خاف تصيرلك قسمة و تبدلني بوجه ثاني
تره مو كل وجه بي ماي
فرزنهم تصح وادم گصب مرات
بس مايصح بيهم ناي
نزلت اركض جوه مثل المخبلة اريد اشوف شكو
باخر بايات لكيت حسنين واكف معصب ويعيط
و ابوية ايده ع راسه
اجيت يم حسين
مسك : حسين شكووو.
حسين : القرض الماخذه حسنين علمود تكملة البناء
مسك : اي شبي
حسين : المقاول ماخذ الفلوس و فالت فص ملح و ذاب و ابوية تخبل و حسنين يدك و يلطم تدرين القرض.فوك طاقته
مسك : الحل شنو
حسين : وللله مادري ماادري يا مسك
ضل البيت نار و مشتعل و ابوية يتخربط و امي تبجي وحسنين بس يعيط و حسين صافن
منا للظهر و احنا ع هالوضع
ندك الباب بعز الظهر
شفتهم ملتهين
رحت افتح الباب
مسك : منوو
سمى : انني مسك فتحي الباب وياي مقداد (زوجها)
مسك : ثواني سماوي بس البس شال من رخصتك مقداد
رحت ركض كلت لامي منو اجاني حطيت شال و رحت فتحت الباب
سمى : ها خيتي شهل مصيبه وكعت ع راسنه
مقداد : كولي يالله هسه انتي جايه تتلاطمين لو تهدئين وضع امج و ابوج كبااار
شونج بوية مسك شون صرتي
( طبعا مقداد اكبر من سمى ب 10 سنين وسمى اكبر من مسك ب 12 سنه فيعني فرق عمر بين مسك و مقداد 22 سنه هوه يكللها بوية طبيعه هالشي حتى ينزاح الخجل و متتحسس مسك لا من مقداد ولا من سيف زوج ريم)
مسك : تمام عمو انت شلونك شونها صحتك و شغلك
مقداد : الحمدالله بوية
سويلنا طريق خو مانضل بالباب واكفين و اختج حامل شيخلصنا منها من تضل تشكي
مسك : تفضل تفضل
دخل مقداد و سلم حجه ويه اهلي كلوله ارفع قضية شكوى
حسين : شنو فائده لا متكاتبين وياهم و لا عدنه شي يثبت اخخخخخ القانون ميحمي المغفلين
ابو مسك : رحمه الله والديك بوية اني مغفل
حسين : لا والله بوية مو قصدي حقك عليه انت على راسي بس داكولك متفيدنه
حسنين : شلون هسه فهموني لا البيت يكمل و دولة تطلبني و اني ضااابط و تضل عليه مستمسكات ديون غير اضيع
مقداد : والله خوية اني لو عندي صدكني ماقصر
سمى : والله يمه كل اللميته فلوس نطيتكميا و فلوس ديلمهن مقداد علمود يبني قطعه يسوي بيت و يأجره علمود الي بطني
أنت تقرأ
مسكة الثلاثيني
عاطفيةكيف لقلبك ان ينساني الا يعرف انك عشقي وكياني اليس من كان في الماضي يعشقني و يهواني اليس من قال حياتي معك طريقي وعنواني نعم احببتك ولكن قلبي ينسيمن ينساني
