الضالمة ( روايات ليبية )

حلقة 1

رواية: الظالمة
الكاتبة : ميمي
المقدمة : اني مروة عمري 20 سنة اكبر وحده وبنوته وحده ف العيلة لا عندي اخت لا اخ  حنطية نميل للابيض شعري اسود سواظ الليل عيوني سود وكبار ورموشي طوال طالعه لعيت امي   .. امي فايزة عمرها 43سنة وبوي بشير عمره 56 سنة طبعا بما انه راس بنية ف  اهلي مدلعيني ومامخللين شي ينقصني قريت ف مدرسة خاصه ايام  والابتدائي الاعدادي الثانوي واني بنت عندي طموح ومستقبل ونحب قرايتي تخصصت لنبيه واهو توا نقرا ف طب اسنان عندي عمي عنده 5 عيال اسمه صلاح ومرت عمي خديجة وحده مسموومة جرتني ف جرتها ووليت زيهااا
وولدهم اول كان يبيني وهو أمير م 91 واني منحباش ونعتبر فيه زي خوي و 3بنات أميرةم 95 وفاتن م 96وسمية م  98 بناتها كويسات معاي وماشفت منهم الا كل خير واخر العنقود صالح م 2000
وعندي زوز صاحبات قريبات ليا أسيل وبيسان هاني عرفتكم ع ابرز ابطال الرواية هادي ولي حيشاركونا احداث الرواية
الحلقة الاولى:
ساعه 8 الصبح
أني : ماما بابا صباح الخير
أمي وبوي :صباح الخير بنيتي
أمي: تو كيف وتيت قعدة الفطور تعالي بنتي افطري معانا قبل لاتمشي للمحاضرة
أني :لا ماما اني مستعجلة كولو انتو صحة اني تو نفطر ف الكافيتيريا مع اسيل وبيسان  هي سلامات تو دعواتكم
أمي وبوي :سلامات بنتي ربي يوفقك ♥
ف الكلية
أسيل :وينها التنبالة مزال ماجتش
بيسان :اكيد ساهرة امس ومغطسة ف نومها نتصل بيها ماتردش
أني :هاي بنات
أسيل وبيسان : صح النووووووم
أسيل :وينك تأخرتي
بيسان : نتصل بيك مترديش
أني :امس سهرت كنت نقرا قعدت لساعه4 وتوا وعيت بسيف
أسيل :سهرتي ع القراية ولا مع صاحبك
بيسان :خليها زعميته ادس عليها وين بتهرب بيه كاشفينها
أني :صكرو خربتكم لا صاحب لاخرا تعرفوني مش مقتنعه بيه جو هدا واني قرايتي وبس وبعدين من امتا اندس عليكم ياخروات😒
أسيل وبيسان:اممممم نقولو صدقنا
أني :هي هي زودو للمحاضرة خير ما الدكتور علي يفنصلنا تفنيصته ويطردنا من المحاضرة واني منضتش ع الفاضي
ومشينا اني وصحباتي للمحاضرة ومزالو 5 دقائق باش تبدا ودكتور علي مش زي باقي الدكاترة متشدد يبي ع الوقت يحسابنا زي ايامات الابتدائي ... بدت المحاضرة وكانت محاضرة مملة مدتها ساعتين وكانو زي يومين وطلعنا افطرنا ف الكافتيريا نص ساعه ورجعنا كملنا المحاضرة وروحنا  ونسيت شنطتي ف القاعه واني ف نص الطريق
أني: خلي نكلم امي نقولها  تكلم أميرة بنت عمي باش نتمو المشروع لخططناله ..
بحتت ف شنطتي ومالقيت شي
أني :😱😱😱😳 حيييييي وين شنطتي مانكون نسيتها الا ف القاعه واكيد حنلقاها مصكرة تو اول مرة يصير موقف زي هكيي شن بنديير أحسن شي نرجع ولي يصير يصير ..
يتبع ..
زعماا شن بيصير لمروة وحتلقا شنطتها ولا لا وشن بيقابلها وقت تاخد شنطتها  ؟....يتبع