_ صوتك موسْيقئ تعزِف نبضات قلبي بدقة ❤
•••••••••••••••••••••••••••••••
••••••••••••••• ♡♡
راحت سجى اشوف اخوها شيريد ..
صافنه وجان تندار عليه زينب ..
زهراء .. هاي شبيها خاله ام ياسر هيج تباوع عليج ..
باوعت عليها ..
واني شمدريني شبيها هيج تباوع عبالك بايكتها ..
زينب .. اشش معليج بيها عوفيها. مهما يكون هيه بكد امج ..
درت وجهي،عنها ..وكلامها ماعجبني لأن اني مامسويتلها شي ..
شويه وجتي سجى ..
ها بنات خما تخرت عليجن عذرني ..
احمد جان يريدني بشغله ..
زينب لا عادي حبي ..
كعدنه شويه وكمنه حتى نروح نرجع لأن راح اصير دنيه المغرب ..
طلعنه وجان اشوف احمد وحسن اخويه واكفين بل باب ..
طلنه من يمهم وسلم حسن عليه ومشه ورانه طبعن اني اخاف هواي من حسن ..
ضليت امشي وزينب بصفي طبينه للحوش ..
سد الباب حسن جي نمشي اريد نفوت جوه ..
جان يكول طالعات عيونجن شعجن لحد هسه هناك ماتستحن انتن ..
اني غلست ومشيت وهو ضل يرزل ويغلط ..
طبيت للغرفه نزعت عباتي وشالي لحكتني زينب ..
زينب ها ولج ترزلنه بعد كال متروحن ..
زهراء : جذب شبيج هاي كل مرا يكول هيج ..
زينب :والله شمدريني اوووي مالي خلك خلي اروح اسوي عشه وانتي زهراء مو تغلسين ومتجين. تعاي لحكيني اساعديني بل عشه ..
زهراء : اي اي هسه اجي اني شوكت عايفتج وحدج ..
اي عبالي ..
............................،/🌹.البطل ..
.....................
هلو اني احمد ..
عمري .. 22 سنه اني طالب كليه هندسه .. من تكريت ..
بس تركت هاي السنه من ورا الحرب ماكدر اداوم لأن داعش بكل مكان وياهو ليشوفو لزم يكتلونه لو ياخذونه ويعذبونه ..
عنيدي اخوه 2 اكبر مني مامزوجين واخت وحده اصغر مني سجى روحنه من الدنيه المدلله ..
جان اكو بيت جيرانه كدامنه صايرين ..
صار سبوع ونص من نزلو طبعن دره مال الله ناس كلوبهم طيبه ..
صادقت ولدهم حبابين خوش ولد ..صرنه مو بس اصدقاء اخوه واكثر ..
عرفت عدهم بنات ثنين وحده مخطوبه ولثانيه تريد تدرس بعده صغيره .. طبعن من امي عرفت هاي المعلومات . راحت اشوفهم وكاعده وسولف عليهم خوش ناس ..
فديوم اختي سجى راحت ويا امي عليهم وصارت صديقت بناتهم كامت بين يوم ويوم تروح عليهم على مو بناتهم ..
فديوم رحت لبيتهم الصبح على حسن ابنهم دكيت الباب ..وجان يجيني صوت بنيه تطلع بعمر سجى ..
تكولي منو...
كتلها اني احمد ابن ابو ياسر ..اريد حسن اذا مصير زحمه ..
اجاني صوتها من ورا الباب يموت صطرني صطر ..
زهراء :مو هنا حسن طلع من يجي عود تعال عليه ..
احمد : اي تمام ..
رحت واني دايخ بيها سحرتني سحر واني بس سامع صوتها ..رجعت للبيت وضليت افكر بيها منو هاي يربي ..
سمعت صوت سجى بل مطبخ فكرت اسئل سجى تعرفها هيه ..
فتت للمطبخ هلو سجاوي حبيبتي ..
سجى .. هلو حمودي حبيبي ..
رتجيت على الكاونتر اكولج سجى ..
سجى .. ها احمد كول ..
امحد اريد احجي وياج بموضوع .واريد شسئلج جاوبي تمام ..
سجى اوكي تمام كولي عيني حمودي اسئل ..
احمد .. اريد اسولفيلي على بنت بيت ابو حسن الصغيره ..
قبل شويه دكيت الباب وجاني صوت بنيه منو هاي ..
سجى .. شسولف يعني عليه شنو تريد تعرفها انته ..
احمد .. ها. اي اي كوليلي عليه ..
سجى .. هههههه اخويه وكع ومحد سمه عليه ..
احمد . كمت دفعتها دنجبي نجبي مو صوجج صوجي اني اسئلج ..
سجى .. لا لا تعال اكولك والله لا ضوج مني عيوني انته ..
رجعت ليوره اي ست سجى كولي غردي خلي اعرف منو هاي ..
هنا بنات ثنين وحده زينب وحده زهراء ..
زينب مخطوبه وزهراء لا بعدها ..
احمد .. سولفيلي على زهراء عوفي المخطوبه.
سجى .. ههههه اي صار دلل ..
زهراء .. عمرها 16 سنه هيه طالبه بس تاركه هاي السنه من ورا الحرب ..
اي ..
وهيه بعمري تقريبن .. بس حلوه حيل تجنن ..
ها .. صدك ..
اي والله وحبابه وفقيره وماعدها اذيه ..
ضليت صافن وافكر بيها ..
سجى .. ووووووو احمد وين صافن
احمد ها لا ماصافن شنو شبيج .اكولج زهراء اني اريد اشوفها اذا خليتيني اشوفها اجيبلج احله هديه والله وداعتح
سجى .. ها صدك اني عزمتهن ثنيناتهن باجر راح يجن يمي ..وعود من تجي زهراء اخليك تشوفها تمام وجيبلي هديه مو ..
احمد .. اي والله اجيبلج بس كون ادبريها ..
سجى .. دلل ادبرها ودبر عشره مثلها بعد 💪 اني اختك ..
احمد.. هههههه اي مبين خوش عليج ..يله نشالله تكحليها ..
سجى .نشالله ..
طلعت ورحت للمحل مال صديقي حيدر ..
فتت شفت صديقي حيدر كاعد ..
احمد .. السلام عليكم ضلع شلونك ..
حيدر .. وعليكم السلام حمود شلونك تعال تعال اكعد ..
اجيت كعدت يمه ضلينه نسولف شويه ورجعت للبيت واني بس افكر بزهراء ..اووفف بس لو اشوف منو صاحبت هذا الصوت الخبلني ..
رجعت للبيت صبو غدا تغديت شربت جاي وكلبت شويه بجهازي ولفيت راسي ونمت شويه ..
كعدتني سجاوي العصر كمت سبحت وبدلت وطلعت برا
رحت للمطعم مالتنه شفت اخوتي بي سلمت عليهم وفتت جوه كعدت اسولف واني بس اصفن وافكر ..
افف تبهذلت ..
.................................،، تعارف حب .. 🍁🌼
..................
اليوم ابد ماطلعت برا من الصبح لحد هسه اني بل بيت ..
افتر فاتت سجى شبيك حمودي ليش اليوم ماطلعت للشغل ..
ظربتها على راسها بخفه وثول شبيج غبيه انتي شنو نسيتي موضوعنه ..
سجى . لا مانسيت ههههه لا تخاف ..
باوعت عليها وعفتها ورحت لغرفتي والله يالله ..
شويه وصعدت سجى حمود راح يجنن البنات كوم ..
طفرت من مكاني نزلت جوه شفت سجى واكفه وتصحك عليه حقيره .
طلعت برا وكفت يم الباب مالتنه اشو نتضرت وماكو نتضرت وماكو ردت افوت جان اشوف بنات ثنين كدامي جي يمشن ..وصلن يمي مدنكات راسهن فاتن من يمي جان وحده كالت العفو الخويه مو جوده سجى ..(هاي زينب )
احمد .. ها اي اي مو جودها جوه فوتن فوتن خويه...
نتبهت على الثانيه سبحان الخالقها شنو هاي الخلقه جنه ملاك ونازل ..
فاتن واني ضليت واكف ياربي شنو هل جمال هذا الني لزم اخطبها ماخليه تروح من يدي ..
كامت هاي البنيه زهراء بين يوم ويوم تجينه وسجى تروح عليهن يعني تعرفنه على العائله كله ..
كمت كل ماشوفها كلبي يرف عليه ويكوم ينبض كمت احبها بجنون احس صارت بروحي صعدت للسطح فد يوم وشفتها اشر ملابس وشعرها طالع سبحان الخالق من شعر مو شعر عبايه يموت كمت اصعد بنفس الوقت كل يوم حتى اشوفها وكحل عيوني بشوفتها بس هيه نتبهت عليه كامت كل ماتصعد تلبس عبايه لو شال ..
كمت احبها بجنون واريد اصارحها بس ماعرف شنون ..ماكو غير ادز سجى عليه ودز بيدها رساله... هيج يله اخليها تعرف بمشاعري ..
فديوم كتبت رساله له ودزيتها بيد سجى... اريد تعرف شنو بكلبي اريد تعرف مشاعري اريد تعرف حبي له............
................................................،،"🌸💕
..............................
زهراء .. فد يوم اجتني سجى علينه كعدنه بل غرفه نسولف جانت زينب كاعدها امي صاحتها وكامت ..
جانت سجى تراقب بزينب بعيونه من جي تطلع من الغرفه ..لحد ماتئكدت انو راحت ندارت عليه ..
سجى : زهراء عندي أمانه اريد اوصله ألج من اخويه احمد ..
زهراء : شنو جي تحجين انتي ..
سجى : اي زهراء صدكي كلامي هاج هاي الرساله من احمد ترا احمد يحبج ويموت عليج ويكول نيتي صافيه وياها واني رايدها على سنت الله ورسوله ومالعب عليها ..
زهراء :سجى اني ماكدر شنو هل حجي هذا اني اصلن مامفكره بزواج ولا شي اني اريد اكمل دراستي ..
سجى : زهراء لا تسرعين وفكري براحتج ماشي يله اني رايحه كامت وخلتني بس اصفن يابربي امين طلعلي هذا ..
……………..…… ( مريم محمد) 🦋
••••••••••••••••••••••••••••••••••••••••♡♡
•••••••••••••••" يتبع
