တနင်္ဂနွေနေ့ရဲ့ မနက်ခင်းဟာ ဂျင် အတွက်တော့ သာယာမနေခဲ့ဘူး။" မောလိုက်တာ..."
" အာ...အစ်ကိုကလည်း အခုမှ ပန်းခြံတစ်ပတ်တောင်မပြည့်သေးတာကို...ဆက်ပြေးရအောင်...လာ "
မောလွန်းလို့ အသက်လုရှူနေရတဲ့ ဂျင်ကို ဂျွန်းက ပခုံးပုတ်ရင်း ဆော်သြ သွားကာ အရှေ့ကနေ အရင်ပြေးသွားသည်။ ဂျွန်းက မနက်အစောကြီး အားကစားဖိနပ်နဲ့ ရောက်ချလာကာ " အားကစားလုပ်ရအောင် ဒါမှ ကျန်းမာမှာ " ဟု ဆိုပြီး ဂျင်ကို အတင်း ဆွဲခေါ်လာ
ခဲ့လို့ ဒီနေရာမှာ ဂျင်ရောက်နေခြင်း ဖြစ်သည်။ သူ့သဘောအတိုင်းသားဆို မနက်အစောကြီး အားကစားထလုပ်ဖို့ စိတ်ကူးတောင် ယောင်လို့ ရှိနေမည် မဟုတ်။ပန်းခြံတစ်ပတ်ပြည့်အောင် ပြေးပြီးသွားတဲ့ အခါမှာတော့ ဂျင်က တွေ့ရာခုံတန်းလျားမှာ
ပစ်ထိုင်ချလိုက်သည်။ ဂျွန်းက အသင့်ယူလာတဲ့ ရေဘူးကို ဖောက်ကာ ဂျင် ကို ပေးလိုက်သည်။" ကျေးဇူး..."
ဂျင်က ဂျွန်းပေးတဲ့ ရေဘူးကိုယူကာ အမြန်သောက်လိုက်သည်။
ဟူး...အသက်ရှင်ပြီ
" အစ်ကို ခဏနော် ဖုန်းကိုင်လိုက်ဦးမယ် "
ဂျင် ခေါင်းညိမ့်ပြလိုက်တော့ ဂျွန်းက အတော်လှမ်းလှမ်းမှာ ဖုန်းသွားပြောသည်။
ခဏလောက်ကြာတော့ ဂျွန်းက အသည်းအသန် နဲ့ ဂျင် အနားရောက်လာသည်။" အစ်ကို...ကျွန်တော်သွားရတော့မယ် ဆေးရုံမှာ အရေးပေါ်လူနာ ရောက်နေလို့ "
စကားကို မြန်မြန်ပြောပြီး လှည့်ပြေးတော့မယ့် ဂျွန်းလက်ကို ဂျင် ဖမ်းကိုင်လိုက်သည်။
" အဲ့ အရေးပေါ်လူနာကို ကုပြီးရင် ငါ့အတွက်
အချိန်ပေးနိုင်မလား "" အခြေအနေအရပဲ...အစ်ကို အရေးကြီးလို့ သွားတော့မယ် "
ဂျွန်းက ဂျင် ကိုင်ထားတဲ့လက်ကို အသာအယာလေး ဖြုတ်ကာ ပြေးထွက်သွားသည်။ ဂျင်က နဂိုနေရာကနေ ဂျွန်းရဲ့နောက်ကျောလေး မြင်ကွင်းကနေ ပျောက်ကွယ်တဲ့အထိ ရပ်ကြည့်နေခဲ့သည်။
YOU ARE READING
Stay With Me [ Namjin ]
Short Storyအလုပ်ကိုသာ အာရုံစိုက်တတ်တဲ့ ဂျွန်း နဲ့ ချစ်ရသူအနားမှာ အမြဲနေချင်တဲ့ ဂျင် နှစ်ယောက်သားကြား အချစ်နှောင်ကြိုးလေးက တည်မြဲနိုင်ပါ့မလား... အလုပ္ကိုသာ အာ႐ုံစိုက္တတ္တဲ့ ဂြၽန္း နဲ႕ ခ်စ္ရသူအနားမွာ အၿမဲရွိေနခ်င္တဲ့ ဂ်င္ ႏွစ္ေယာက္သားၾကား အခ်စ္ႏွောင္ႀကိဳးေလးက...