الضالمة ( روايات ليبية )

حلقة 2

الحلقة 2
رجعت للكلية ولقيت القاعه مفتوحة لكن مفيهاش حس بكل .. شفت يمين يسار ملقيتش شنطتي قعدت نقوول حي عليااا رااح هاتفي صوري واسراري كله غادي الشنطا تعدي وتتعوض لكن كان نفضحت بصوري شن ندير ف عمري والله امي وبوي مايستاهلوو وقعدت نتكلم مع روحي ساعه لين فقدت الامل وكنت بنروح رجعت للخلف وخشيت هوووب ف واحد كان نحكيلكم شخخصية كاريزما طوييل شعره اسود أبيض عيونة بنيات زي المكحلات لحيته مرسومة رسم وعضلاتت قعدت نص ساعه نشوف فيه ومش فايقة بروحي لين مدلي شنطتي وقالي هادي لدوري فيها وليك ساعه تتكلمي مع روحك اني رمشت عيوني وقتله اي وين لقيتها وانت كيف تاخد حاجه مش ليك<br>
المجهول: أعصابك اختي أني مش زي ماتفكري لقيت شنطتك ف القاعه واني مانعرف لي من خفت عليك زي اي بنت ناس وكنت بنسلمها لشؤون الادارية بس ملقيتهمش وقلت نراجي ساعه ممكن يجي صاحبها واهو جيتي <br>
أني:اوووه الحمد لله صحيت خوي واسفة لان عيطت ف وجهك <br>
المجهوول : ولوو أني أسمي علي وانتي <br>
أني :قعدت ساكته ومبيتش نحكي ع اسمي لان بحكم اني مربية ع عيلة تعرف الصح م الغلط ومعمري جربت حكيت مع واحد<br>
وعرفنا المجهول من 😂 <br>
علي :خيرك ساكته ع فكرة ليا ساعه نبحث ف عيونك الكبار ورموشك طوال ونص الكلام مش مني طالع <br>
أني: انت كيف تسمح لروحك تحكي معاي هكي اني الغبية اصلا لفتحتلك المجال وقعدت معاك انت حرام فيك 5دقائق<br>
وروحت للحووش واتصلت بنفسي ببنت عمي وجت وبدينا للمشروع وهوا مشروع تغليف الهدايا بطريقة مميزة  واني طول الوقت نفكر ف علي وف عيونة وكلامه<br>
أميرة :هي هي انتي ليا نص ساعه نكلم فيك كأن ندوي ف الحيط <br>
أني : ها لالا مافيش شي غير بنت خالي مدايرة حفلة ونفكر شن بنلبس<br>
يتبع..<br>
زعما من يكون علي وهل هو شخص سيء ولا لا وهل حتحبه ولا مجرد اعجاب  ؟
قعدت طول اليوم نفكر ف علي من ساعة ماجت بنت عمي لعند روحت جي وقت العشي<br>
أمي  :هيا بشير مروة العشي واتي<br>
قعدنا نتعشو واني ف عاالم تاني بكلل<br>
أمي:ها يامريوة مكليتي شي خيرك بنيتي <br>
أني :لالا ماما غير تاعبة اليوم من كمية الدراسة لدرستها وبعدها خشيت ع المشروع مخاطريش ناكل بنخش نرقد تبو شي ♥<br>
أمي وبوي: نوم العوافي ومتنسيش تقري اذكارك♥<br>
قعدت بالي كله علي وكأن شخص نعرفه من زمان خشيت حتى دراسة لتعودت اول منروح نراجع فتها اليوم قلت خلي نفتحها ونفقد فجأءة طلعلي رقم من داخل المذكرة وطلع رقمه شكيت انه رقمه علي معرفتش اني بناخده بنمزقه مش عارفه شعوري بس مستسلمتش لشعوري ومزقت الرقم وحاولت نطلعه من بالي خشيت رقدت <br>
جي الصبح ونضت دوشت ولبست سروال فوشي وسورية طويلة بيج ووشاح وشنطه وكندره خديتهم بيج وحطيت مكياج خفيف وحطيت عطري لنحبه وطلعت وكالعادة منحبش نفطر ف الحوش بس شربت قهوة مع امي وبوي واول مرة نحس بشعور مميز ف هالنهار <br>
واني ف الكلية <br>
أسيل وبيسان كالعادة :صباح الفل <br>
أني :صباح الورد انتيماتي شني مني شن رايكم ف لبستي اليوم طالعه حلووة اني ؟<br>
أسيل وبيسان علامات استفهام:وشن المناسبة ؟😂 ولا ف موووضووووع<br>
أني :غر اس اس حق فيا لناخد ف رأيكم <br>
أسيل:تي غير شن في من امتا تعودنا اندسو ع بعضنا<br>
بيسان :فوتيها وخليها ع راحتها<br>
أني حسيت انهم زي حرجو شوي <br>
أني :غر بلا حرج خلاص ح نقلكم  ع موضوع بس مش شي رسمي ولا اكيد مجرد يوم واحد بس وحسيت هكي <br>
أسيل :شن حسيتي وشن القصة<br>
أني:اني حسيت  معجبة بواحد ولفت انتباهي وقعدت نفكر فيه هلبا ومش قادر يطلع من بالي عارفتكم بتضحكو عليا لكن هدا لصار<br>
أسيل وبيسان : مصدومين انه اني ننعجب بحد ع قد ماشفت من رجالة😂<br>
أسيل:اشيييه خلاص ثبتي عليه وكان راجل كويس حافظي عليه<br>
بيسان :نقولك شي ابعدي ع سريب هوا مدامك مش خاشة فيه م اول ره مش ح تلقي منه غير وجع القلب واساليني اني<br>
طبعا أسيل مرتبطه وتحب واحد ويحببها وحالفهم الحظ ونخطبت منه اما بيسان حبت واحد وهوا طلع عيل بعد ماعشمها وكل يوم تتحسب فيه <br>
حضرت المحاضرة واني نراقب ف علي ومشفتاش بكلل واني احترت هل هوا يقرا اهني ولا جي لسبب معين <br>
روحت الحوش واني ع سؤال هوا ومحتارة ف كلام اسيل وبيسان <br>
زعممه من يكون علي وأي من كلام أسيل ولا بيسان حيأثر عليها ؟
...يتبع