رجعت البيت قسمه مبتسمه اليوم كلو بس كل مره الابتسامه بتختفي بانو محمد خاطب وبدء حياتو
ميساء: اتاخرتي مالك
قسمه : المواصلات صعبه
شيماء : شوفي ليك ود حلال خليهو يجيب ليك عريبه
قسمه اتفادتها لانو مزاجها رايق وما عندها نفس تتناقش معاها : حاااضر ح اجيبو ان شاء الله ودخلت غرفتها
أمنه نشطت ومن غير ما تشعر دخلت صفحت قسمه لقت رساله من محمد { انا ما لبيب فهميني }
أريج رسلت ليهو انا ما قسمه انا صحبتها
بقو يدردشو بس الشبكه كانت كعبه رسل ليها { رسلي لي رقمك حق الواتس لانو شبكتي زفته}
رسلت ليهو الرقم وبقو يدردشو وحكي ليها قصتهم
امنه عرفت انو في شيء ما تمام ودا غير انها اتلاقت مع ميساء قبل كدا وما ارتاحت ليها
حكت ليهو انو اصلا" قسمه ما اتخطبت محمد اتفأجا خلاص افاكرو بقت ملخطبه انو ظلم قسمه وقسى عليها وكره ميساء لي درجه اتمني انو يكون في السودان علشان يحكي لي قسمه الحاصل بكي من الفرح انو خلاص الأمل بقي موجود انو قسمه ترجع ليهو بس برضو بكى لانو خزل قسمه وجرحها
اتقف مع امنه انو بكره قسمه لما تجي الجامعه هو عايز يتصل ليها
صباح اليوم التاني
اتحركت قسمه وهي في الطريق حاسه ب شعور غريب وبدت تتزكر السنين الفاتو واللحظات الجميله
والمواقف الحصلت ليهم
جات قسمه الجامعه ومحمد اتصل
امنه: قسمه في زول عايزك في التلفون
قسمه : بسم الله دا منو؟
امنه : امسكي التلفون ي وح تعرفي
قسمه : الووو
محمد : قسمتي
قسمه بي دهشه : ميدووو
محمد : ااي ميدوو معاك
قسمه : اهلا" عايز شنو
محمد : اسمعيني للاخير وما تقاطعيني
قسمه : اسرع لاني مشغوله
محمد بدأ يحكي ليها قرابه ساعه هو بتكلم وقسمه بس بتبكي حكي ليها كل الحاصل حتي موضوع الصور وكلام ميساء
قسمه مصدومه وفرحانه وحزينه افكارها ملخطبه ورأسها عايز يطرشق في جواها انا خزلت محمد انا فهمتو خطأ يا ريت لو ما صدقت ظنوني يا ريت لو ما سمعت كلام شيماء اااه ظلمتو وطلعتو بلعب بي ليييه يا قسمه اااه يا دنيا ما تزرعي الفرح في جووواي لو كنتي ناويه تنزعي
محمد : قسمتي قسمتي انا بتكلم معاك وين شردتي
قسمه : اااه يا ميدو انا معاك
محمد : ان شاء الله دائما" يارب
قسمه : انا يا محمد أسفه كنت.....
قبل ما تتم محمد قاطعها
محمد : ما تقولي كلمه انا الغلطان وكلو لي خير وما مهم المهم اننا عرفنا الحقيقه وح نرجع افضل من الاول ومافي شيء بفرقنا غير الموت
قسمه ...
محمد : انا عايز اتقدم ليك تاني تقبلي تكوني زوجتي وحبيبتي وكل شيء في دنيتي
قسمه بفرح : مواقفه ي محمد
محمد : خلاص انا بكره ح اكلم ابوي
قسمه رجعت البيت والفرح في عيونها ومبسوووطه
ميساء : مالك فرحانه كدا غريب
قسمه في قلبها ( رجعنا تاني نحب بعض )
يعني الزول ما يضحك
ميساء : ما من عوايدك
قسمه دخلت وما اشتغلت بيها
ميساء شكت بس اصلا" ما ختت محمد في بالها
طوالي مسكت تلفونها ورسلت لي محمد انو قسمه الليله فرحانه شكلها اتعرفت ليها علي ولد وبقت تتكلم ومحمد عارف الحكايه بس ما قال خايف تبوظ تاني
محمد : قسمه شنو يا بت اصلا " ما بتهمني تضحك ولا تبكي ذيها وذي اي بشر
دا كلو علشان ميساء ما تشك
قال ليها بالمناسبه دي انا عقدي بعد أسبوعين
ميساء فرحت فرح وضحكت للاخير في قلبها ( طلعت خطير عقد كمان ح تقتل قسمه شكلك)
طوالي جرت علي قسمه
ميساء : قسمه قسمه عندي ليك خبر بس ما تزعلي
قسمه : خبر شنو
ميساء : محمد عقدو بعد أسبوعين
قسمه من جواها عايزه تطير من الفرح بس ما أظهرت ليها عملت فيها بتبكي وبي نبره حزينه كدا : ربنا يتم ليهو علي خير
ميساء : ما تزعلي يا قسمه دا واحد .
قسمه قاطعتها بي نهره : ما عايزه اسمع سيره عنو و اتفضلي بره طبعا" قسمه ما بترضي تسمع شيء سيء عن محمد لانها عرفت الحقيقه بس ميساء افتكرت انو قسمه كرهت محمد
ميساء : سوري و طلعت
عدت الأيام وفجاءة ميساء انصدمت انو محمد اتقدم تاني لي قسمه
رسلت ليهو
انت عايز تدمر حياتك ودي واحده كذابه ساي ما تخليها تغش عليك و و و و ..الخ
محمد رد ليها بي كل برود : في حاجه تانيه عايزه تقوليها
ميساء : قسمه انتي جنيتي عايزه تقبلي بيهو تاني دا مش محمد زاتو اللي وزع صورك وجرحك وكذب عليك وخدعك انتي واحده ما عندك قرار ولا عندك شخصيه كيف ترضي بيهو
قسمه : خلصتي كلامك خلاص ؟ طيب احب اقول ليك انو دي حياتي ودا مستقبلي وانا اللي بقرر مين اللي ح يكون شريك حياتي ما تتدخلي في شيء ما بخصك لو سمحتي
مرت الأيام وتم العقد وجهزوني صحباتي وكنت احلى قسمه ومحمد بارك لي بس فرحتي ما تمت لانو محمد ما كان موجود كان لسه ما جاء من ليبيا وعشنا احلى الأيام بالاخص لما محمد جاء السودان وطلعنا مع بعض واتصورنا صور مبااالغه بس لسه ما تمينا العرس لانو الجامعه وكدا
اما بالنسبه لي ميساء لسه في حركاتها ديك وما خلتها بس ما بشتغل بيها كتيرأنا م حسيت بالأمان إلا معاه
حتى المكان الهو ما موجود فيه انا ما بطمئن ليهو بحس في حاجة غلط.
و الحتة الما فيها صوتو بتكون كئيبة 💔.
إحساس الأمان اتجاه زول بخاف الله وتقي ومحترم في روحو ومحترم الناس حوالينو أحلى بكتير من إحساس الحب وبيفوتو درجات.
💖
الهدف ☆●
انو الشيء اللي ربنا كاتبو ليك مستحيل يمشي لي غيرك ومهما كانت اوجاعك ومشاكلك ح تفرج بإذن الله بس انت ضع ثقتك في الله واتفائل ومهما الطعنه كانت بتلقي زول يعيد ليك كل اللي ضاع منك ويبدل ليك الحزن بي فرح الشقاء بي سعاده
وكمان مهما كان ما تثق حتى في الاقرب ليك
خد الحذر واتعامل بفهم لانو في ناس بحسدوك حتى علي نفسك
وما كل زول بتمنى ليك الخير
والأقارب عقارب بس ما كلهم
الصدمات كتيره في حياتنا والاوجاع محاوطانا من كل الجهات بس ثقتنا في ربنا كبيره
ح يجي اليوم اللي ح نتخلص فيهو من كل التعب والحزن
ح يظهر زول يشاركنا كل تفاصيلناا ويبقى لينا سند
قسمتي
✍ ريم نوح عبدالله
