ياحنيني
الماعثر مرة بحنينج
انتي وينج
بروحي الج طفلين تانو
منج تكملين دينج ،🖤
وفر اسالتك لروحك محمود
ماكو شي بينه اني حطلب طلاك و انت بجهه و اني بجهه
محمود : مسك راح اغير كلشي لخاطرج افتهميني
كلشي علمودج اغيره و اصير الج بس لا تعوفيني
مسك : خسرت محمود خسرتني
رفضتني و ذليتني
كسرتني بزواجك من غيري
هددتني
خليتني اخسر اختي
نفضحت بسبب مرتك كدام بيت خالتي
و اني كلها ساكته وياك محمود
خسرت بسببك هواي هواي امور
ياريت من بعد انفصالنه اكدر اعوضهم
ضل صافن بعيوني و نزل
ثاني يوم اجت سمى و امي و ميس يمي
امي شافتني بفراش وو حالتي تعبانه ضلت تسئلني شبيج مابيه
بس سمى بيها نضرة ندم و تحاول تعتذر و اني ارفض ابد ماريد اسمع الها شتحجي ماتحجي
كضو اليوم يمي
و ميس و سمى راحو للمستشفى و رجعو
مسك : ها شونها لطيفه
ميس : اوف البنيه طلع بيها مرض مميت و حايرين ينقذون طفل لو هيه
و الدكتوره تكول وصيتها ننقذ طفل
و جراح متخبل يريد لطيفه ميريد غيرها
هيه حجت هيج و رقيه صافنه و دموعها تجري
راحت سمى حضنتها
و تحاول تهدئها بس رقيه راحت نامت و عافتنه
ثاني يوم الضهر
كاعدين و كلبي مقبوض و احس روحي راح تطلع
دخلت سمى و ميس و دموعهن يجرن
مسك : يالله شكو شبيجن
ميس : ماتت ماتت لطيفه و جابت ولد مثل كمر
مسك : لا اله الا الله
جراح شونه
ميس : شحاله ولج بس يبجي و يصرخ و حاضن جثمانه ميقبل ياخذو للثلاجه و لا يدفنوها
مسك : استغفر الله ياربي الف رحمه ع روحها
سمى : خو رونق موتت روحها من بجي كمنه خابرنه حسنين بلكت يكدر يحاجيها
مسك : الطفل وين
ميس : حاطيه بالخدج يجنن
ماخذ كل عافية امه ياربي
مسك : هيه من اول تدري بروحها تموت اخخخ منها و بسبب عنادها اللف رحمه ع روحها
سمى : هيه شنو موصية رقيه تربي ابنها
أنت تقرأ
مسكة الثلاثيني
عاطفيةكيف لقلبك ان ينساني الا يعرف انك عشقي وكياني اليس من كان في الماضي يعشقني و يهواني اليس من قال حياتي معك طريقي وعنواني نعم احببتك ولكن قلبي ينسيمن ينساني
