#هكذا_قدري
#قصصناوقصصكم
#الكاتبه_ام_نور
الانستا nono20161991
البارت 11من الجزء 2
براحتج خويه الله يسهل عليج
مزاحم
بعد شرط الشيخ شلون راح احلها ويه اهلي
مرتي اريدها ومااريد اخسرها
بنت ناس صبرت وتحملت هواي
اهلي اريدهم ومااريد شي يخرب علاقتي بيهم
الحل شنو وشلون تحلها يادكتور
وصال
صعدت لغرفتي ومحتاره بين ابلغ مزاحم وبين اسكت
من اريد اكله اني حامل احس ايديه ترجف واذكر لصار وياي
ومن اقرر ماابلغه واشوفه شنو يسوي
اذكر كل مواقفي الحلوه وياه
اذكر الحظات الاخيره الحلوه العشناها
وشلون حسسني بحبه لضامه بصدره ومجبور يضمه لان هو رجال وابن العشاير وكلمة اهله اهم شي
اهم من اي مره
اي بس يرضع المره معناها مو رجال
هي هاي عاداتهم هي هاي تقاليد لعشنه بيها
الرجال مفروض يكول تم بس لامه واخته
اذا سوه شي لزوجته انتهى صار مو رجال
ماجن هاي المره هي ام جهاله
هي حبيبته ونصفه ثاني
عيب والف عار ينكتب عليه اذا سوالها شي
تعبت تعبت ياربي تعبت من تفكير
وليش بعدني افكر بهذا الموضوع
لازم انسى هذه شغله لازم
تره كل لعشته يوم حلو وباقي الايام جهنم
كافي اخليله عذر مو هو سبب بتعاستي
مزاحم
لازم افاتح ابوي بالموضوع واشوف رايه
دخلت لديوان وكاعد ابوي وامي يمه
بويه شنو بت العالم اعوفها معلكه
امي هسه اجيت تاخذ راي ابوك
يمه ماطلعت من شوركم وصار صار والمره صارلها فوك السنه على ذمتي
والك الراي بويه
ابوي ساكت وماحجه
ها بويه لازم اعرف ردك
واذا تريد تعرف انا شرايد انا رايد حرمتي وهي تربي ضناي
امي ضناك انا اربي شنو متعاجزه منه
مثل ماسويتك زلمه اسوي عشره منك
بويه تريد مرتك ردها محد كلك لاتردها
امي والله ماترد بيتي بعد ام لسان
يمه لاتخلطين الامور البنيه مو هي طولت لسانها تعرفين منو لطول لسانه
بويه اريدك وياي نروح نردها
كام بحيله تحلم تعرف شنو تحلم
مرتك ترد بروحها مثل ماطلعت بروحها
نسوان اخر وكت يطلعن من بيوت رجولتهن والشيوخ تردهن
بويه مرتي شردت من الظلم
وانا سكتت عن ظلم تقديرا واحتراما الك
وكافي سكتت هواي والساكت عن حكه شيطان
اي انت الك الفضل بكل لوصلتله
الك الفضل بكل شي بس هاي عاداتكم تعبانه بطلوا منها اله تزوج بت عمك تره مرتي بت شيوخ وتشرف بت عمي لماكو زلمه رداها
مزاحم توكف بوجهك ابوك
بويه ماوكفت بس جاي احجي الحك
لا وكفت وفوك كل هذا تحجي على عرضي كدامي
ولك بت عمك عرضك
