احمد: بقيت قلق وحيل قلق بس لا تموت ابوي يدفني بمكانها ياويلي شلوون بية .
من طلع سعد وطمني ارتاحيت شوية
وراها بساعتين اجه سعد كال يلا نرجع للبيت واجت وراه بنية ضعيفة وجها كل دم عبالك طالع من حادث وناعمه حيل وكوة تمشي وتنتجي على الحايط ... من شفتها كسرت خاطري وعرفت انا وحش... ونذل .. وضربت بنية . . واتذكرت غيث واتذكرت ريم اذا درت بية اتزوجت يمكن تمووت والله وردت اهجم عليها وهي بالمستشفى ولزمني سعد اهدا لا تفضحني بمكان شغلي.... انا كوة دبرتها لا تخلينا عار للناس..
نور: من ضربني بخاصرتي حسيت شي انمرد جوا رجله ضربتي هو لبس حذاء يعني الضربه بعدال ضربتين وبدا مثل الوحش يضرب بيه واخر شي بس حسيت راسي انضررب بالحايط وشي حار نزل من راسي وانا مثلجه من البرد مادري بعد بالدنيا شي ... لحد ماةصحيت على صوت ناعم صوت بنية تكول لزم دم ضروري حالتها حرجه شنو تصير منك يا دكتور سعد اله يشل ايدا الي سوا بيها هيج...
وراها بمدة ماعرف شكد بس عبالك عدت عليه سنين من الخوف والقللق اجه ولد اسمر وضخم وكالي تعالي وراي نروح للييت.. اتذكرت شكله هذا واحد من الشباب الي واكفين بالباب اول مااجيت..
ردت اكوم من السرير بالف ياويل كمت ماكدر كلشي يوجعني صح راسي مخيط والضررب بس بس خاصرتي المها غير سكتت .. وامشي مخربط وانتجي على الحايط وشفت نفس الشاب الي ضربني رجلية ماعاد تشيلني من الخوف وما عندي احد استنجد بي... شفت الولد لزمه حيل انا امشي وراهم بس ويني وين المشي ياويلي من امشي ...
صعدنا السيارة ويهدد ويتعود بيه وبس يوصل يكرر هل الشي وكل مرة هم وكل يوم الشاب الي يمه يهدي بي ويكوله اذا صار بيها شي اهلها مايسكتون هنا
ابتسمت لا ااراديا مني وجهي كلها دم ياا اهل تحجي عنهم اهلي ماتو من زمان وهذولة انا خدامه عدهم اريد اصرخ هيج بس ..... اخاف اخاف من كلشي من الي شفته من صغري لحد هسة انا اخاف..
وصلنا للبيت وماكدر انزل من السيارة وفعلا ماكدر اجه الولد ساعدني بس اخو معصب وكال خليها هي دبر عمرها..
احمد: طول الطريق اهدد واتعود بيها شفتها طول الطريق وانا احجي وهي ساكته لحد هل اللحظة ما سمعت صوتها اريدها تررد عليه اريد اسمع صوتها معقولة خرسه لا هي صاحت من ضربتها بس الاخرس هم يصيح ومن اشرد بافكاري يقاطعني سعد ويكول مايصير ومن هل الحجي.... وصلنا ورادت تنزل ماكدرت . ساعدها سعد حتى تنزل. من نزلت سمعتها همست لسعد بس ماعرف شكالت اله... واستحيت من سعد اسئلة ...
صعدها سعد الدرج بالقوة .
دخلنا الغرفه وحلفني بروح غيث مااضربها على الاقل لمن يطيب جرحها
انطيته وعد وطلع ..
اسمعي هي كومي اسبحي وغسلي وبدلي وانطمري وعساج ما كعدتي...
نور: نزلت من السيارة بمساعدة سعد ومن نزلت همست مشكور خوية . ...بس مارد علية وصعدني الدرج هم ودخلت للغرفه
سمعت يمول اسبحي وبدلي وانطمري
دخلت سبحت بس الماي احسه نار ينزل على جسمي وعلى شعري لانو بي خياط وانا الثولة غسلته لانو بي دم....
وبدلت دشداشة سودة مجهزتهن اخته الي وطلعت من طلعت شفته نايم فرحت اكو بطانية بالكاع ومخدة يمكن هو شامرهن بالكاع اخذتهن وخليت راسي على المخدة من التعب غفيت..
احمد: طلعت من الحمام بس مالها حس ابد ولا حتة حركه سويت نفسي نايم رغم جنت احجي وي ريم على الوتساب شفتي اخذت البطانية الي شمرتها والمخدة والغرفه ثلج ... استخطيت بيها ونصيت السبلت ونمت....
يتبع
