من بينهم كلهم مافزّ قلبي الا لعُيونك .."
من بينهم كلهم فرحتي ماتكون الا معك.. ❤
…………………………………………
……………………………………
صار 5 ايام من كالتلي سجى انو احمد يحبني ..
فديوم امي كالتلي اني وزينب نروح نخبز يمهم ..
لأن التنور مالتنه مدري شبي ..
حضرنه نفسنه ودزينه خبر لهم انو راح نجي نخبز يمكم ..
رحنه اني وزينب عليهم من فتت للبيت لحد ماصعدنه للصطح اني مدنكه راسي ماريد اشوفه ..
صعدنه وعلى طول مانخبز هو كول شويه يصيح لخته لو يضل يفتر بل ممر ..
خلصنه خبز واني بس اريد اغافل زينب وحجي ويا سجى ..
اكوللها اني مامستعده لهاي العلاقه ولا اريد رتباط ..
باوعت على زينب ملتهيه تلم الخبز غافلته وراحت يم سجى ..
زهراء :حبي كولي لخوج اني مامستعده لهاي العلاقه واسفه ونشالله يلكه لحسن مني ..
سجى :اكولج زهراء لا تسرعين وفكري برحتج. ترا هو يموت عليج والله وقافل عليج يكول لو هيه لو ماريد.. فكري بل موضوع براحتج ونطيني خبر ..
زهراء : ضليت بس اباوع شحجي هسه اني ياربي وياها ..
عفتها ورجعت لزينب. لمينه الخبز والغراض ورجعنه للبيت ..
كبل رحت سبحت وبدلت ونمت حتى غدا ماتغديت ..
وضليت افكر ياربي شسوي هسه اني تعب دماغي من كد التفكير نمت ماكعدت للعصر واحس راسي راح ينفجر من كد مافكرت ..
كمت خسلت ورحت سويت اكل وكعدت اكل وافكر ضليت.
تقريبن 4ايام اني بس افكر وراسي يريد ينفجر ..
..
بل اخير قررت انو اطي فرصه مادام ريدني بل حلال ..
ومايلعب عليه وهو شاب ماناقصه شي وخلاق وجمال .. ودراسه وابن عائله واخته صارت مثل اختي واكثر ..
قررت اوافق على العلاقه مادام نيته صافيه وياي ..
طبعن دزيت خبر لخته انو اريد تجي عليه اريد اشوفها ..
اجتي العصر رحنه بل غرفه مالتنه ..
زهراء :سجى اني موافقه على العلاقه ويا اخوج بس كون نيته صافيه وياي ماشي ويجي يخطني اذا صدوك يحبني ..
سجى : اي اكيد يخطبج اني اخويه واعرفه يموت عليج ورايدج والله ..
زهراء :اوكي تمام نطي هاي الرساله لخوج ..
سجى : اي حبي
راحت سجى واني احس نفسي دايخه ماعرف شريد ..
صارت علاقه ابيناتنه صرت احبه حب مو طبيعي اموت عليه ..
صار هو كولشي بل نسبه أليه ضليت اتواصل ويا بل رسايل .. كمت اليوم لماشوفه بي اختنك اموت موت بدونه ..
اجتي اخباريه انو المنطقه لكاعدين بيها راح تنقصف.
رحنه لبيت جدي لمينه ملابسنه ورحنه هناك ..
ضلينه تقريبن اسبوع يم بيت جدي ..
……………………
قبل لا اروح لبيت جدي احمد دزلي رساله ..
كالي بس نتحرر اجي اخطبخ واني هاذا الشي لمصبرني ..
سمعت بابا يكول الدواعش كالو راح يمحون المنطقه لبيها بيت جدي لكاعدين بي هسه يمهم كالو راح يمحوها محي ..
بابا كال لو على موتي منطلع منا نبقه ابيت جدي حتلو نموت خلي يقصفونه عادي…
…………… ( مريم محمد ) 🌸
••••••••••••••••••••••••••••••••••••••••••••••
••••••••••••••••••• يتبع 💜
