مرت الأيام
يوم جاني كلام انو صوري عند محمد وبوري فيها للناس يعني بصريح العباره بلعب بيها و
نظام شوفوها وكدا انا طبعا انصدمت وما عرفت الحاصل علي شنو قلبت 360 درجه من قسمه الطيبه عارفين لما تنصدم من اقرب شخص لييك وما كنت بتفكر انو يعمل شيء يأذيك بتحس بي نفسك ما ياها نفسك والطعنه لما تجيك من قريب بتكون حاره ياخ
خلاص انا كرهت محمد وكرهت اليوم اللماني فيهو وكرهت كل شيء متعلق بيهو نسيت كل الأيام الحلوه البينا وانا اسبوع مصدوومه انو محمد مستحيل يعمل كدا بس ظنوني اتقلبت علي عاطفتي وطوالي رسلت ليهو رساله ( البينااا انتهي يا محمد ) وما زدتها ولا حرف تاني
نرجع نشووف محمد
محمد اتصدم وقال اكيد بتهظر هي اتصل طوالي علي ميساء علشان تديهو قسمه بس قالت ليهو قسمه قالت ما عايزه تتكلم معاك وكل الطرق اتقفلت في وش محمد وكدا أتأكد انو كلامها ما هظار خلاص الدنيا ضاقت بيهو بقي ذي المجنون ما عارف يعمل شنو طوالي اتزكر شادن اللي جمعتو بي قسمه اتصل عليها وقال وحكي ليها الحصل انو ما عارف سبب الرساله شنو شادن قالت ليهو انا بكره بمشي لي قسمه في البيت وبشووف الحاصل
هنا قسمه بقت لا بتاكل ولا بتشرب بس قاعده وخياله بعيد ليه محمد يتصرف كدا يعني بتفاخر بي صوري؟معقوله هنت عليهو للدرجه دي
مافيهو حبه شهامه او رجوله
ميساء فرحت انو اللي مخططه ليهو نجح بس قالت إلا تنجحو اكتر يعني تاخد درجه امتياز
ميساء: قسمه ما تقفلي علي روحك كدا ومحمد ذاتو ما بستاهلك بكره يجوك الف غيرو قومي قوي نفسك وانسيهو وعيشي حياتك ذي ما كنتي من قبل الرجال دي كلهم كدا وبعدين انا وريتك وكلمتك انو محمد دا ما مسئول وزول شافع ساي بس ما سمعتي كلامي وحبيتيهو لكن ما راحت حاجه انسيهو كانو ما كان واكسري عينو
طبعا سمعت كلامها ونيست انو ميساء دي نفسها اللي بتكرهني وبتحقد عليي وما فكرت انو ممكن تكون عايزه تخرب علي
في الوقت دا كنت محتاجه زول يقيف معاي وما كنت عارفه صليحي من عدوي
مر اليوم بس قسمه لسه ما نامت تفكر الليل كلو ليه محمد يعمل كدا اه ياربي معقوله هو اناني للدرجه دي معقوله بلعب بي آه اصلا" الرجال كلهم كدا بس يا محمد انا ما ح اخليك تدمر حياتي كدا وبالسهوله دي انا ح أبدا حياتي من غيرك من اللحظه دي لا بعرفك ولا بتعرفني قسمه بتتكلم مع نفسها بس قلبها بقول ليها هههه انتي بتضحكي علي نفسك مستحيل تنسيهو ومستحيل تبدي حياتك بلاهو مكانتو لسسه ذي ما هي ما تغشي علي نفسك
قسمه محتاره بين قلبها وبين ظنونها اللي هي كانت بسبب ميساء
الصباح جاتها شادن
قسمه من ما شافتها بقت تبكي ما شوفتي محمد عمل فيني شنو انا وثقت فيهو بس هو ما بستاهل الثقه انا كرهتو كرهتوو
شادن : اهدي يا قسمه وفهميني الحاصل
قسمه: وهي بتبكي يا شادن محمد بقاني فرجه للناس وبفرج صوري للناس انا وثقت فيهو بس ما كنت مفتكراهو ح يعمل كدا هو ظلمني
شادن اتفاجات : انتي اكيد فاهمه الموضوع خطأ مستحيل محمد يعمل كدا وانتي عارفاهو انو بحبك واتقدم ليك عديل
قسمه : ما عايزه اسمع كلمه عنو العلاقه اللي بينا واللي قبلي ما تبدى انتهت وهو بالنسبه لي ولا شيء ماضي وعتره خلصت
شادن: يا قسمه ما تعملي كدا احتمال انتي ظالماهو اتصلي عليهو وشوفي فهمو شنو وخليهو يحكي ليك
قسمه : لو بتحترمني بالجد ولو انا بعني ليك شيء ما تجيبي سيره محمد دا تاني
شادن : ..اوكي
