بعد قرار رجعتي كلت ارجع وكلي قوه
ارجع واريد لكل تصيح هاي بت فلان
ارجع وانا ظهري مسنود ب اخوي
مامسنوده بهذا وذاك وباجر اتعير
صحت عذراء وكتلها
كلش فرحتلي وكالت الله يهدي سركم
تعاي ولج خل ارتبج
شترتبيني
غمزتلي حفافه وترتيبات
ههههه ولج مابيه حيل
اش خليني اشيل حواجبج صايرات سعفه
خل اطلع وجيهج لحلو
غير زلمه مشتاكلج صارلج كومه مكابلتني
روحي روحي زلمتج وفكينه
مزاحم
من خابرلي سبع وكال تعال باجر اخذ حرمتك
احس دنيا ماساعت فرحتي
لما تدري بي وصال ولا كلته الها
خليت لفوك كله الها
بيتها كامل بطابق الثاني
ماردت احجي ردتها ترد
لخاطري واريد اختبرها اذا تقبل ترد
اكيد متوقعه راح تتعذب بس لخاطري ترد
مشتاكلها مو شوك الجسد
لا مشتاك لوجودها هالبنيه وجودها قريب مني كافي
من جانت بيتي يكفيني جنت اشوفها
وصال
صار الصبح كعدت اول مره اكوم بنشاط
سبحت واخذت ثوب ابيض وبي ورده بنفسجي من عذيره
طبعا ماانطته اله شلعت گلبي بالمعيره
ها مو تكولين ماانطيج
هخهه بس انزل لسوك اجيبلج
ستوني طالعه من الحمام واجتلي عذيره تركض
يله سبع يكول لبستي عباتج ونزلي رجلج اجه
يا هذا شبي من الغبشه
هههه شوك جابه ديله نزلي
وشعري مامشطته مبلل
بيتج نشفي
بسرعه بسرعه لفيت شالي ولبست عباتي
ورحت اركض على درج
ذكرت مالابسه جواريب رجعت ركاض
لبست جواريبي ونزلت حسيت بطني مغصتني من الركض
ههههه ذكرت انا حامل
ضليت امشي مثل البطه
رحت على امي بوستها وكتلها يمه راضيه عليه
بعد عين امج راضيه بس سمعي مني هلجلمتين واريدج تفهميهن
علمتنه كل عشايرنا كبل الحره حره وماتوطي عمامها
دكت الرسمات تشهد بالحنج
الاصليه زينه ومعدله بحزامها
لوتثور رجال تفزع للحرب
تنزع الشال وتسوي لثامها
الاصيله كونتها الكاع اساس من الصخر
لو يبيد زلام هي زلامها
هاي انتي لايغيرج وكت
لايمرج واحد يهد احلامج
لاتكوني خرسه يابنت العرب حكج الكلمة لتساوي كلامهم
كدرج اكبر من حبيبآ لو رحل
ثوري بوجهه الظلم يابنت المضايف يكهوه
لاتكولي مجبره وبيدج حلول
لو ردتي تغيرين احكامج
هذه حتى النمله هي اصغر خلق تاكل لجانو يدوسون اجسامها
خلصت حجيها وباستني براسي
باوعت سبع كلتله وصل اخيتك مرفوعة الراس
وصل اخيتك وصي زلمتها عليها
وصل اخيتك يمه وخليها تمشي كدامك وانت احمي ضهرها خل تمشي لزلمتها وانت بسندها
سلم امانة ابوك للراح يصونها
وكله اذا ماصان الامانه نسوان تاخذ روحه
مايوكف بوجهي لاشيخ ولاغيره
ان شاء الله يمه تأمرين امر
اخذني سبع وسلمني بيد مزاحم
كله هاي امانة المرحوم صونها ياشيخ
خليها بعينك واقفل عليها
واذا بيوم تعبت من الامانه رجعها لاهلها ولاتخلف بالوعد
