نور: كعدت الصبح والدنيا تفتر براسي وكلشي بجسمي هايج عليه من الوجع اون بداخلي اخاف اطلع صوت وانبسط بعد ومااحجي عن االالم الي بخاصرتي باوعت للسكف وكلت يارب صبرني على الالم واله كلشي متعودة عليه الاهانه والقهر من الصغر كله صار عادي عندي اذا احد يعاملني بلطف احسه من غير كوكب او من غير عالم عندي.. وكمت انزل الدرج وسمعت صوت نعسان من وراي لاتوكعين...
سعد: لا توكعين على كيف انزلي .. استغربت معاملتي الها بلطف رغم كاتلين اخوي بس صدك مالها ذنب بشي قابل ودت اخوها.... يكتل اخوي...
نور: درت وجهي هذا الولد الي اسمه سعد كتله صباح الخير رد عليه صباح النور ونزل...
نزلت الدرج ورحت للمطبخ ونظفته وسويت جاي وحليب وبيض وريوك كامل وخليته بالصالة وكعدو كلهم..
ام احمد: صباح الخير وباوعت البينه وجها ازرق وصحت عزا العزاك احمد شمسوي بيها ...
نور: استغربت من كلام امه رغم امه تخوف وخزرتها تخليك تنسطر معقولة اكو احد يهتم بية منو ام الولد الي انذبح ...
ابو احمد: كوم سعد كعد اخوك وخلي ينزل الظاهر ولدي ماعرفت اربيهم ابد...
سعد: حاظر يابه وصعدت كعدته بالكوه كعد
احمد: نزلت شفتهم مجتمعين صبحت علهيم وكتلهم صباح الخير وبست راس امي وامي بعدت راسها عني افا يمه زعلانه عليه عساني ماعشت ولا زعلتج بيوم..
ام احمد: شمسوي بالبينه ليش ضاربها مو كتلك لا تضريها ولا تاذيها وانا عبالي كلامي مسموع عدكم طلع ماعندي اي احترام امس كلت انطيتها المقسوم عبالي تحجي وياها وتفهمها بس طلعت غلطانه
ابو احمد: عليمن مدوخه روحج ياحكيمة انا ما خلفت زلم ابد واحد يتقاوى على مرا والثاني يبيع مخد... استغفر الله ياربي الميت بس الرحمه الله يرحمه.
احمد: صافن اهلي من يحجون معقولة الي اكول مالها لسان طلع لسانها ومشتكية عليه يمهم انا اربيج اصبرلي وباوعت الها بخزره وشفتها مدنكه راسها...
نور: امه وابو يحجون وانا قلبي يدك حيل لانو ادري ماراح تعدي على خير عليه وراح انبسط اضعاف اضعاف...
احمد: لايابه بس هي لسانها طويل وتغلط وسبت غيث ماتحملت وضربتها.. وكفت على حيلي يلا تعالي اكوي ملابسي اريد اروح للدوام.... وصعدت
نور: صعدت وقلبي يرجف رجف وميته خوف ودخلت الغرفه اول مادخلت اجاني راشدي قوي بنت الكلب ياحقيرة انعل ابوج..... الله ياخذج تالي عمر ابتلي بوحدة كح.... مثلج... انعل ابوج لا ابو الي جابج....
صحت بوجها كافي تشتم باابوي شنو سوالك تعرفه يعرفك.. حرام عليك ابو وامي ماتو من عمري ٥ سنوات شنو ذنبهم ابسطني اذبحني بس لا تسبهم حرام ...
احمد: كمت اسب واغلط بيها وحيل اذيتها بالسب وفجاءة انفجرت بية وكاتلي انو هي يتمة من عمر ٥ سنوات ضليت صافن شنو يتمة شنو منو الي جابها هذا مو ابوها معقولة بس الي ذبحو اخوي هذاك ابو شنو منو هاي الي جابوها النا.... يتمة انا اضرب يتمة وانا عضو بمؤوسسة مالت كفالت اليتم... شنو من حيوان انا... صحيت على نفسي شفتها تبجي انتي منو ... ليش الي جابج النا منو ...
نور: عمي علي انا بنت اخو انا وحيدة ويتمة وعايشة عدهم كرار الي ذبح اخوك يصير ابن عمي وعمي ماعندا بس لجين عمرها ١٠ سننين وانا جابوني فصل حتى ماعرف المن ولشنو جابوني غير من كتلي وين رايحه انتي عرفت انا الفصلية...واحجي كل هذا واشهك
احمد: انصدمت من حجيها بس رجعت استوعبت الي صار كتلها وليش اشتكيتي يم اهلي علية.. ها ولزمتها من ايدها حيل وقوي .... لا عبالج من كلت يتيمة ارحمج غلطانه تبقين انتي من الي كاتلين اخوي... وراح اشوفج انجوم الظهر اطلعي برا يلا ....
يتبع.....
