تلفون شادن ضرب ولقت المتصل محمد قفلت طوالي علشان قسمه ما تحس واستأذنت علي البيت رجعت علي محمد وحكت ليهو بالتفصيل
محمد: ااااه الله ياخدو احمد
احمد دا من اهلهم وشاف صور قسمه عند محمد بالصدفه وكلم ميساء كدا عرفت الحاصل انو ميساء قلبت المواضيع كلها
مرت شهور والعلاقه شبه أنها انتهت في الواقع بس جواهم لسه محمد مع ذكرى قسمه ولسه قسمه مع ذكرى محمد
ميساء : الو محمد كيفك؟
محمد : بخير الحمد لله قسمه كيف
ميساء اتغاظت لانو ما سألها من حالها وسال من قسمه طوالي : كوويسه والله الأيام دي شايفاها متكتكه مع ولد عمها انو عايزين بعض واحتمال الخطوبه تكون بعد الامتحانات
محمد معقوله قسمه دي قاسيه للدرجه دي معقوله نستني بالسهوله دي معقوله قسوه قلوب النساء خائنه آه يا خاينه
ميساء: محمد وين شردت
محمد : اه اه معاك معاك ايواه ربنا يتم ليها علي خير وكلميها انو انا برضو خطوبتي قربت
ميساء ابتسمت بسمه خبيثه انو اللي في بالها حصل
انتظرت قسمه بي فارق الصبر إنها تجي من المدرسه
ميساء عامله فيها حزينه : قسوووم سمعتي الخبر الجديد
قسمه افتكرت في بالها انو محمد خلاص جاي يرضيها ويحل المشكله : لا ما سمعت في شنو
ميساء : محمد اتصل علي وعزمني علي خطوبتو
قسمه اندهشت لا عرفت تبكي ولا تضحك علي حبها وعلي خزلانها : ربنا يتم ليهو علي خير
ودخلت غرفتها وما خلت بكاء عيونها لما ورمو محمد تعمل فيني كدا ما حرام عليك ما كنت مفتكراك كدا ليه خنتني ليه كسرتني وجرحت قلبي اه يادنيا ليه انا ما مكتوب لي اتهنى بي حياتي يا امي تعالي شوفي بتك القويه الليله اتكسرت يا ابووي شوف بتك الواثقه من نفسها اتجرحت كيف خاينه يا دنيا
اول حب لي في حياتي واتخزلت منو
الزول اللي خاته فيهو املي كلو هدمو لي في ثواااني
حياتي ح تكون كيف بلاهو انا اتعودت عليهو وبنيت احلامي عليهوو
عايزاهو سند لي
انا مجروحه من كل الجهات ما فضل لي جهه اثق فيها او تسندني
وعلي كدا علاقتهم انتهت خلاص بس انتهت علي الكذب والزور
محمد فاكر قسمه خانتو وقسمه فاكره محمد خانها بس اللي خانتهم ميساء وحقدهاا
محمد ما قدر يستحمل اللي سمعو وقال قبل ما تحصل الخطوبه حقت قسمه اللي هي اصلا" كذب اقترحتو ميسااء
يسافر بره السودان وفعلا" سافر وشال كل ذكريات قسمه معاهو حتي الاغاني اللي كانو بسمعوها مع بعض عندو وطوالي بستمع فيهم
بس الغلطه اللي عملها محمد ودي اللي خلت قسمه تكرهو لي ابعد الحدود انو خطب فعلا" وهو كان بفكر انو يردها ليها قبل ما تتخطب هي وتكون ليهو حاره
جاء خبر خطوبتو ذي الصاقعه علي قسمه
اتأكدت انو خلاص نساها وبدأ حياتو بس كيف هي تنساهو كيف تبدأ حياه تانيه
ح تبني كيف؟ وح تعيد ثقتها في الناس
معقوله ينزرع امل من جديد جواها معقوله في سعاده لسسه منتظراها؟
مرت الشهور وشبه اللي اعتادو علي الفراق بس بي جواهم براكين من الاشواق لي بعض ودائما الإثنين بتجاهلوها التواصل بينهم انتهى
بتسمع ب اخبارو من بعيد
رجعت قسمه للروتين اللي من غير امل حياتها القبل ما محمد يدخل في قلبهاا
قسمه نجحت ودخلت الجامعه اتعرفت علي 3 بنات وبقو صحباتها جد
