مهما توالت الأوجاع وزاد الهم جواك والحزن اصبح طريقك صدقني ح تلقي ملجأك
إسمي قسمه عايشه في مدينه صغيره كدا من مدن السودان أبوي أتوفى وانا صغيره يعني ما شبعت من حنان الوالد دي اكبر صدمه لي
عندي اخوي متزوج وعايش في مدينه(...) اخواتي كلهم متزوجات انا اصغر واحده فيهم اهل ابوي عندهم مشاكل مع امي وما كان عايزنها ليهم انا نشئت في جو كلو مشاكل بدل ما اتهنى بي طفولتي وافرح بيها شلت الهموم جواي من انا طفله مشاكل في مشاكل بقى دا روتين يومي
وعلشان ابني مستقبلي اخوي ساقني اعيش معاهو في مدينه (..) وانا في سنه ثالث أساس فارقت امي وفارقت اهلي امي كانت اكتر حب لي حنينه وقلبها ابيض صح متعلقه بيها كتير شديد بس لازم امشي مع اخوي عشان اكمل تعليم
اتحركناا وكل الحي بودع فيني حتى صحباتي وبنات اهلي القدري خليتهم وامي كانت بتبكي بس بتخفي في دموعها عشان ما تحسسني بالحزن
طوال الطريق وانا سرحانه وبفكر كيف ح تكون حياتي من غير امي ح اعيش كيف
وشكل حياتي ذاتو ح يكون كيف صاح انا صغيره بس كنت بفكر ألف تفكير جواي دائما الإنسان اللي بكون فاقد شيء بحاول املاء الفراغ دا ب اي شيء
وصلنا البيت ...
اول زول لاقيتو مرتو اخدت اول انطباع منها من سلامه لي وطريقه كلامها معاي زووله طيبه
نحن ما محتكين كتير بيهم نسبه للمشااكل الزمان اخوي بس ما بعرف بناتو ولا زوجتو لانو من اتزوج بجي البلد براهو الحاجات دي كلها كانت ليها تأثير سلبي علي وعلينا كلنا
جو 3 بنات كدا سلمت عليهم عرفت انو ديل بناتو
اصغرهم كانت اكبر مني ب 9 سنه
والكبيره متزوجه واصغر ولد ليها كان قدري
مرت الايام وبقيت ادخل فيهم حبه حبه
اصغر واحده كانت بتتونس معاي عادي بس الاكبر منها حسيت بأنها مضاايقه من قعادي او ما بعرف بالضبط دي بنتو اللي في النص
إسمها ميساء اكبر مني بي 16 سنه
وبالرغم من كبر سنها إلا إنها بتحقد علي كل الحقد وكانت مستقلاني كل الإستقلال يمكن لاني صغيره او لانو دا بيتهم يعني مالي حق
بس حتى وان كان .. بالرغم من إنها بنت اخوي بس ربنا يهديها عشت معاها وانا مقهوره ما عندي حل غير انفذ اي شيء بتطلبو
كانت مشغلاني كخدامه عندها اعمل اي شيء انا اغسل انضف بجي من المدرسه لازم انضف واغسل واكوي 4 سنه وانا شغاله بالروتين اليومي دا
اصحى الصباح انضف كل البيت
ارجع من المدرسه اغسل العده وانضف البيت برضو
جمعه وسبت غسيل ملابس ومكوى
اخوي بطلع من الصباح بجي المغرب يعني ما عارف الحاله اللي انا عايشاهاا وكمان امها بتطلع الصباح بتجي العصر
قاعدين انا وهي بس في البيت
رغم دا كلو انا كنت ممتازه في دراستي
ما بلقى وقت للقرايه يمكن دعوات امي هي اللي كانت بتنجحني
حصلت الثانوي وانا خلاص اتعودت الصباح انضف وامشي المدرسه اجي من المدرسه اطبخ واغسل العده بحاول اخلص شغل سرعه سرعه عشان احصل اقرأ واشوف واجبي المدرسي لانو الثانوي ما ذي الأساس محتاج ضغط اعلى وتركيز اكتر
بس للأسف لما انتهي من كل الشغل واجي اقرأ بتقفل النور مني وبتقول لي الكهرباء ح تخلص وانتي جايبه هنا كهرباء وتبدأ تتكلم ولما اكون عايزه اتكلم بتقول لي دا بيتنااا انتي قاعده هنا ذيك وذي اي واحده ما عندها بيت تعيش فيهو
رغم اني ببكي بس بكتم الوجع جواي بقول كلها أيام وح تعدي وبكره ح تبقي افضل وح تغير معاملتها تجاهي بس دائما عقلي بقول لي السنين دي كلها ما اتغيرت ح تتغير ليك هساا سيبك من أوهامك دي عشت كل انواع الظلم منها بس ما حصل حكيت لشخص ولا حتي لي اخوي اللي هو أبوها ما عايزه اعمل مشاكل وبقيت متعوده عليها
بحاول اتجاهل كلامهاا وتصرفاتها معاي كل يوم زايده
