الضالمة ( روايات ليبية )

حلقة 5

الحلقة 5
روحت الحوش فرحانه ومشيت ع الجو هدا اسابيع وشهور ليا واني حبي وتعلقي لعلي يزيد اكثر واكثر جي اليوم ومن كثر صدقه معاي محبش يطول ف الموضوع يكفي عرفني وعرفته جاب أهله وخطبوني رسمي وكان من أجمل أيام حياتي لين جي هاليوم ومن بعدها معاش شفت خير <br>
أني :علوشتي <br>
علي :عيونه حبي <br>
أني:امتا نكونو جنب بعض ونهدرزلك وعيوني ف عيونك <br>
علي:مش مطول ياروحي بإذن الله ح نكلم أهلي ف هاليومين باش يحددو موعد العرس<br>
أني فرحانه مش مصدقة انه طحت ف واحد حبني م كل قلبه واول مرة نعرف انه الحب حلو هكي مع الشخص الصح<br>
كان أخر يوم لدراسة بنتم سنة 3 تلاقيت مع علي هدرزنا كالعادة ووقت بنروح وصلت لزنقتنا نحس ف حد وراي تلفتت عيطت عيطة طلع ولد عمي <br>
أني: بسم الله <br>
أمير : شن شفتي جن <br>
أني :لا والله شفت انت<br>
أمير مسك ايدي بقوة <br>
أني :تي سيب ايدي <br>
أمير :اسمعيني يابنت الناس أني حبيتك قبل ميحبك علي وديما نقول فهالك نصبر ع اهانااتك ونصبر ونصبر اخرتها تحبي واحد حالته المادية ضعيفة وتتعلقي فيه وتنخطبي منه اني خيرني <br>
وكان كل ميتكلم كان عصبي أكثر اني خفت ف البداية بس استجمعت انفاسي <br>
أني :الشخص لتحكي عليه يكون خطيبي واني نحبه ومليكش علاقه من نحب ومن نكره واني قتهالك من زمان منعرفش علاش مبتش تفهم <br>
زاد مسك ايدي <br>
أمير :انتي ليا فهمتي ومش ح تكوني لغيري <br>
ورخي بايده ومشي ع حاله <br>
يتبع<br>
زعماا شن قصده أمير بكلامه وشن بيصير ف حب مروة وعلي وهل كلام أمير حيأثر علي حبهم ام لا<br>