حلات الجرح من يزهك إعلى السچين
تتگسر أبدمه وينگطع كُل شد
حلات أدموع تالي الليل
من يذكر حبيبه ومايشوف أحد
حلاتك يانهر ، عمرك سفر تمشيه
لا ترتاح لا تگعد لا تمتد
ثاني يوم كعدنه
طبعا لطيفة الحنه والزفه نفس اليوم قررت
فعرسهم عكب باجر
ريم : صباح الخير
الكل صباح النور
دخل خالو ابو محمود
ابو محمود : صبحكم الله ب الخير يابنات جبتلجن كيمر عرب و حليب هوايش يلزم كلبجن شونج بوية مسوكه
مسك : الحمدالله سيدنا انت شونك
ابو محمود : الحمدالله شفناج طيبه بنيتي
كعدنه نتريك
كملنه الريوك
دخلت مرمره و لطيفه و جراح
سلمنه ع الكل
مرمره من شافت مسك
اجت ركضت حيل و حضنتها و تتبجي و تعتذر منها و تبوووس كلنه بقينه صافنين
مسك : كافي يعمري هاي اني رجعتلج بسلامه اهدئي
مرمره : اعذريني مسك اعذريني
مسك : ششش لتفضحين روحج و تفضحيني عدت ع خير امشي بحديقه نحجي
مرمره : مسك والله حبيته مادري بنفسي و ابتعدت و حاولت بس هوه جان يتقرب اكثر
مسك : سلمان و اني مجرد اصدقاء جنتي تدرين سلمان جان بس حتى اقهر محمود و محمود ماتحرك و خطب وتدرين جنت ناوية انهي موضوع ويه سلمان
اصلا فرحتلكم من كل كلبي
بس احجيلي شون صارت
مرمره : باعي بيوم اجيت لبيت ريحانه اكمز اني و عبايتي صار بوجهي سلمان هوه جفل و اني هم كضيت عبايتي و رككككض خوية عامر بس ضل بالي هوه جنت اترردد علمودج بس ادري بيج تحبين محمود
وره فتره تصير لقاءات من بعيد اني وياه من يجي يسلم لو يسئل بس محمود ميطوبة للبيت
مسك : يعني سلمان جان يجينه
مرمره : اي ليش متدرين
مسك : يجوز ناسيه كملي
مرمره : كام ماخذ رقمي من جهاز امج
جاي مسير يم امج و انتي جنتي نايمه و ماخذ رقم و دز مسجات
مسك : اممممم اي و شنو مسجات
مرمره : اتذكر كايل من اجه جان معجب بيج و بشخخصيتج بس اجه شخص و كله انتي بكلبج احد و انتي ع اساس اصلا مستغله وجود سلمان حتى تخلي يغار عليج صح سلمان ما مصدك بس كال من شفتها بارده وياي و تتهرب مني حسيت بهل شي فمن شافني بلحضتها طابع براسه من كضيت عباية وحاطتها بحلكي و ركضت و من تصير بيناتنه صدف فهوه كبل كلي اتقدملج اني رفضت رفض
قاطع كتله ماكدر انت بالحساب خطيب بت خالتي و تختي كلي الشخص الوحيد الادري بيه مراح يعارض هيه مسك دايما تكولي يوم اشوفك ويه بنت الحلال و مدام حتعرف بيج انتي بنت الحلال ليش تعارضين يا بنت الحلال
أنت تقرأ
مسكة الثلاثيني
Roman d'amourكيف لقلبك ان ينساني الا يعرف انك عشقي وكياني اليس من كان في الماضي يعشقني و يهواني اليس من قال حياتي معك طريقي وعنواني نعم احببتك ولكن قلبي ينسيمن ينساني
