خلود : تعالي كومي وياي الله يهديك ياخويا شنو ذنبج انتي والله حرام الي جاي يصير كومي كومي اذا ما نفذ الاوامر انحبس بمكانج ياخاتون ...
نور: اخذتني ودخلت بغرفه باردة ثلج وسدت الباب وقفلته وراحت... بقيت ساعه على نفس مكاني وحتى ما نزعت العباية ولا حتى البوشية ومرت ساعتين و٣ والغرفه ثلج واخاف اتحرك .. من مكاني وطول هل الساعات ابجي وادعي الله اخلص من هل البلوة الي ماالي بيها ذنب واكول وينج يمة وينك يابه عفتوني ورحتو ليش من صار الحادث بس انتم الي رحتو واخذكم الله ليش ما انا وياكم ومن يومها مرتاحه وابجي بصوت مكتوم اخاف احد يسمعني ويجي يعاركني... وانفتحت الباب ورجعت نقفلت .. واجتني رفست بخاصرتي شفت لربي بيها...
احمد: جابتلي خلود مفتاح غرفتي وكالتي نفذت اوامرك حظرت النقيب.. عبالك شرطي عندي . اخذت المفتاح وانا النار تاكل بية اولا فصل اخوي وثانيا اتورطت بهاي البلوة وماكدر اكول لا ... واريد الشيوخ تروح واطلع الحرارة الي بقلبي بيها... وره ال ٣ ساعات كلهم راحو وطلعت من الديوان وعيوني تجدح نار وصعدت سويت الدرج خطوتين وفتحت الباب ودخلت وشفت بس سواد كاعد انطيتها رفسه وماعرف وين اصلا الرفسه...
وبديت اضرب بيها وبس اسمع شوغاتها بدون صوت بس ضررب عبالك مجرم واحقق وياي . انتبهت مجاي تتحرك بين ادية ولا الها صوت عفتها وطلعت وقفلت الباب...
ام احمد: ها يمه شسويت
احمد: انطيتها المقسوم يمه
ام احمد: لا ابني مايصير
احمد: فصليتي وبكيفي الا بهاي محد يدخل وطلعت من البيت وخابرت اصدقائي وبقيت لل ١ بليل يلا رجعت...
دخلت البيت كلها نايمه صعدت فتحت غرفتي. وشفت كومه السواد على نفس مكانها قلبي نغزني بس لا ماتت اتقربت منها ... وضررتها برجلي هي هي انتي الفصلية .. ما تتحرك وماكو ردت فعل انتبهت للسجادة بيها دم .. ركضت عليها شلتها دم هواي جواها... عفتها وركضت لسعد .. ودكيت الباب سعد الحقني سعد...
سعد: يا ستار استر شكو شبيك .. يمعود
احمد: الفصلية يمكن ماتت
سعد : فال الله ولا فالك ابوك مايرد مذابح وانت وحدك فهيم
احمد: ولك وكت تعال شوفها مو انت دكتور تعال لخاطر الله
اجه سعد دخل . من شافها كال حقها من تموت احتنكت من البوشية
رفعها وشاف الدم اتخبل
سعد: فورا للمستشفى ولك بيك بخت عايشة بس تحتاج دم واكسجين وخياط
شلتها وكتله بدون صووت حتى محد يحس بينا
وديتها للمستشفى وسعد لانو . دكتور راح يلم السالفة وانا ضابط محد يحجي ويانا
وجها كله دم ماشوف منا شي
اخذها سعد ودخلو وماعرف شي بعد ضليت منتظر سعد ساعتين طلعلي كال خيطنا الجرح بس عميق وملتهب حيل وخليت الها بطلين دم ومغذيات وبس يخلصن نرجع للبيت واداويها هناك...
