بتتونس صاح وبتضحك بس ما من جواها
واحده من صحباتها إسمها لين حست انو في مشكله وحزن في عيون قسمه بس اتجاهلتو
لاحظت كتير لشرود قسمه وتفاصيلها المبهمه
يوم كدا ما كان عندنا محاضره وبتونسو بس قسمه طول وقتها شارده حتي كلامها كان قليل ما ذي بقيه صحباتها لين ى فكرت تعرف اللي جوه قسمه شنو واللي خاليها شارده طول الوقت شنو
ريم اقترحت انو يلعبو لعبه إسمها الصراحه وبي كدا تكون عرفت اللي جوه قسمه بس لما دورها جاء
امنه : قسمه انتي بتحبي
قسمه: ضحكت ضحك حزن كدا لا ولا ح احب
لين في نفسها عرفت انو في شيء واصلا" اي زول لما يقول ما بحب ولا ح احب اكيد بكون ليهو تجربه من قبل
لين : ليه يا قسمه الحب شيء جميل واحلى شيء لما تلقي شخصيه تشاركك حياتك ويومك وتخاف عليك دا كلو علشان تستدرج قسمه
قسمه: يا ريم صح الحب حلو بس بتخرب بي الخيانه وما كل شخص حبو حقيقي في بتحب علشان تقضي وقتها ما اكتر وفي ناس بتحب بس لعب بالمشاعر
ريم اتأكدت انو قسمه اتخزلت واتخانت بس ما قدرت تسألها تاني حاولت تخليها ب راحتهاا وما تضغط عليها
قررو صديقاتها يساعدوها شويه شويه بقو امنه و رندا يقربو منها وعرفو كل الحكايه والحصل ليهاا في علاقتهاا مع محمد
قسمه عندها صفحه في الفيس بس ما عندها تلفون
دخلت يوم صفحتها لقت محمد مرسل ليها طلب اااي محمد ذاتو العبره خنقتها واتزكرت كل أيام زمان مرت سنه علي انتهاء علاقتهم بس لسه مشاعرها ما إنتهت بكت صحباتها لاحظو لي دموعها سألوها وعرفو الحكايه
امنه : يا قسمه اقبلي الطلب
قسمه : مستحيل نحن قصتنا إنتهت
لين : لو إنتهت مافي لزوم للدموع دي انتي كدا بتغشي في نفسك
رندا : احتمال عايز يقول ليك شيء مهم او تكوني فاهمه الموضوع خطأ انتي اقبلي وشوفيهو عايز شنو ما ح تخسري شيء
بعد ثلاثه أيام حتي اقنعوها
نجي نشوف محمد في ليبيا
محمد قاعد في المحل كدا خيالو يشليو مره يضحك ومره يبكي فتحت تلفونو يستمع شغل اغنيه تامر ( ارجعلي انا قلبي مش قادر أنساك هواك يا حبيبي يا أحلى ملاك يا روحي الروح )
وأثناء ما هو بسمع جاهو اشعار
فتحو لقي انو قسمه قبلت الطلب ما عرف يعمل شنو من الفرح خلاص حسى انو في امل وفي ضوء جديد
رسل ليها طوالي اغنيه بتقول
{ من بعدك وانا قلبي مكسور وحزين مش عارف الدنيا وخداني لفين صعبان علي قلبي فراقك طب هاعمل ايه جوايا حنين علشانك طمني عليك }
قسمه سمعتها وبقت تبكي ومن غير ما تشعر لقت نفسها بتدردش مع محمد وسألها عن أخبارها
محمد { مبروك الخطوبه }
قسمه زعلت حست انو بقول ليها ما باركتي لي وكدا رسلت ليهو { ااه نسيت بعتزر مبروووك لييييك وربنا يتم ليك علي خييير }
محمد طبعا" فسخ خطوبتو بس ما قال ليها { وربنا يتم ليك علي خير انتي برضو }
قسمه { شكرا" }
محمد { انتي ليه عملتي فيني كدا معقوله انا مفتكرك ماذي البقيه بس للأسف طلعتي زيهم } بس ما رسلها ليها مسحها خاف انو تجرح مشاعرها
{ القرايه كيف معاك؟}
قسمه : { تمام الحمدلله انت الشغل كيف معاك}
طبعا" اي واحد فيهم جواه عايز يعاتب التاني بس الإثنين ما صدقو انو القدر جمعهم تاني
امنه : حمد لله شوفنا ابتسامتك
قسمه : هههه
رساله من محمد{ اها زواجك متين}
قسمه مع نفسها يعني متعمد يجرحني
قسمه { مع زواجك}
محمد اتغاظ منها { بس انا لسه ما لقيت قسمتي }
قسمه{ معقوله خاطب ولسه قسمتك ما لقيتها طيب ونحن نقول شنو }
محمد وقعت ليهو خلاص بس برضو ما قادر يفهم قصدها شنو
{ ما فهمت قصدك}
قسمه { اللبيب بالإشارة يفهم }
التفعيل حق النت إنتهت
....
