قصص نور قلبي
#قصة_بنتي_فصلية_ابني😔
#للكاتبه_shahad
السلام عليكم اليوم راح احجيلكم قصتي
اغلبكم سمع او اغلب الفصليات تنتهي بقصة حب بالاخير
هذه القصة تختلف جدا جدا
#قصة_بنتي_فصلية_ابني😔
#للكاتبه_shahad
البارت الاول
قصص نور قلبي
هلو اني ايمان من بغداد الاعظمية عمري 45 سنة تزوجت واني عمري 22 سنة عن حب من حبيب قلبي وابو اولادي ابراهيم تزوجنا واحنا بالمرحله 3 بالكلية درسنا كلية اقتصاد سوة وهوة كمل دراسته قبلي بسنة لان صار عندي طفل بالمرحلة الرابعه سميتة أمير لهذا اني اجلت
عمره 47 سنة هوة الابن الوحيد لاهله لهذا عايش وياهم ابوه اسمة قاسم وامة خديجة من تزوجت للان يعاملوني مثل بنتهم
هوة حاليا دكتور اقتصاد بجامعة بغدا حاليا
واني مدرسة اقتصاد باعدادية اهلية ببغداد
بعد ما خلص نبض قلبي الكلية قرر يدرس ماجستير وفورا طلع القبول بدراسته
حالتنة المادية جانت كلش زينة والحمد لله
بعدها اني رجعت وخلصت المرحلة الرابعة بالكلية وكملت الحمد لله
تعينت بمدرسة حكومية بسبب سجلي الدراسي الممتاز..
انقبلت بسرعه...
خلال فترة تعييني حملت بتوأم ولد وبنت
وقررت انو ما اريد اطفال بعد وزوجي ما عارض لان هوة هم مثلي يعرف انو راح تصير تربيتهم صعبه
اغلبكم ديفكر هسة هذولة مقتصدين حتة بالاطفال
..
مشت حياتنه بخير و9 اشهر صارت مثل لمح البصر طبعا دراسة وبيت وزوج وطفل والحمد لله
صار موعد ولادتي
دخلت للمستشفى ساعه 7 بالليل والحمد لله ساعه 9 جوي للدنيا نور عيني وطمنتني الدكتورة انو اني والاطفال بخير اجة ابراهيم وعمتي وابوه واموري حبيبي وشايل اطفالي بايدة وطاير من الفرح اني ابتسمت ودعيت انو دووم تظل الفرحة بحياتنه انطاني البنت وبدا يحجي باذن الولد مفتهمتة زين لان ملتهية بالبنية
لاحضت انو اكو شي برقبتها يشبه الفراولة كلت لابراهيم انو ينطيني الولد وهم عندة وحدة سبحان الله
تذكرت انو اشتهيت فراوالة ومحبيت اقاطع دراسة ابراهيم
..
نسيت الشغله نهائيا وهسة تذكرتهة
مقابيل غرفتي دخلت مراة هية وطفل عمرة تقريبا بعمر ابني امير المستشفى للاسف زوجها وعائلتها تعرضو لحادث وتوفو جميعهم
على اثر الصدمة صارت مضاعفات عدها ومكدرو ينقذون الطفل
انقهرت عليها كلش كلش لان محد يتحمل هيج صدمة بحياته
بعدها راح عمي وعمتي وامير للبيت وظليت اني وابراهيم..
نمت بالمستشفى وقتها..
الصبح ساعه 6 حسيت الم ببطني
والدكتورة اعطتني ابرة مهدء ومسكن للالم وراح ابراهيم يكمل اوراق الاطفال سمى الولد ايمن والبنت ايناس
ومحسيت الة ابراهيم يصيح اريدكم تطلعوها من جوة الارض اني حسيت قلبي انقبض وبسرعه التفتت على ابراهيم واكله ابراهيم شكو وابراهيم بس يبچي ويباوع علية يكلي مكدرت احافض على الامانة ماكدرت احمي طفلي
اني غوشت عيوني وبعدكلشي ماشوف بعدها محسيت اله واني ببيتنا
والجو كئيب جدا بالنسبة الي ضنيت انو هية اخذت الولد بس طلعت ماخذه البنية نضر عيني
حضنت ايمن وبديت ابچي ورة لحضات صار ايمن يشهك
انتبهت وجهة صار اصفر وبديت اصيح ساعدوني يا ناس ابني راح يروح من بين ايدي دخيلكم ساعدوني
اجه ابراهيم وعمي واخذ الولد مني وكال لامه ديري بالج عليها يمة هسة نرجع اخذه واني اتوسل علمود اروح وياهم بس مقبل من راحو ظليت ابچي يا ربي منين اجتني هالمصايب وعمتي تكلي اصبري يمة اصبري
اني قلبي تكطع تكطع على اطفالي وحده انخطفت ومادري اذا زينة لو لا والثاني مدري شبي ياربي
بعدها بكم ساعه رجع عمي وكال امشو ويانا للمستشفى الولد الحمد لله كلشي مابيه.. فرحت بس تعابير عمي تكول غير شي اني اهم شي ابني بخير هسة
#يتبع
#قصة_بنتي_فصلية_ابني😔
#للكاتبه_shahad
البارت الثاني
قصص نور قلبي
اخذنا عمي للمستشفى وايدي على قلبي اكيد عمي ضام شي علية
وصلنة ورحت اشوف ابني وين لكيتة حاطي بخودج
صرت ابچي بحركه ابني نضر عيني يمة بعد روحي
اجه ابراهيم وحضني ويبچي بس ما بين انو ابني بي شي بس كال ابنة عندة نقص باللبلعوم بعدة مو كامل ولازم يظل تحت المراقبة ويتغذى من حليب امه بس حته ينمو نمو طبيعي
اني مقتنعت لان اذا عندة نقص من ولادتة يبين بس كلت يجوز منتبهو...
مرت فترة شهر حزن وقلق بس الدكاترة كالو انو ماكو اي خطر بعد علية بس ديرو بالكم علية زين حته اذا كبر
اني شنو حته اذا كبر ابراهيم شضام علية كال لا مرات تصير مضاعفات عنده من يكبر اني ظليت ساكته واتعوذ الشيطان فكرة تجيبني وفكرة توديني وللاسف ماكدرو يلكون الي خطفت بنتي لانو التهينا بصحه الولد رغم انو ما راحت بنتي من بالي بعدها مرت الايام والاشهر والسنين وابراهيم حجالي انو ايمن عنده فتحه بالقلب وما يصير يتعب او احد يزعله لهذا كلنه دللناه وشيريد يمه هوة واخوه وصار عمر امير 21 سنة ودخل كلية طب اسنان
هلو اني امير عمري 21 سنة وراح تتعرفون علية اكثر بالقصة اني جسمي حلو مرتب ادرس طب اسنان مرحلة ثانية عيوني خضر على امي فديت الجمال اني
عندي اخ مدلل كلش بس شنو فايدة الدلال مكضيها دراسة يريد يثبت للعالم واهلي انو المرض ميوكف احلام الشخص وفعلا سجل درجاته يشهد
وايمن 19 سنة سادس ادبي..
هلو اني ايمن مدلل البيت عمري 19 سنة طويل شوية وضعيف مكضي اغلب وقتي دراسة.. وادرس ادبي بسبب اسباب صحية اهلي منعوني اروح علمي لان تعب وياثر علية حبيت اثبت لاهلي انو الانسان مستحيل يستسلم اذا كان عندة حلم...
ايمان ابني ايمن دخل للسادس والحمد لله درجاته ممتازة اتوقعنا انو راح ينجح من الدور الاول بس ما ضغطنا عليه خوفا على صحته...
وجنة اني وابوه دائما نكله انو حته لو ما طلعت الاول او ما نجحت البكلوريا حض ومن هاي السوالف حته نتوقع كلشي وما ينصدم اذا انظلم....
وابني امير هم نفس الحالة هم يفهمة انو مو كلشي بالنجاح اجتي امتحانات السادس اخر السنة امتحن وكان واثق من الاجابة واحنة واثقين بيه...
فترة اقل من الشهر نزلت النتائج عالنت واكتشفنا انو راسب وحاطين على اسماء صفه غش
للاسف تعبت حالة ابني كلش ومكدرنه نسوي شي غير انو ناخذة للدكتور
اخذناه والحمد لله تلاحكناه وكدرو يصيطرون على حالته
بس بالويل
ورة فترة الدكاترة خبرونا انو امى ننتضره يموت او انو نلكاله متبرع قلب
حاولنه انو نساعده بس منو الي يتبرع بقلبة على حساب حياته اني ردت انطيه قلبي بس الدكتور كال هذا انتحار وماتخافون الله بهيج تصرف
اني قلبي يمة وليدي بعده ششاف من الدنيا حسبي الله ونعم الوكيل عليكم حسبي الله ونعم الوكيل
#يتــبع
قصص نور قلبي
