراءه عملنا قهوه وفشار وفنكوش ومعاها فول سوداني وتسالي وبقينا نشرب في القهوه وحبوبه قالت لينا جبنه السرور يا يمه خالتو قالت لينا عاد قهوه تمام ماف كلام بعد شربنا القهوه مشيت فوق الشقه دخلته غرفتي و قفلته الباب و صليت الظهر وختيت تلفوني في الشاحن ونمته صحيت بصوت زول بدق في باب الغرفه قمت فتحته الباب لقيتها دي براءه قالت لي تعالي تحت قلت ليها سمح مشيت استحميت سريع ونزلتا لقيتهم بختو في الغداء قالو لي تعالي اتغدي وليد ومهند جو كنته شبعانه قلت ليهم والله شبعانه اكلو انتو مشيت المطبخ قلت احسن اعمل ليهم الشاي عملته الشاي وكبيتو في الرميس وجبتو لقيتهم انتهو كبيت ليهم وبقينا قاعدين نتونس بعدها طلعنا فوق العشاء كده لقيت نفسي جعانه قلت احسن امش اشتري رصيد واندومي من الدكان واجي لبسته توبي دايره أفتح باب الشقه كده جا الاهبل قال لي ماشه وين بالليل كده قلت ليهو ماشه الدكان قال لي خليهو بكره الصباح قلت والله عاوزه رصيد وجعانه عشان كده دايره اشتري اندومي قال لي طيب انا بمش بجيبها ليك قلت ليهو لالا ح امش سرعه واجي قال لي طيب خليني امش معاك دقيقه بس مشا لبس وجا يلا مشينا الدكان اشتري لي اندومي وشبس وشوكولاته وبارد ورصيد يلا في الشارع ماشين كده قال لي تعالي نمش نسلم على ناس امك قلت ليهو طيب مشينا بيتنا فتحت لينا امي سلمنا عليها ودخلنا لقينا ابوي في الهول سلمنا عليهو قلت ليهو وين عمار قال لي في الغرفه فوق قلت ليهو ح امشي انا اناديهو قال لي كويس مشيت غرفتو لقيتو راقد وبتكلم بالتلفون انا عارفهو بتكلم مع ماب مشيت ليهو من وراء وقعدته جمب التلفون وشلتو منو وققلتو قلت ليهو بعدين اضرب ليها ارح اتونس قال لي يااخ بعد م عرسنا ليك برضو لسه عندك الحركااات دي😞قلت يعني شنو لو عرسته😂قال لي الجا معاك من قلت ليهو مهند قال طيب راح مشينا سلم علي مهند وبقا يتونس معانا امي ضيفتنا وبعدين مشينا البيت طلعنا فوق سويت الاندومي في النار وجبتو قلت احتمال الاهبل يأكل معاي شلتو ومشيت ختيتو في الهول مشيت ليهو في غرفتو قلت ليهو تعال اكل معاي قال لي طيب جا فتحت التلفزيون بقينا نحضر وناكل مشيت جبته البارد و اديتو واحد وشلته واحد شربنا بعدين بقينا نحضر لحدي م نعستا قلت ليهو يلا تصبح على خير قال لي وانتي من اهلو مشيت غمضته عيوني حسيت بزول غطاني وخت جمبي حاجه عرفتو ده مهند بعد طلع فتحت لقيتو ده لي تلفوني شكلو نسيتهو في الهول وبعدين نمته صحيت الصباح لقيت مهند نزل تحت مشيت ليهم وصبحتا عليهم يلا مره اليوم عادي زي الساعه6 مساء صبت مطره كانت كتيره شويه والكهرباء قطعت يلا مهند جا مبلول شديد طلع فوق مشيت ليهو لقيتو بعطش واقف قريب المكيف وجسمو مبلول مشيت قفلته المكيف طلعته مشيت صليت المغرب و جيت لقيتو غير وقاعد في السرير وبرجف وشعرو لين لسه وبعطش قلت ليهو لسه قال لي أي حتى صوتو اتغير كانو جاهو التهاب لمسته راسو لقيت عندو حمه مشيت جبته منشفه نشفته ليهو راسو ورقد قال لي جيبي بطانية غطنيي بيها لأني بردان شديد💔مع انو الكهرباء كانت قاطعه جبته ليهو البطانيه وغطيتو مشيت عملته ليهو شوربه شربتها ليهو حتى بقي احسن شويه وعملته ليهو مكمدات لي الحمه يلا الكهرباء جات صليت العشاء وجيب ختيت راسو في رجليني و بقيت بقرأ ليهو في قران لحدي م نام وانا زاتي نمته صحيت زي الساعه5 صباحا حسيت بزول بصحي فيني لقيتو ده مهند قال لي قومي نومي في غرفتك لانك امبارح م نمتي كويس قلت ليهو طيب مشيت غرفتي نمته وصحيت الساعه7كده مشيت استحميت واسوكتا مشيت غرفته مهند اتطمن عليهو قال لي انا كويس شكرا ليك كتير يااخ قلت ليهو ولو العفوا الليله م تمش الشغل عشان م تعب زياده قال لي طيب نزلته تحت شربتا الشاي يلا مهند جا خالتو خلود قالت ليهو الليله م ماشي الشغل ولا شنو قال ليها لالا والله بس عشان تعبان شويه قالت ليهو سجمي عندك شنو قال ليها بس كان عندي حمه خفيف والتهاب لكن مرت ولدك م بتقصر عملته لي الشوربه والمكمدات قالت ليهو مرت ولدي منو؟قال ليها في غيرها تالين قالت ليهو لو سمحت تالين دي بتي م مرت ولدي عشان كده المره الجايه قول لي بتك م مرت ولدك فاهم؟💋❤قال ليها حاضر يا ست الكل وانته يا وليد برضو م تقول لي مرت ولدك لانو براءه برضو بتي💋❤مشينا حضناها قلت لي براءه رأيك شنو بعدين العصر كده نمش لي الاء ونكلم ماب تجي هناك برضو يااخ نهائي بعد العرس م مشينا ليهم قالت لي سمح يلا مره اليوم لحدي العصر كلمنا خالتو قابت لينا طيب وضربت لي موبه كلمتها قالت لي طيب لبسته لي توب لونو اخضر زرعي ساده وبراءه لبست توب لونو وردي ساده برضو براءه قالت لي كلمي منهد يودينا قلت ليها كويس مشيت لقيتو ماف قولت ليها تعالي نسال خالتو مشينا سالنها قالت لينا طلع يودي حبوبه الدكتور قلت ليها طيب قلت لي براءه ارح نركب ركشه اصلا البيت م بعيد شديد قالت لي سمح اها مشينا وقفنا ركشه وصلنا لقيناهم الاتنين قاعدين سلمو علينا وسلمنا علي خالتو بعدين بقينا نتونس معاهم لحدي العشاء كده تلفوني كان بعيد مني جنب موبه يلا ضرب كان موبه عاينته في الشاشه وقالت لي الاهبل يتصل بك وقعدت تضحك حتى ناس براءه يقو يضحكو😂💔لمن فصل التلفون وهما لسه بيضحكو ادتني تلفوني تاني ضرب هما طوالي ضحكو سخفيات👊رديت ليهو قال لي اها انتهيتو ولا لسه قلت ليهو
يتبععع.......
