#قصة_بنتي_فصلية_ابني😔
#للكاتبه_shahad
البارت الخامس
قصص نور قلبي
مرت فترة شهر وصار موعد نجيب الفصلية بعد ما انحبس الولد الله لا ينطي طلع جاي من تكريت لبغداد علمود ياخذ سيارة (قضاء وقدر ابني يموت) سبحان الله كل واحد ويموت بيومة...
بعدها رحت اني وابني علمود نجيب الفصلية بس لا اني ولا امير رضيانين بشغلتهة بس علمود كلمة انطيناها لشيخ العشيرة ..
دخلنه البيت وتلكتنة مرة تبچي تذكرت ام امير من تبچي على ابنة اووووف ياربي
بس حسيت ام الولد شايفهة ومدا اتذكر زين...
المهم جتي بنية صغيرة شكلها بعمر ابني ايمن..
ومدنكة راسها وتبچي....
اني حسيت بداخلي شي يقطع گلبي تقطع...
وجتي صورة ابني ايمن بين عيوني
عفت البيت وطلعت كلت لامير جيب مريتك وتعال...
اختنقت بعد ماكدر اتنفس..
رحت انتضرهم بالسيارة واجه هوة والبنية وامها كاعدة بالباب وتبچي وتكول شجابك من تكريت لبغداد يااااااااربي شنو هالمصايب
اخذنا البنية وطلعنا من تكريت لبغداد مباشرة
وصلنا البيت وام امير فزت على حيلها
ام امير سمعت انو ابو امير رجع وحسيت قلبي انقبض..
شعور مثل واحد مضيع شي غالي علية وكاعد يدورة وينتضر رجعته..
مثل شعور الطفل من يفقد حنان امه وهوة بامس الحاجة اله..
ابو امير ام امير شبيچ...
ام امير مادري عيوني احس قلبي اتگطع من شفت هاي البنية احس روحي فرفحت من شفتها...
ام امير رحت على البنية وبديت ابچي بحرگة وقهر ام فقدت ابنها الي ماظل واحد بالعراق ما جرب هذا الشعور.
ام امير يمة انتي شكد عمرج
ياسمين خ. خال. خالة عمري 19 سنة
واني ابچي ودموعي وحدة ورة الخ عمرها بعمر ابني ايمن حضنتها وكعدت ابچي وياها ماعرف شنو الي خلاني اتصرف هيج مع انو ادري هية اخت قاتل ابني
السلام عليكم اني اسمي ياسمين عمري 19 سنة ادرس حقوق سنة اولى طلعت معدل 80 قسم ادبي حالتنه المادية الحمد لله زينة بسبب ورث ابوية واجدادي وامي عدها املاك بتكريت بيتين...
اثناء دخول داعش انتقلنا لسامراء بعد متحررت تكريت رجعنا لبيتنا والحمد لله كلشي مابي مجرد سرقات اشياء بسيطة امي باعت بيت العائلة وفتحت محلات حديثة البسة ومكياج وهيج شغلات الفلوس البقت انطتهن لاخوية علمود يشتري سيارة راح لبغداد علمود ياخذ سيارة امي چانت خايفه علية بس ثاني يوم اجانا اتصال انو دعم واحد ومات وهوة هسة مسجون امي طار عقلها عليه وتبچي رحنا لبغداد وطمنة علية ورجعنا لتكريت امي طلبت من شيخ عشيرة بتكريت هوة خوش رجال ويعرفنا اجوي سوو فصل والشيخ كال لامي لو الدم لو فصلية اني خفت من الموضوع بس كتله فصلية خبرهم الحجي وفضوها للفصل وراحو...
امي كامت تبچي واني مستغربة لان ماعرف شنو فصلية...
امي يمة شسويتي بروحج بنيتي لا دمرين حياتج يمة..
اني انصدمت ليش يمة شنو الفصلية...؟؟؟؟ جاوبتني امي تروحين الهم مرة وبس تخدميهم.... وكتها كعدت ابچي بالزايد من القهر والظيم...
#يتــبع
#قصة_بنتي_فصلية_ابني😔
#للكاتبه_shahad
البارت السادس
قصص نور قلبي
مر شهر وصار موعد تسليمي للمجهول لا اعرف طبعهم ولا اعرف اذواقهم ولا اعرف متعلمين لو لا...
كل هذي الشغلات ببالي لحد ما اجوي حسيت بالامان لاول مرة بحياتي بحيث اخذت نفس ..
ودموعي بدون وعي ابچي دخلو رجال مو كلش كبير وابنة حسيت روحي اعرفهم من زمان...
الشعور مينوصف
الرجال الكبير طلع من البيت حسيتة مقهور وراح للسيارة وابنة لزم ايدي واخذني للسيارة وامي تبچي بس مادري ليش من مصلحتي اعوف امي
ماتدري الايام شضامة للبشر ..
رحت وياهم ووصلت بيتهم واول مدخلت حسيت روحي ببيتي مع العلم هذي اول مرة ادخل بيتهم....
جتي مرية وبدت تبچي وابجي وياها وحضنتني شوية ونفسي ينگطع من كد مو تبچي...
اجة الولد الي على اساس زوجي ودلاني على غرفتي الي هية سرير نفر واحد وكنتور وميز دراسة عرفت انو هاي غرفه ابنهم المتوفي غرفة مرتبة وحلوة حسيت روحي من زمان ادري بيها غرفتي
وكل ما اشوف شي احسة مو غريب...
مرت الايام واني بغرفة ايمن وامير ايدي ما لمسهة هوة يشوفني بالمطبخ يروح للديوانية اذا بالحديقه يصعد لغرفته بس حسيت بالم بداخلي كل بنية تحلم رجلهة يحبهة ..
بعدها امير سافر فترة 3 اشهر علمود دراستة بعثة ارتاحيت مادري ليش يمكن لان امير ارتاح مني .
وام امير محسستني انو اني بنتهة كل مرة تريد تحجي وياي بشي يزعلني تسكت وتصير تبچي...
مرة عمو ابو امير طلع من البيت واني وعمتي ام امير ضلينة وحدنة ...
وراسي شوية يوجعني كلت هوة محد ماكو بالبيت ونزعت الشال وحطيتة على رقبتي ورحت يم عمتي لگيتهة گاعده على القنفة بالديوانية تسبح لله وكعدت يمهة وكلتلهة عمة احس راسي شوية يوجعني..
حطت ايدها على راسي وحسيت بامان مدري ليش وبدت تقرا لي المعوذات..
ام امير اجتي البنية وكعدت يمي وكالت عمة راسي يوجعني ومدري شسويله كلت اقرالها بلكت يخف الالم وحطيت ايدي على راسها وبديت اقرالها المعوذات ودعاء ولفت انتباهي شي احمر برقبتهة بس مو مبين كله لان حاطة شال وطالع شويه منه عبالي وشم وسكتت..
سالتها شنو هذا الي برقبتج بنيتي شالت الشال وكالت هذا امي تنست وما ماكله...
ام امير انصدمت هذا نفس التنساه مال التوم حته نفس المكان رغم انو برز اكثر بسبب العمر بس عرفت هذي بنيتي ومبينت الها هذا الشي...
ياسمين اشو عمتي سالتني على الي برقبتي ووجهة ميتفسر ملامحها تغيرت گامت من يمي وراحت لغرفتهة..
محبيت ازعجهة اني رحت لغرفتي وحضنت المخدة وابچي لحد ما نمت..
ام امير اني عفت البنية ورحت لغرفتي اتصلت بابو امير وكلتله لگيت بنتنه واني ابچي..
ابو امير بتعجب شنووو شتحجين صدك
ام امير والله يابو امير دخيلك تعال
ما صار ربع ساعة ووصل ابو امير البيت اني انتضر بالباب حتة ماريد البنية تعرف شي من الباب كتله ضل بالسيارة ورحت بالسيارة وياه وحجيتلة الموضوع كليتة انصدم گال متاكدة لو لا
ام امير اني متاكدة بس اريد اتاكد اكثر حته قلبي يرتاح
ابو امير اي وشلون تتاكدين..
ام امير عندك معارف هواي بقسم تحليل DNA ويكدرون يساعدونا...
ابو امير ماشي بس اريدچ تدبريلي عينة اضفر شعر او دم حته نشوفة
ام امير اني ماكدر على الدم او الاضفر بس اشوف الشعر اذا ممشطة..
نزلت من السيارة ورحت للغرفة لكيتهة نايمة وحاضنه المخدة وجعني قلبي عليها...
لكيت مشطها نضيف بس اكو بالارض كم شعرات وشلتهن وطلعت...
حطيتهن بكيس واعطيتهن لابو امير ومن العصر لليل يلا اجا....
كتله ها
ابو امير بعد يومين يلا يطلع...
ام امير ماشي ان شاء الله خير
شاركو القصه
#يتــبع
