مازن ورغد

الفصل الرابع

الفصل الرابع
رغد وصلت البيت وبعتت رساله لمازن ان هو يجي ليها البيت لانها تعبانه من السفر
بس لازم تشوفوا ضروري اليوم

مازن واقف قدام المرايا بيلبس اشيك ماعندوا هو اساسا مش محتاج وحط برفانه ووقف قدام  المرايا  وبيقول لنفسه وقعتها ياباشا وغمز بعينوا
وطلع بعربيته ع بيتها

رغد وامال  قعدوا يتكلموا وامال تطمن على رغد
ورن جرس الباب
امال : مين هايجي دلوقتي
رغد؛: افتحي ياخالتوا  لما البس
امال: انتي عارفه مين
رغد: ايوه افتحي
امال فتحت الباب 
مازن  : ازيك ياطنط
امال بصدمه وفرح : مازن أهلا وسهلا
مازن : ايه هي رغد ماقلتش لحضرتك ولا ايه؟
امال: لا بس مش مهم أهلا وسهلا ادخل ادخل
مازن : حضرتك عامل ايه وصحتك
امال : انا كويسه اقعد ياحبيبي
     والدك عامل ايه ؟
مازن: يعني الحمد لله
رغد خرجت ساعة اما شافت مازن قلبها  دق جامد اوي قد ايه اشتاقت له ليه ماسالش عنها
حتي مازن ماكنش حالو ا اقل منها
رغد؛ ازيك يامازن عامل ايه ؟ أهلا وسهلا بيك
مازن: انا كويس انتي عامله ايه ؟ وكنتي ف الاسكندريه بتعملي ايه ؟
رغد : بابتسامه جميله دا ع اساسا انك ماكنتش عارف خطواتي كلها
مازن : باحراج واعرف منين ؟
رغد: اه ع كدا انا لازم اتحري عن الموضوع واشوف مين الي ممشي رجالتوا ورايا
امال : اكيد الي عمل كدا بيحبك وبيحاف عليك
مازن بتسرع: مش كدا ياطنط
امال ورغد غمزوا لبعض وضحكوا
رغد : ع كلا يامازن مش دا الموضوع الي  انا عايزاك فيك
مازن: خير يا رغد
رغد ممكن تسمعوني كويس لو سمحتم
امال : خير يا بنتي
رغد : مازن طبعا انت عارف ان امال تبقي خالتي لان ماما وبابا ماتوا وانا صغيره وهي الي ربتني
مازن: ايوه ياحببتي عارف ربنا يخليها ليكي انا كمان والدتي ماتت وانا صغير
رغد: وان قولتلك ان امال تبقي والدتك
مازن: طبعا هي زي والدتي
رغد: خالتو جوزك اسمه ايه؟
امال: منصور الضبع
مازن بصدمه : نعم !ايه! انتي بتقولي ايه ؟ مستحيل انتي بتقولي ايه ؟ والدتي ماتت وانا صغير
امال بتعيط مازن ابني قلبي كان حاسس من الأول
اه يا مازن قد ايه اشتاقت ليك يابني
"رغد قامت وقفلت بابا الشقه بتاعتهم بالمفتاح  علشان مازن مايخرش وهو غضبان وكمان مايوجهش  والدوا
هو دا الحل والوحيد الي وصلت له ان ماتحرمهمش من بعض وكمان تحافظ ع صحة منصور علشان كدا لازم تتاكد ان مازن مايخرش وهو غضبان "

مازن :انتي بتعملي ايه رغد هاتي المفتاح
رغد:اسف يامازن لازم نتكلم
وقعدت معاهم وحكت ليهم الي حصل بينها وبين الدكتور علي
مازن : انت فهمه انا ايه الي حاسس بيه انا عشت ف اكبر كدبه ممكن حد يعيش فيها انت عارفه يعني ايه ماما عايشه وأنا وهي نتحرم من بعض علشان ايه علشان الفلوس
رغد: والدك  ندمان واحساسه بالذنب هو السبب الرئيسي في التعب الي هو فيه
واي كلام معاه وهو ف الحاله دي مش هيستحمل
خالتوا قوليلول حاجه
امال : مازن تعالي ف حضني يابني تعالي خاليني أشمك انت متعرفش انا مستنيه اللحظه دي من امتي 
مازن اترمي في حضن أمه وقعدوا يعيطوا رغد انسحبت علشان تسبهم لوحدهم

وبعد فترة طويلة رغد طلعت من الغرفه
امال: علشان خاطري يامازن اسمع كلام رغد
مازن: لا ياامي لازم احاسبه لازم اعرف ليه عمل كدا دا حقي
رغد؛ وانا مابقلش ليك ماتسالوش
  انا كل الي بقالوا ان حالتوا الصحيه ماتسمحش انا دكتورته وانا الي اعرف لو سمحت يامازن فكر كويس
مش بعد اما لقيت والدتك هتخسر والدك
مازن سكت علشان خاطر مامته بس حاليا
امال: انت هتنام في حضن النهاردا
مازن: ها لا "الواد شخصيه " انا هروح واجيلكم بكره
امال: هتسبني يامازن
مازن: أصل أنا اوكي تمام ببات معاكوا
مازن كد ايه كان مبسوط وفرحان هو وامال
امال قامت تصلي وتشكر ربنا انه جمعها أخيرا مع ابنها

رغد : ع فكره يااستاذ مازن انا ابقي بنت عمك وخالتك 💪💪
مازن قرب منها وشوش لها ف ودانها انتي بتكون حبيبتي وبس
رغد وجهها احمر جدا
مازن: الله ف ايه بسلم ع بنت خالتي وبنت عمي
رغد باحراج اساسا خدودها بقيت زي الفراوله
  
امال ايجيت على  الصوت: ف ايه ياولاد
رغد : ولا حاجه ياخالتوا دا ميزو زعلان علشان بقولوا ياميزو
مازن متصنع الغضب: رغد كلمت ميزو ماتقولهاش تاني
رغد: مازن انت زعلت علشان بقولك ميزو طيب ميزو ميزو ميزو  .....
مازن: ماما خاليها تسكت
امال بجديه: رغد ماتقوليش مازن قوليلو ميزو ههههههههههههه
مازن: بقي كدا اتفقتوا عليا
وقعدوا يضحكوا مع بعض كد ايه كان مازن مفتقد الجو دا
كل لحظه كان بيزيد حزنوا فيها من والدوا ان حرمه من دفء  العيله
كد ايه كان نفسوا يسالوا هو عمل كدا ليه ليه حرموا من والدتوا ان كان عايز الفلوس مكان راح لها وسابوا هو معاها
بس هو وعد مامته ورغد مش هيتكلم ف حاجه حاليا
امال : مازن انت لسه بتحب البسطرمه
مازن: بعشقها
امال : احلي طبق بسطرمه بعملوا ليك
رغد : ايوه ايوه من لقي احبابوا
مازن : طبعا  اتركن انتي بقي شويه سبيني استمتع بحنانها شويه
رغد: ماشي ياسيدي
واتعشوا ورغد استاذنت  علشان هترجع الشغل بكره

مازن وامال سهروا مع بعض يحكوا عن حياتهم وقد ايه امال اشتاقت له لحد مانام مازن ع رجليها

رغد دخلت غرفتها وقررت قرار ياتري هو ايه؟
الشاطر يخمن  🤔🤔🤔🤔🤔
وياتري مازن هيحافظ على الوعد !؟