عائلة احمد
احمد: هذا مو صحيح الحجي شنو فصلية وفلوس لزم نذبح كرار وانا اكدر انفذ العملية وبدون محد يحس شنو يابة عايزين فلوس ويروح دم اخوي هدر....
ابو احمد: اسمعني ابني انا ماريد الدم بالدم اخاف عليكم . وماريد قلبي يتلوع زايد يكفي دفنت غيث بيدي ماريد ادفن احد بيكم من اموت انا سوا كل الي تردونا هسة كلامي الي يتنفذ مفهوم.
ام احمد: بيعد الشر عنك ويومك بيعد ان شاء الله.
احمد نفذ كلام ابوك وبدون نقاش ولا اي حرف زايد
احمد: صار يمة صار مثل ما تأمرون
انا صح نقيب وكلمتي تمشي هواي وحجايتي مسموعة بس كدام امي طفل وينفذ فقط يمكن ابوي اكدر احجي ويا بس امي ابد ولا اكدر ارد الها طلب..
نور : طول الطريق ماحجيت حرف واحد ولا عندي السان اسأل اصلا وكلش خايفة وين موديني ساعه افكر راح يبعوني وساعه افكر يودوني دور الدولة لانو مرة عمي دوم تهددني وساعه اكول يجوز لبيت اهل مرة عمي...
وفجاءة سمعت صوت ضياء انزلي واذا فتحتي حلكج بكلمة وحدة موتج على ايدي يصير...
نزلت كدام بيت جبير الف متر تقريبا وراقي كلش وحلو واكفين بالباب شباب اثنين والباقي زلم كلهم معكلين ومبينين شيوخ واوادم حيل ونزلو من السيارة الي ورانا هم شيوخ ..
وسمعتهم يكلوون اتفضلو ادخلو واحد من الشباب كال لا هلا ولا مرحبا بيهم والشيوخ عاطو بي وسكت
انا هم وياهم شفت شيخ معمم وكالي ضياء الهوية بسرعه واوكفي بالباب... اثاري عقدولي عقد شيخ وانا ولا ادري..
عمي علي: هاي ابو احمد فصليتكم وهاي فلوسكم واحسبوهن خاف ناقصات وان شاء الله ابني الله يحاسبة واذا انا شفته وعد اتبرا منا. وان شاء الله الخلاف هذا حدا وينتهي..
ابو احمد: ماقصرتو وفيتو بالوعد الفصلية وصارت منا وبينا وابنك منا للله الله يحاسبة وياخذ حق ابني منا والدية هاي لوكف الدم بين العشيرتين وهم واله احنا مو بحال الفلوس. ومنكم لربكم والله وياكم.
وراحو الكل وردت اطلع وعااط بية واحد ضخم وين مولية شنو تغشمين بروحج اليوم انعل والديج. اصبري بس لليل..
نور: والله ردت اوكع من حجه هيج اثاري انا الفصلية وطلع ابن عمي كرار ذابح ابنهم غيث علمود فلوس لانو يشتغلوون سوا ويشتغلون بالمخدرات بس هو الي يموت الناس تعتبرا سيد ويقرأ بالمصحف..
متت خوف وقلق من التهديد ياربي صبرك انت المعين
ولزمني من ايدي حيل ودفرني باب الصالة مالتهم وصاح على وحدة...
احمد: عطت بيها وهددت وهي ولا حرف نطقت اتمنبت ترد علية بحرف ويعلى صوتها حتى تمووت بيدي جريتها من زندها حيل عبالك لعبابة بيدي صارت.. وشمرتها باب الصالة وصحت ياخذوها من يمي اسمعي اخذيها وخليها بالغرفه واقفلي الباب فهمتي وجيبلي المفتاح....
يتبع.......
