يلا بعد أسبوع من الكلام ده امي قالت لي نمش انا وانتي وماب ناس خلود نساعدهم في التحضيرات لانو من الشهر مرآ أسبوع وفضل ليهم تلاته أسابيع قلت ليها طيب مشيت كلمته ماب لبسنا التياب مرقنا وصلنا طبعا ناس خالتو خلود بيتهم تلاته طوابق هما عايشين في الطابق الأول والتاني لي وليد ومرتو والتالت الاهبل ومرتو يلا نحنا مشينا فوق الشقه بتاعت وليد وبراءه عشان نركب الديكور اصلا الأسبوع الفاتت براءة مشت مع وليد اختارو الديكور يلا انا وماب ملصنا تيابنا كنسنا الشقه كلها حته حته غبار الله لا وراكم ليهو💔ومسحنا الحته تاني بقينا نرتب كراسي الجلوس بعد م انتهينا من الكراسي ركبنا السرير بتاع الغرفه واصلا الدولاب والتوليت كانو في بس نحنا رتبانهم يلا هما اصلا الشقه تلاته غرف يلا ماب مشت غرفه وبقت تركب الستاره الفيها وترتبها ورزان برضو غرفه وانا برضو غرفه لمن جيت اركب الستارة ركبته في الطربيز وبقيت بحاول ارتكبها وانا اصلا قصيره وهي بعيده شويه💔يلا أثناء م انا بشب لي الستاره وقعته في زول ثبتني لقيتو ده الاهبل زحيت منو قال لي انتي نهائي م بتعرفي تعملي حاجه كويس😑هسي الوداك تهبشي انتي اصلا قصيره يعني ح تلحقيها مثلا ؟غباء😐خلي عندك حبت مخ يااخ م لاقاني بت غبيه زيك😑قلت ليهو شكرا م محتاجه نصيحتك أحتفظ بيها لي نفسك😐حمر لي وفات يلا انتبهت لي نفسي لقيت اول شي الجلباب م طويل وسخان من المسح تاني شي وشي وشعري مليانين غبار عاد حاله يلا بعد م انتهينا من اي شي الشقه بقت حلوه شديد يلا نزلنا تحت سلمنا المفتاح لي خالتو قالت لينا بكره تعالو نرتب تحت قلت ليها كويس مشينا البيت رزان مشت معانا استحمينا ويا النوم جاك زول نمنا يلا صحينا العصر يلا اتغدينا وصلنا رزان البيت ومشينا الدكان جبنا رصيد وجينا راجعين في اولاد كانو قدام بيت ناس خالتو خلود ومعاهم الاهبل بقو بيشغالو فينا واحد قال لي التاني كشف لي المزز ديل😻❤التاني قال لي الاهبل يا مهند بالله عندكم مزز لي الدرجه دي انا جاي اسكن معاكم😻❤مهند قال ليهو يا مازن بطل تشغال ديل بنات جيرنا قال ليهو سكته خلاص يلا دخلنا البيت طلعنا غرفتنا ماب قالت لي نعدي الأسبوع ده كلو مع أهل وليد الأسبوع الجاي نمش ناس براءه قلت ليها كويس قلت ليها م وريتك طبعا يوم العقد مش براءه قال ح تردح ليهو يا بت من م حضنها فصلت طوالي😹💔وداك يا الكلام الرومانسي 😹قلت ليها نحنا م حصل جربنا نمد يدنا لي زول ويزح يدنا ويحضنك ؟!احنا غايتو جربنا نمد يدنا لي زول ويطلع ما بصافح🐸💔وبعدين نتلفت نشوف في زول شافنا ولا لا بقت تضحك قالت لي فعلا😹💔قلت ليها لينا الكريم وقعادا النيم قالت لي بس اللهم عفوك ورضاك والموضوع داك بقينا نضحك مر اليوم عادي الصباح مشينا ناس خالتو خلود لقينا حبوبتهم ام أبوهم جات يلا لقينا معاها الله الاهبل كان بيضحك اول مره وشوفو بيضحك لكن ضحكتو هو حلوه❤استغربته لانو نهائي م بيضحك طول الوقت مكشر طبعا لحدي الآن م حصل سلمتا عليهو في يدو يلا المره دي الناس كانت كتيره وم بقدر م أسلم عليهو لمن مديت يدي سلم علي حسيت بي قلبي يدق شديد وحسيت بي شعور غريب خلاص❤قعدنا نتونس مع حبوبتهم وهو يضحك معاها بس ياخ هي ظريفه خلاص قالت لينا بنات و الزمن تلف مع الولد أربع وعشرين ساعه واخر النهايه م بتزوجو عاد ي حليل زمنا قالت لينا الما عجبتيهو بي كعكاتك ولفحة توبك م بتعجبيهو ممسحة💕حبيتها يااخ يلا مشينا رتبنا الحته وبقينا شغالين الأسبوع كلو مع ناس خالتو خلود بعد نرجع من الجامعه يوم الجمعه مشينا ناس براءه لقينا الاء هنالك وبقينا برضو شغالين معاهم ونرجع البيت لحدي م فضل لي العرس 4 بقينا نبيت معاها يلا بليل كان الحنه بتاعت وليد لبسنا وعملنا فل ميك اب مشينا الحفله حتينا حتت💃🏻💃🏻 جا عمر ومحمد جاب معاهو المزه بتاعو حلوه وراقيه وعبدالله برضو جا كنته برقص معاهم بقيت برقص مع عمر غايتو جنس حت💃 يلا مشينا نشرب عصير انا وهو يلا محمد بقي يعمل حركات غربيه عجيبه زي ناس الديسكو واي حركاتو تموت😹💔وانا بضحك فيهو وبعاين لي عمر عاينته لشاشه لقيت المصور مثبت صورتي انا وعمر وانابضحك يلا العريس ختو ليهو الحنه محمد المزه بتاعو ختت ليهو الاء ختت لي عبدالله وماب لي عمار فضل عمر جيت دايره اخت ليهو كده رزان جات قالت لي تالين💙قلت ليها ايوة قالت لي امي بتناديك قلت ليها طيب ختي لي الحنه لي عمر قالت لي كويس مشيت لي خالتو خلود قالت لي دايرك تتطلع لي الكبابي من الدرج قلت ليها سمح طلعته الكبابي مشيت لقيت الاولاد كلهم لسه بختو ليهم في الحنه قام وليد قال لي عليك الله يا تالين ختي لي مهند لانو كل البنات م فاضين قلت ليهو سمح يلا جبته الحنه وحنتنو🌸بعد انتهيت ولا قال لي شكرا ولا اي شي عاين لي كده وسكت غياظ خلاص يلا صورته وليد فديو لي براءه بعدها انتهت الحنه مشينا البيت حكينا ليها بالحنه يلا في حنه براءه كانت بنات بس لبسته فستان مع الركبه لونو اسود ❤ربينا ليك الحفله ربب يلا
يلا رسمنا يدينا يوم الخميس بليل براءه كانت خايفه ومتوتره قالت لينا يوم عرسي م دايره زول يقيف علي حيلو
وانا داخله اي زول يترمي في كرسي😞وانا ووليد حانرقص زنقه ودستور😊وبعديها نفكر نرقص slow😍في كل ترابيز حاعمل جهاز تصنت عشان اعرف البقطع فيني منو بالذات البنات😒والعشا حايكون طعميه بس عشان اعرف الجاي عشاني منو والجاي يملا بطنو منوو😞ودااا عرسي وانا حره فيهووو😁تاني قالت لي خايفة يوم عرسي امي تقول لي
مابتمشي مع راجلك إلا تغسلي العدة 💔بنات ح تغسلوها بدلي موش ولا م موش😞قلت ليها م ح نغلسها ليك ح نخليك تجي تغسليها بي توبك حق الجرتق😊خلاص يااخ يلا نومي ابت نهائي كان تنوم بس حايمه من حته لي حته وبعلي منها دوختنا يااخ لمن ادينها حبه منومه😹💔حتن نامت يلا الصباح بعد شربنا الشاي مشينا الكوافير لحدي وقت الفطور رزان جابت لينا الفطور يلا بعد فطرنا بدو لينا بالشعر انا عملته شعري كيرلي عملته ليهو ميج بالاشقر الاء سرحو ليها خصلتين بي قدام والباقي عملتو كعكه لي فوق ثبتوها ليها بي برش حلوه شديد😻❤ وماب طلعو ليها خصله بالجمبه والباقي خلوهو ليها فاكي😻 رزان سرحو خلو ليها الشعر كلو فاكي بي طريقه حلوه شديد يلا الفساتين بتاعتنا فوق ضيقا وتحت فاري يلا من وراء طويل ومن قدام قصير كان لونو أزرق غامغ كلنا سوا يلا الاكسسورات لونها فضي وماف طرح عملنا فل ميك اب يلا المره طلعنا مززز شديد يلا جهزو براءة طلعت عسل شديد😻❤يلا العريس وصل كان لابس بداله سوداء والاهبل كان لابس بداله كحليه غامغه نحنا مرقنا يلا في عربيتين واحده كانت حقت عمر ركبو فيها رزان وماب والاء والتانيه حقت الاهبل ركبنا فيها انا والاهبل قدام وبراءه وليد وراء يلا اول شي مشينا محل التصوير واتصورنا معاهم وتاني اتصور هم براهم يلا لمن ركبنا العربيه وليد قال لينا رايكم شنو اهرب انا و مرتي ونكسر حنك الحفله قلت ليهو ونقول لي المعازيم شنو؟ قال لي قولي ليهم راجل وساق مرتو وانتو احضرو الحفله لحدي م تنتهي قلت ليهو والفنان ده يغني لي منو اذا العريس والعروس مافي؟؟😹💔قال لي يغني ليكم اغاني بتاعت زنق بس واغاني لي السناجل😹💔بقينا نضحك يلا تاني نهائي ماف زول اتكلم لحدي م وصلنا لقينا ناس ماب وصلو ودخلو الصاله يلا دخلنا انا والاهبل سوا فجأه حسيت الصاله كلها بتعاين فينا دخلنا مشيت لي ناس ماب والاء قالو لي دخول لكن😻❤احساس لابس بداله كحليه زي الفساتين بتاعتنا الناس بتكون قايلكم مطقمين سوا قلت ليها اكعب شي يلا زاتي كرهته اليوم الشوفتو فيهو💔الاء قالت هو انتي لاقيه يا جاحده النعمه دي بقيت بعاين ليها كده😑💔يلا براءه وليد دخلو ورقصو أسلو بي اغنيه مكتوب ليك أنني انا اللتعيش لها مكتوب على اسمك حياتي كلها هو يهمس ليها ساي وهي تخجل الاء قالت لي نفسي اعرف بيقول في شنو؟؟😹💔قلت ليها نفس الشي والله(مي معاذ كيفتمام🐸💔)بعد انتهو قعدو في الكوشه مشينا وققنا جمب براءه قلت ليها قال ليك شنو اثناء م بترقصو الاسلو؟؟🐸قالت لي م بوريك لمن تعرسي خلي راجلك يقول ليك الكلام حيوانه خلاص💔قالت لي كنته ناويه ادخل بأغنية آليسا حبيت أيامي بيك لكن خايفة لمن اجي مقطع ولا عمري حبيت من قبلك بس انتو تغنو لي ك ك ك كضااابة عارفكم بتعملوها🐸💔قلت ليها فعلا كنه ح نغني ليك كضابه ونفضحك مع وليد😹💔الناس البتبارك بتقول لينا بتقول لينا عقبالكم يلا خالتو خلود بقت تصور مع وليد وبراءه وبعد سقنا براءه وبقينا نرقص معاها الفنانه كانت مياده قمر الدين😻ديك يا الربه يلا طبعا الايامات دي لازم نهايه الحفله يشغلو كضابه وسقطت م سقطت صابنها😹💔لحدي م قالو العروس ترمي الورده انا كنته واقفه جمب خالتو خلود وأمي يلا قامت خالتو خلود لزتني لحدي ناس ماب الورده وقعت فيني مسكتها ماب قالت لي يعني الدور الجاي عليك قلت ليها انتي عارفه اني بقيت م بثق في ولد بعد الحصل داك💔قالت لي الموضوع ده مره عليهو تلات سنين وانتي لسه م نسيتهو قلت ليها وهو بتنسي؟💔عيوني دمعت مرقت بره الصاله وبقيت ببكي بي حرقه😭💔وبتذكر في الماضي💔الخلاني م اثق في اي زول تاني💔الماضي الحادي الآن م قدرته انساهو💔حسيت في زول وراي طوالي قشيت دموعي واتلفته عليهو لقيتو ده الاهبل سريع مشيت بدون م اتكلم معاهو مشيت الحمام صحلته مكياجي مشيت وقفت مع ناس الاء ماب قالت لي كنتي وين قلت ليها حبيت أشم شويه هواء قالت لي م عني م صدقتك لكن مشيتها ليك (بالجد البحبك بحس بيك حتي لو كضبته)يلا مشينا مع العروس نغير لي الجرتق وانا بحاول اخفي حزني بي ابتسامه مزيفه لانو الموضوع الكنته م عاوزه اتذكرو نهائي اتفتح تاني💔يلا لبسنها العريس جا ساقا بعد الجرتق انتهي ودعنا براءه بكينا شديد😭يلا بعدها رجعنا البيت طلعنا الغرفه بقيت بتذكر في الحصل قبل تلاته سنين💔
نعم نبكي ولكن في أماكن فارغه كداخلنا
لا أحد يرانا 💔لا أحد يستمع لشقينا💔نُفرغ ما بنا عن طريق الصمت💔يظنون الأعصار نُمحينا لا يعرفون أن الاعاصير ِذواتنا ُمن نمحيها💔
يتبعع..
