الضالمة ( روايات ليبية )

حلقة 3

الحلقة 3
قعدت نفكر ف كلام اسيل وبيسان عقلي بدا مشوش تفكرت انه الورقة لمتكوب فيها الرقم مش مشقوقة هلبا على نصين بس خديتها ولصقتها وطلعت الرقم واتصلت فتح الهاتف واول مرة ف حياتي نكلم راجل غريب عليا حسيت بشعور مشعرتش بيه قبل هكي المهم هوا عرفني من صوتي وتعرفنا وقتله ع اسمي وسألته هل هوا يقرا اهني اولا بحكم انه معمراش قابلني حكالي انه جي مرة هذيكا بيقابل صاحبه قعد يراجي فيه وطلع مجاش ف اخير وهالصدفه لخلتنا نجتمعو ببعض <br>
علي: مروة نبي نحكيلك على حاجه<br>
أني وقلبي يدق:نعم تفضل وخيي<br>
علي:بلاش منها كلمه وخي اني بنصارحك ملاخير انعجبت بيك من اول مرة ريتك وشفتك بعدها عدة مرات من بعيد ومنبيش تزبطيني كان عندي امل ف هالرقم كان رديتي معانته تريحتيلي وكان لا بنخليك ع راحتك ومعاد نقربك وللعلم اني ولد عيلة وناس وربي عالم انه ماعمره لادرت علاقه لافتحت سريبها وماعمري تلفتت ع البنات خصوصا وقت توا قعدو بنات ناس لكل من هب ودب <br>
أني نفسي مقطوع: هاا هاا؟<br>
علي: اني نعرفك بنت عيلة وناس ومتسألينيش كيف عرفت اني بنكون معاك راجل ونجي نطلبك من الباب بس نعطيك شوي وقت تتعرفي اكثر عليا وع طبعي وف حال ماتوافقناش ومقدرتيش تتأقلمي معاي قوليلي من اول واني نخليك ع راحتك واني راجل حالتي المادية ع قدي بس نوعدك لو في شي رسمي منخلي ف خاطرك شي ولا نخليك تحتاجي لحاجه<br>
أني :علي<br>
علي: نعم<br>
أني: نحبك <br>
علي:هههههههههه ومن امتا حسيتي هكي <br>
أني :من يوم لي شفتك فيه ماغبتش عن بالي حسيت بشعور جديد بديت نتعلق فيك ع الخفي حتى صاحباتي نص الوقت مش معاهم وبديت نراقب فيك ونزعل وقت مانشوفكش وع امل انه غدوة نشوفك<br>
علي:ههههههه مجنونة هي تو ارقدي وغدوة باش تمشي المحاضرة وبعد المحاضرة نتلاقو تمام <br>
أني :تمام تصبح ع خير♥<br>
هو:ديري بالك م روحك وانتي من أهلي ♥<br>
أني صكرت منه وقلبي حاساته قريب يطلع مني رقدت واني فرحانه <br>
.... يتبع<br>
زعمهه شن بيصير ف حب علي لمروة وشن بيقابلهم وهل حيكملو طريق حبهم ؟<br>