السلام عليكم نتعرف على ابطال القصة
نور:٢٣ سنه مخلصة سادس وكاعدة بالبيت لانو يتمة الاب والام ورباها عمها القاسي ومرت عمها ومخلوها تكمل...
بيت عمها يتكون من عمها علي ومرته سارة
وبت عمها وحدة لجين ولد عمها ٤ كرار وحسن ومطفى وضياء..
عائلة احمد: احمد ضابط برتبة نقيب بالشرطه عمرا ٣٦ سنه
وعائلتة من امه وابو واخته خلود ونرجس
واخوانه سعد وغيث..
الاحداث
سارة: ولج الساعه ٦ الصبح ولهسة نايمه بنت الكلب كومي سوي ريوك كرار وراه دوام وحسن وراه سفر كومي ياحقيييرة ودفرتها
نور: كعدت على دفرت مرة عمي وصياحها وبدون مااحجي اي كلمه كالعادة كعدت غسلت وركضت للمطبخ وسويت بيض عيون وجاي وحليب واجبان وقليت كبه لكرار لانو واحد شراني ويموت بالدسم اكلو وكلمن راح بطريقة كعدت نظفت ولميت البيت وركبت الغدا...وسمعت صوووووت صياح ولطم وبجي عبالي صار شي ركضت...وكعت مرتين لمن وصلت يم سارة مرت عمي..
سارة: ابني كرار راح انتهت حياته شلون بينا وين اوروح بنت الكلب واكفة فوق راسي شتسوين تتشمتين بية...
نور:عمه شصاير وليش اشمت شكو فهميني فدوة...
وماحسيت غير لزمتني سب وغلط وضرب ابني صار مجرم بسببج من دخلتي البيت وانتي وجه الفكر علية الله ياخذج ياك...ب.. ودخل عمي علي علينا... وخلصني منها
عمي علي: هي شعليها ابنج ماعرفتي تربي انتي وابنج الساقط وطالع على خالة الاغبر سعد تف عليكم العالم رافعة كوامه علينا لمي اغراضج وروحي لبيت اخوج انتي والبنات..
سارة: الحقيرة تبقى بالييت ما تروح وياي .... عمي علي هسة وكتج بهل الحجي اسئلي على ابنج بالاول..
ودخل ضياء .. بسرعه اخذو ملابسكم واشردو ...
وفعلا ..
اخذو ملابسهم وعافوني بالييت وكلشي ماعرفت ولا فهمت من السالفة شي .. حمدت الله وشكرته وقفلت الباب وبقيت اسبوع وحدي. بالبيت وكلبي يدك حيل شنو الصاير ومعقولة ابقى وحدي طول العمر وين راحو .. وافكار تودي وتجب .. .. وتفكير مشوش ومنقطع... قاطع افكاري صوت ضياء وعمي علي نور وينج...
نور: هلا عمي هلا ضياء الحمدالله انكم اجيتو جنت خايفة عليكم وين رحتو شصاير بيكم... وجنت خايفة عليكم....كل هذا وهما واكفين كدامي وماعرف شنو ضامين الي او ناوين الي..
عمي علي: نور لمي ملابسج وجيبي جنسيتج ولبسي بوشية وتعالي ..
نور: خير عمو وين نروح...
ضياء: نفذي وبدون صوت فهمتي لا تخليني اطلع القهر كل بوجهج اسوي خريطة العالم ..
نور: خفت وقلبي يرجف ويددك حيل ونفذت لاحول ولا قوة مجرد تنفيذ اوامر وبس.
يتبع....
