#قصة_بنتي_فصلية_ابني😔
#للكاتبه_shahad
البارث الثالث
قصص نور قلبي
ضلينة تقريبا شهر بالمستشفى ننتضر انو تتحسن حالة ابني....
ايمن اوف يمة ترة مليت المستشفى تعبتني كلش اريد ارجع للبيت مالتنه ماريد هنا اضل كلشي مابية
ام امير يمة وليدي اني خايفة عليك شنو تطلع...
اجه الدكتور وكال ماكو اي شي يخوف بس لا تتعبوه ولا تخلوه يطلع وحدة للاحتياط....
العصر لمينة غراضنة ودنطلع من المستشفى واجه عمي واخذنا للبيت....
وليدي امير..
امير هاا يوم
ام امير يمة هاك ذني فلوس الك ولاخوك شوف شيريد وجيبلة من المحل...
ايمن يوم اريد اطلع اني خل اروح بدالة...
امير لعد امشي وياي..
ايمن هوة المحل مو بعيد مقابيلنا هسة اروح واجي ماكو داعي...
امير بكيفك حبيبي.
ام امير يمة خلي يروح وياك...
ايمن ترة ازعل يوم قابل اني جاهل
ام امير لا وليدي روح بس يمة لا تتاخر
ام امير طلع ايمن من البيت وحسيت قلبي مو مرتاح ودزيت امير وراه وبدون ميخليه يعرف...
اكيد ماريدة يحس ويزعل مني...
راح امير وبدون ميحس يمشي ويباوع علية چان الشارع فارغ وهادئ تكدر تسمع الابرة اذا وكعت ...
امير ايمن حس انو احد ديراقبة وكف بنص الشارع والتفت وكال ليش تمشي وراي....
وبدون سابق انذار اجتي سيارة مسرعة ودعمت ايمن وايمن مثل الطفل وكع بالشارع والدم حوالية..
بهاي الفترة رجلية بعد متشيلني...
محسيت بشي....
الصوت ماكو....
النفس انگطع....
دكات قلبي اسرع من الضوء...
منظر ماتمنيت احد يشوفه لو چان عدوي
اريد اروح لاخوية اريد اشوفه اريد....
وقتها صحت بكل بصوتي ايمن...
اخوية ايمن...
#يتــبع
#قصة_بنتي_فصلية_ابني😔
#للكاتبه_shahad
البارت الرابع
قصص نور قلبي
السيارة الي ضربت اخوية بكل سرعتهة دعمت الحاجز الاسمنت وتوقفت..
رحت عند اخوية وشلتة بايدية واني اصيح يااااااااربي اخوية امانة...
يااااااااربي اخوية احفضه يا الله...
اخذت تكسي مباشرة رحت للمستشفى وللطوارئ اصيح دكتور ساعدني وبكل صوتي اريد دكتوووررررر عاد...
اجه الدكتور بسرعة بس اريدة يصير بخير دكتور دخيلك اخوية وحيدي دكتور والله ماعندي غيرة
الممرضين حطوه على السدية والدكتور اجه شافه وكال البقية بحياتك
بعد شوية جابو ولد اثنين مدعومين ورانا...
ونفس الولد الي دعم اخوية
اني صرت احجي بدون وعي وغلطت وفشرت
وبقلبي حسرة تجرها وجع انقبض قلبي ومن الهبطة وكعت عالارض بعد ما احس بشئ...
ام امير حسيت قلبي انقبض احس روحي خايفة شعور مثل واحد وهددك بالموت...
واني اروح وارجع للباب ياربي شو تاخرو ياربي سترك ياربي سترك ياربي سترك...
بعدها قلبي متحملت لبست العباية وداطلع اجاني اتصال من المستشفى گالو انو ولدي الاثنين بالمستشفى..
اني بعد مادري حسيت احد وضربني براسي هبط الظغط وتخربطت...
ورة شوية اجه ابو امير ويحاول يصحيني بعد شوي صحيت بالكامل وكمت ابچي واصيح وليدي يمة شبيه ابو امير شبي وليدي
ابو امير البقية بحياتج ابنا تعرض لحادث ومات بساعتهة
ام امير شنوووو ولج يمةة فلذة قلبي وسواد عيني يموت اووووووف يمةة
راح ابو امير للمستشفى علمود ياخذ جثمان ابنة
امير بعد شوية صحيت وتمنيته كابوس بس حاطيني مقابيل اخوية ومغطين وجهة صرت ابچي ونفسي گامت تلعب واسفرغت من كد مو مصدوم...
ابو امير وصلت المستشفى ولكيت ايمن مغطين وجهة وامير يستفرغ حشاكم چان اروح واخذة لامير لبرا المستشفى....
ورجعت لابني الثاني دفعت ورقتين للدكتور لان رادو ياخذوه للتشريح اخذتة وطلعت
رحت للجامع وخليت فد ولد يغسلون لابني غسول الموت
اتصلت بشيخ العشيرة وحجيتلة الموضوع بين ما خلص ابني غسول اجتي تقريبا نص العشيرة رحنة للبيت وخليت امة تشوفه لاخر مرة ورحنا ساعه 4 العصر دفناه ورجعنا للبيت لكيت امير ينوح ويبچي عبالك مو اخوه ابنة كعدت ويا شيخ العشيرة واني دمي يفور بس اعرف اي تصرف غلط ممكن يروح بي ابرياء كلت للشيخ انو ماريد دم بيناتنا اول شي ثاني شي الولد ينسجن....
شيخ العشيرة معجبة كلام ابو امير وكال فوك هذا ناخذ فصلية ونحرك دمهم مثل ما حركو دمنة...
ام امير اني ابني مات يمة وحرگة الدموع عبالك دم... ابني حبيبي نور عيوني شلون ولج يمههه
ابو امير بس اني متعلم وهاي الشغلات ما اعترف بيها..
الشيخ لا ابو امير معجبتني بكلامك هذا قابل تخالف عاداتنه...
ابو امير لا ماخالف ان شاء الله وياكم...
اني احجي بس الكلام هذا مو داخل براسي مال فصلية ما فصلية بس شسوي هذا هم ابني وماكدر اسوي شي
#يتــبع
قصص نور قلبي
