البارت 12
عذراء
اجه مزاحم وياه زلم اثنين شفته فرحت وركضت لوصال
دخلت على وصيله شفتها نايمه
ولج وصيله دوري اجه العشك
بصوت مبحوح كالت مزاحم
شنو شبيج
مابيه
اشو باوعيلي
ماقبلت دور
جريتها بقوه اشوف وجهه صاير اصفر
وشفايفها زرك ويرجفن والدموع ينزلن ليكول نهر
شببج ولج رعبتيني
مابيه شي مابيه وغطت وجهه
تحبينه مو ؟؟؟
ليته اخذ كلشي وياه ليت كبري لنحفر بدل لماتو
تعبت عذيره تعبت ماجاي اكدر انساه حتى بحلمي يطلعلي
كافي ولج ابنج شنو ذنبه
ماجاي اكدر انام ليلي عذراء ماجاي انام
وانتي ليش تفكرين بالشي لموزين
لزمت ايدها وخليتها على بطنها فكري بهذا
فكري بهذا الوكح شلون راح يطلع
وشلون راح يأذيج وتركضين وراه
ومايصير عندج حتى وكت تمشطين شعرج
ياحب ياخرابيط
هو شنو لمخبلني غيره خطيه راح يربى بدون اب
ويمكن بدون ام منو يعوفه الي ياخذونه غصب
لاتكولين هيج هذا رجلج جاي يردج بالديوان
وان شاء الله يمكم يعيش وبينكم
وانتي الله يسلمج عنوديه ليش ماتكوليله حامل
مااكدر وضلت تبجي
أباوعلها تفطر الكلب فطر
شبكتها وضليت ابجي وياها
احسها ضلت ترجف ب ايدي
ويبست مثل الخشبه صارت وايديها بارده ثلج
بدخلة سبع علينه
باوعتله وانا ارجف
شبيكم
وصال ماادري شبيها
وانا احجي وياه وصال طاحت صفح
ركض سبع
وصال وصال بويه وضل يضرب بيها راشديات
باوعلي وكال لبسي عباتج
وروحي لامي تنادي رجلها من الديوان
رحت ركاض لعمتي صاحت مزاحم
صعد يركض ذب عباته والعكال والجفيه على القنفه
دخل للغرفه اخذها من ايد سبع
لبنيه ماتحوس مثل الخشبه صايره وجهه ازرك
عمتي تصرخ وتبجي ماتت بتي والله ماتت
مزاحم يكلها استهدي بالرحمن حجيه
ويفحص بيها
كال اكو جهاز ضغط كتله لا خويه
جيبو عباتها
ذبينه عليها عباة وشالها رجلها وطلع يركض لسياره
واحنه وسبع وراه
طريق صار ثواني من سرعته
دخلنه للمستشفى
عمتي كلتله لاتنطيها شي مرتك حبله
دخلها جوه وبالساعه هو يمها واحنه بره
لحد ماطلع دم جمد بعروكنه
كال الحمد لله صحت
جلطه عابره وعدت سلامات
والجاهل الحمد لله مانكطع دم عنه
باوع السبع وكله راح تصير خال ل اثنين جهال مو واحد
وصال حامل بتوم
عمتي صاحت صلوات
وعد مني حجيه اذا بنيه اسميها على اسمج
لا يمه مااريد اسمي قديم شذنبها حفيدتي
يسموها مال قديم زمان دور تكرهني
ضحك مزاحم وكال داخل اشوفها
تعالو وياي
دخلنه الحمد لله شوي شوي ضلت ترجع وعيها
بس بقت بالمستشفى يراقبون حالتها
وصال
مرت الايام بالمستشفى على اعصابي
كلش مااحب المستشفى
مزاحم ماعافني ابد يروح ويرجع
حتى ضغط هو يجي يجيكه مايخلي لمضمده
كلشي ب ايده
بس ابد مافتحنا موضوع يخصنا
امي يمي باقيه
طلعت للبيت ومر اليوم عادي كضيته بغرفتي
وبليل يخلولي مغذي بالكانونه
الى ان مرت كم يوم تحسنت صحتي
واجه سبع فتح وياي موضوع مزاحم
وكال هسه بينكم جهال وخويه لمصلحتلج تردين لبيت رجلج
ضليت ساكته ومااعرف ارد
احبنه واريده بس اخاف ارجع لهذاك البيت
مو بس منهم لا
اخاف حتى من مزاحم خاف يغدر بيه
اخاف على جهالي من متاهة التسلط والعشيره
اي احنه صح شيوخ بس ماعدنه عاداتهم
ابوي يخاف الله
حتى بزواج ماجان يفرق غريبه لو قريبه
يكول كنه خوان وكلنه ولد ادم وحوا
ها خويه اريد ردج زلمه يجي ليله
خايفه خويه خايفه
لازم تقررين خويه مو حلوه بحكج تبقين معلكه
لاعارفه كاعج من سماج
وزلمه هم يريد يشوف حياته مايصير يضل بدون حرمه
اذا ماتردي كولي خلي يشوف بت الاوادم لتكوم بواجبه
هو حجه هاي الكلمتين وحسيتها نار وشبت بكلبي
لا لا خويه لا ارد وياه
متأكده
اي متأكده بس خابره يجي باجر لايجي اليوم
يجي باجر الصبح وياخذني
الله يوفقج خويه ومثل ماكتلج بيت ابوج بيتج
انتي داخله واحنه طالعين
والبيت لرباج يربي جهالج مامتعاجز منهم
بسته من راسه وتشكرت منه
هوهم باسني براسي وكال اخذي راحتج
طلع سبع
ياربي سويت بروحي ليش قررت بسرعه
ياسرعة وصال صار اشهر عد اهلج
تحملتي وصبرتي هواي روحي ردي
بلكت الله والحال ينصلح
هسه غير انتي اخوج يسلمج اله
وزمن راحت
وراح يعرفون بيت ابوج مفتوحلج محد يكدر يحاجيج
صيري قويه ورجعي لبيتج رافعه راسج
انتي هسه غير انتي هسه مرت الشيخ
وضعج كله تغير انتي هسه لكل بلكل
انتي مرت الشيخ
وماعادت عمتج مرت الشيخ
انتي شيخة العرب بت الشيخ واخت الشيخ ومرت الشيخ
وللقصه المزيد انتظروها
