﴿ هٓـمْ أشوفكْ ؟
جآي أشـمٍ ريحهۃ أملْ '
يٓـلْ فرگتـكْ غربةه ،
يٓـلْ ملگآك أهلْ
صعدت وراه
لكيته بشورت و فانيله و متغطي
جرت نفس
مسك : محمود اريد احاجيك بمووضوع
محمود : كولي
مسك : لتلبس هيج و تدري اني مجبوره انام يمك و ع جربايه و اتغطى وياك نفس غطه راعي اكو بنيه يمك بغرفه
محمود : و هوه يضحك و يجر جكاره
و هاي البنيه ترى مرتي و حلالي ع شنو اراعي بيها و اني مارتاح اله البس هيج
مسك : ماشي محمود ماشي.
رحت بدلت و لبست تراك و اجيت نمت
مرت الايام هيج
ميتقربلي و ادري بعيونه تراقبني
اجه يوم سابع
لبست فستان بسيط بصلي
طويل وبيه فتحه من يم رجلي ع طول
شعري سرحته و خليته و مكياج هادئ
اجو اهل لطيفه
و اجت وحده من خواتها ماشاء الله شايلات حسن و براءه بوجهن
و اهلي التمو جاين بس حسنين ماجاي بس حسين
جنت مرتاحه نفسيا
خلصت حفلة وضلو اهلي و اهل لطيفه
و نصدمنه ب دخول شيماء !!! و اهلها و خواتها
سمى اخذت نفس و ارتجت ع قنفه و جهال يمها
ميس اصلا وجهه اصفر و تعبانه
اجت يمي
شيماء : مبروك حبيبتي تتهنين انشاءالله
بس لتفرحين هواي كم فترة و يطلكج تدرين اني ماعترضت كلت خطيه بت خالته يستر عليها
و رفعت حاجبها
مسك : انتفض جسمي و ضليت اردد معقولة تعرف معقولة محمود كايللها و هيج سوا !! معقووولة
عقلي يردد معقولة و كلبي يردد لا ممعقولة
بقينه كاعدين امي حجت و يه ام لطيفه خطبت اخت لطيفه اسمها رونق
رونق طول و جسم و جمالها هادى و الي ميزها غمازتها بالحنج و طول شعرها
و ام لطيفه ماعترضت
امي رادت اختهن هم ل حسنين بس طلعت مخطوبة لابن عمها حاجين بيها ووافقو
خوات شيماء يفترن ببيت و لا مهتمات شي عادي عدهن
دخل محمود
و نصدم بوجود شيماء و اهلها
راح سلم عليهم
أنت تقرأ
مسكة الثلاثيني
Romanceكيف لقلبك ان ينساني الا يعرف انك عشقي وكياني اليس من كان في الماضي يعشقني و يهواني اليس من قال حياتي معك طريقي وعنواني نعم احببتك ولكن قلبي ينسيمن ينساني
