#قصة_بنتي_فصلية_ابني😔
#للكاتبه_shahad
البارت السابع
قصص نور قلبي
ام امير مر اليوم الاول وقلبي مشتعل كلش مثل النار..
انتضر النتيجه اجه الليل وقلبي يريد يطلع من مكانه
ياسمين عمتي اليوم متغيرة من الصبح لليل مماكلة شي اخذتلها صينية ورحت يمها دگيت الباب وكالت ادخلي بنيتي كلتلهة عمه جبتلج العشا كالت يمة اليوم مو جوعانة...
ياسمين عمة اذا ما اكلتي اني هم ماراح اكل وراح انام جوعانه
ام امير لا بنيتي لا تكولين هيج اكلي مو زين بعدج صغيرة لازم تاكلين...
ياسمين اذا انتي ما تاكلين اني ماكل هائها باعي راح اكعد يمچ
ام امير ماشي بنيتي اكل وامري لالله اكلت شوية ورغم انو نفسي متريد ولاول مرة احس بطعم طيب بالاكل...
ياسمين اكلت عمتي شوية وكالت الحمد لله اني محبيت اضغط عليها گمت ورحت للمطبخ اغسل الاطباق وارجعهن بمكاناتهم ورحت نمت...
ثاني يوم الصبح حسيت روحي كلش مو زينة عضامي متكسرة عبالك واحد مشبعني كتل حاولت انهض من السرير ماكدرت صحت عمتي واجتني بسرعه...
ام امير مادري ليش اليوم ياسمين مو گاعده شبيها...
رحت وصلت لغرفتها وسمعتها تصيحلي دخلت للغرفة وقلبي متگطع عليها حيل مصخنة صحت ابو امير واجه حاولنا نمشيها بس متكدر ابو امير شالها ووداها بالسيارة..
ووديناها للدكتور كال شبيها.
كلناله ماندري
ماشي لعد هسة اشوف شبيها..
بعد شوية الدكتور گال عدها صخونة بالعظام حاولو تخلوها مرتاحة وراح اوصفلها دواء ومعافاية ان شاء الله..
قبل منطلع من يم الدكتور اتصل ابو التحليل وكال التحليل ايجابي وتطابق 100٪ ابو امير وگع الموبايل اني من يمي ابو امير شبيك اخذنا ووصلنة للبيت وطلع.
ام امير من دك تلفون ابو امير والشيطان يلعب براسي كل بالي يم امير البنية تعبانة وامير مسافر ياربي سترك
ابو امير وصلت النسوان للبيت وطلعت للمختبر اخذت الاوراق ورحت للشرطة بلغت عليها ورحت وياهم لتكريت َالقو القبض عليها بتهمة الاختطاف ورجعنا لبغداد ساعه 7 بالليل وام امير بالباب انطيتها الاوراق وام امير تبچي وتكلي مو كلتلك هذي بنيتي مو كلتلك عرفت بيها بنيتي من اول يوم
رحت للبنتي وحضنتها وابچي يمة بنيتي رجعتلي.
ياسمين اني مصخنه وعمتي تكول بنيتي رجعتلي الصراحه مفتهمت شي ولاحضت معاملة عمتي تغيرت كلش صارت كلش حنينة وياي رغم هية ما قصرت بشي وياي بس تغيير ملحوض بعد فترة صرت زينة وصاحني عمي وعمتي كعدت بالديوانية ولكيت عمتي كلش متغيرة وعمي نضراتة مال واحد مضيع شي ولكاه كعدت يمهم..
ابو امير بنيتي تدرين اني وعمتج حبيناچ من اول مرة وتدرين انو مانرضه احد يزعلج من اول ما اجيتي رغم انو انتي فصلية ابني مو صح..
ياسمين اي صح امي كالت عكس هذا الشي..
ابو امير اي بنيتي هذيج المرة مو امج هذي امج واني ابوج وهذيج خطفتج من اول ما جيتي للدنيا وهذا الدليل انطيتها التحليل وقرتة كله وكلتلهة انو الشرطة لزمتها بتهمة اختطاف وهية اعترفت بكلشي من اختطفتج
ياسمين وبكل صوت شنوووو
شتحجي انته تدري شنو معناه كلامك هذا
ابو امير اي بنيتي هية خطفتج واحنه گلبنة الدنيا عليج وما لكيناج وبسبب هذا الشي حته اخوج صار عندة فتحه بالقلب بسبب هذا الشي من اختطفوج وما كطعنا الامل انو نلكاج بيوم من الايام..
ام امير والحمد لله انو رجعتيلنا
ياسمين مثل الصاحية والي مو بكامل وعيه راحت تركض للغرفة وقفلت على نفسها الباب واحنا ندك الباب ونريدها تطلع وما نسمع غير انو شي انكسر بالغرفه وبديت اصيح البنية راح تسوي بروحها شي ابو امير جاب مفتاح احتياط وفتح الباب لكيناها منتحرة وكاصة اوردتها والدم يجري
ام امير بكل صوتي بنيتيي ابو امير الحكها
ابو امير شالها وطلع السيارة ما اشتغلت ياربي هسة وقتج وكفنا تكسي وبكل سرعته للمستشفى..
الحمد لله تلاحكوها بس خسرت دم ودمها زمرة نادرة O- ابوها واني نفس الزمرة +O وبس امير O- وامير مو هنا بعد شوية لكولها دم مناسب وحطولهيا ضلينه يوم كامل بالمستشفى وبعدين طلعنا الدكتور كاللهم ديرو بالكم عليها وطلعنا وصلنه البيت صدفه وامير بالبيت وشاف ابو وامة وياسمين سوة وياسمين مقطعه اوردتها امير عيونة صارن يجدحن نار وشوي وياكل ياسمين بعيونه...
#يتــبع
#قصة_بنتي_فصلية_ابني😔
#للكاتبه_shahad
البارت الثامن والاخير
قصص نور قلبي
ام امير ابو امير روح ودي ياسمين لغرفتها وامير تعال وياي..
امير استغربت شنو ودوها شنو هالسوالف..
وياسمين شبيها مو مثل كل مرة اشو صافنه وبس.
ام امير اخذت امير للديوانية وحجيتلة الشغله بالتفصيل الممل اشو هذا مثل المصدوم يباوع علية وممصدك عبالك جبيت التحليل وشوفتلهياه وصار مثل المصدوم ويسولف ويا روحه يعني ياسمين اختي يعني هسة اني متزوج اختي جان يكول الحمد لله ربي الحمد لله انو لحد هسة ما لمستهة الف شكر الك ربي
ام امير اخذت امير لحضني وبديت امسح على راسه وكالتله كل هذا قضاء وقدر ابني والله دزك ببعثه دراسة حته تنكشف الحقيقه ومتتقرب من اختك
كل هذي حكمة من رب العالمين ان رحمة الله اوسع من رحمة البشر....
مرت فترة ياسمين مصدومة وشويه شوية بدت تتعود علينا بس طلبت من عندنا طلب غريب انو نشيل الشكوة من امها الثانية جزاة العشرة والمداراة ولبينالها هذا الطلب وطلعت امها من السجن وللاسف طردوها العالم من بيتها وبدا حجي الناس عليها..
ومتحملت الموضوع وصارت بيها سكته قلبية وماتت ياسمين حزت عليها كلش مرت فترة تاخذ مهدئات من الشي الي صار بيها الي هوة صعب على اي انسان يتحمله...
مهما كان صبور وعندة طاقة تحمل
اما بخصوص اسم ياسمين جبنا كتاب من المحكمه تسجيل نفوسها وتحويلها من ياسمين قتيبة الى ياسمين إبراهيم وتحويل اسمها بالسجلات والوثائق الدراسية...
السنة الثانية اجلتها ياسمين بسبب انو مو مرتاحة وبعدها رجعت للدراسة ببغداد بعد ما نقلناها من تكريت ...
امير بالمرحلة الثالثة تعرف على بنية وياه اسمها نور تعرف عليها وبالمرحلة 4 تزوجها وهسة حامل شهر 2
وياسمين اول ماسجلت بالكليه تقدملها واحد من قسمها اسمة محمد جان كلش معجب بيها وبس تخلص المرحلة 2 يتزوجون
الحمد لله اني رجعت للتدريس وابو امير هم وذكرى ابنا ايمن ماتروح من بالنا وراضين بقضاء الله وقدرنا والحمد لله. وشكرا لمتابعه القصة اتمنى عجبتكم
اتمنى عجبتكم القصة
#قصة_بنتي_فصلية_ابني😔
#للكاتبه_shahad
