شتاگيت وفكرت كل ثانيه ارجعلگ ..
ورجع الحبيب احضاني ..
……………………………..♡
شهگت مثل شهگت طفل مشتاگ للحضان..
وفكر يمته ارجع وشوف عيونك لحلوه ..
( معشوگي )
•••••••••••••••••••••••••••
كاعده ع الدرج واسمع كلام ابويه واني ميته من التفكير وقلق على احمد ياربي شلون خاف صار بي شي ماتحمل افاركه ثانيه وحده هاذا روحي صار شلون ياربي.
رحت على زينب اريد احجي وياها بلكت شويه اهداء.
رحت اصعد ع درج وافكر حسبه توديني وحسبه اجيبني.
شلون واني احس قلبي راح يطگ عليه اريد اشوفه مشتاقتله.
وخايفه عليه خاف صار شي بي متت بدمي وكوها اسحل نفسي سحل..
وصلت للغرفه فتحت الباب اشوف زينب وين.
مديت راسي وباوعت جي تحجي ويا خطيبها ..
طلعت وسديت الباب ورايه ياربي هسه اني وين اروح راح اتخبل ..
نزلت جوه رحت توضيت ورجعت صعدت فوك فتحت الباب اشوف زينب كاعده تبجي ياربي شبيها هاي باوعت عليه ورحت امشي بتجاها ..
زهراء : شبيج زينب ليش تبجين شكو شصاير ..
زينب :زهراء روحي مني يله مالي خلكج يله ..
زهراء : مو صوجج والله صوجي اني ..
كمت من يمها واني روحي طالعه ..
مديت السجادة وصليت..
خلصت كعدت على السجادة وكبالي(القرأن الكريم)
احس نار بداخلي نار الاشتياق نار الحب نار البعد نار الخوف
ضليت أدعي لاحمد واقرأ قرأن اخاف يصير بي شي اموت ورا والله ..
كمت لميت السجادة وخليتها بمكانها ..
نزلت جوه جان بيت جدي عايش بي عمي الصغير وجدي وبيبي عمي الصغير جان عندها اطفال بل مدرسة يعني مو كبار حيل فضل هو الوحيد ماطلع من البيت ..
وباقي عمامي طالعين بس بيوتهم قريبه على بيت جدي بس بيتنه لا بعيد ..
نزلت وجان اشوف عمي الوسطاني جاي هو وعائلته ..
طبعن عنده ولد كبار اكبر مني ومن ليث يعني بكد. زينب وحسن ..
جان واحد بيهم اسمه جلال يباوعلي صفح عبالك عدوته مادرتله بال لأن ماطيقه واني ماحبهم كولهم اكرهم مادري احسهم ثكيلين ماكدر احبهم ..
بس الصراحه همه كولهم يحبونه وحنينين علينه ..
فتت من يم جلال ماسلمت ولا باوعت عليه ..
طيزته ..
رحت سلم على عمتي وعمي والبنات ومن بعيد سلمت على ولد عمي بس جلال طيزته ..
عمي نتبه اني ماسلمت على جلال ..
عمي : زهور بنيتي ليش ماسلمتي على جلال ..
زهراء : ها عمو اي نسيت ضليت ابلعم نداريت على جلال اريد اسلم عليه ..
جان يكول لعمي ..
عوفه يابه هاي زعطوطه سلمت ولا ماسلمت عادي عندي هيه حالها حال هاي الزعاطيط ..
اني متت بدمي احس دمي كام يفور نار كامت تسعر بكلبي حقير يحجي ويباوع نضرت ستهزاء يستهزء بيه الحقير ..
كمت من يمهم واني نار ومشتعله بيه اصعد ع الدرج ودردم
كلب حقير نذل اني هيج تحجي وياي مغرور اناني ..
فتت للغرفه بسرعه ركعت الباب وراي ورحت نمت ع فراشي واني ميته قهر كمت ابجي بحركه ابجي من الفشله الفشلها الي وابجي من نار الشتياق لاحمد افف احمد حموت والله وينك ..
ظليت ابجي لحد مانمت ومادري بنفسي ..
كعدت من النوم اباوع الغرفه ضلمه اريد اكوم من الفراش احس جسمي مكسر تكسير كما فتحت الباب طلعت اباوع دنيه ليل ياربي صار شكد نايمه اني ..
نزلت جوه رحت غسلت بلكت اصحصح شويه دايخه وماماكله شي هم ..
خلصت تغسيل ورحت للمطبخ اشوف منو بي فارغ رحت للحولي لكيتهم يصلون ياربي صايره الصلاء واني ماخذتني النومه اي شلون ماتاخذني من القهر الله يلعنك جلال ..
رحت رجعت توضيت وعدت فوك فتحت الضوه جبت سجاتي مديته وبديت اصلي وبعدين كمت اقرأ قرأن. ..
خلصت كمت لميت السجادة وجان ينفتح الباب وشفت زينب بيدها صينيه شايلته وتمشي بتجاهي طبعن اني ماخذا من خاطري عليه فما درت وجهي.
اخذت سجاتي ورجعتها بمكانها جان تحجي زينب ..
زنيب : زهوا حبيبتي اني اسفه ادري ماخذ من خاطرج مني بس والله جنت. ضايجه ومالي خلك احجي اني اسفه عمري انتي ..
زهراء :اني من سمعت زينب. تحجي هيج بدون اي تردد رحت شبكتها ودموعي احس شلال ينزل ..
لا زينب لا تعتذرين حبيبتي انتي اختي عمري ضليت شابكته لأن محتاجته بحياتي ..
…………………………………
( مريم محمد ) 🦋
••••••••••••••••••••••••••••••••••••♡♡
••••••••••••••••••• يتبع
