𝑬𝒗𝒆𝒓 𝑨 𝑵𝒆𝒗𝒆𝒓 𝑨𝒇𝒕𝒆𝒓 // 𝑯𝒆𝒆𝒋𝒂𝒌𝒆

Part - 1

Unicode

နားထဲတွင်ကြားနေရတဲ့သီချင်းလေးကိုခပ်တိုးတိုးလိုက်လံကာငြီးငြူဆဲမှာ မျက်ဝန်းထောင့်တွေမှာရိပ်ခနဲကျန်ရစ်ခဲ့ကြသောပန်းဝါဝါတွေ ...
သာယာသောပတ်ဝန်းကျင်နဲ့လိုက်ဖက်လွန်းသောလမ်းမကြီးကပြန့်ပြူးစွာတည်ရှိနေသလို ထိုလမ်းမကြီးထက်မှ ကားအသွားအလာကလဲ များပြားလွန်းလှသည်...။

သက်ပြင်းချသံခပ်ပြင်းပြင်းချလိုက်မိတဲ့အခါ.နှစ်ယောက်ထိုင်ခုံရဲ့ဘေးမှအမျိုးသမီးကြီးတစ်ဦး၏ အကြည့်တွေကိုခံလိုက်ရသည် ငယ်ရွယ်တဲ့ယောကျာ်းပျိူတစ်ယောက်ရဲ့သက်ပြင်းသံဟာထိုမျှထူးဆန်းလွန်းလို့လား.....
စိတ်ရှုပ်စရာတွေဟာလူတိုင်းတွင်ကြုံတွေ့ရတတ်သောအရာတစ်ခုဖြစ်၍ ကိုယ်တိုင်သည်လဲ လူတွေထဲက လူတစ်ယောက်မို့စိတ်ရှုပ်မှုဒဏ်ကိုမခံနိုင်လွန်းတဲ့အဆုံးမှ လွတ်မြောက်ခြင်းကိုရွေးချယ်လာခဲ့တယ်..

ကားပေါ်မှတီးတိုးလူတစ်စုရဲ့စကားသံတွေနဲ့အတူ ကျောပိုးအိတ်ကတစ်ခုတည်းသော ခရီးဆောင်အိတ်ဖြစ်၍ ကောက်လွယ်ကာ ရပ်နားလိုက်တဲ့ကားပေါ်ကနေဆင်းရင်း ပတ်ဝန်းကျင်ကို လှည့်ပတ်ကာငေးကြည့်လိုက်သည် စိမ်းစိုလှတဲ့တောင်တန်းကြီးကိုတစ်ဆုံးငေးရင်း ပတ်ဝန်းကျင်ရဲ့ စိမ်းစိမ်းစိုစိုအပင်တန်းကြီးကိုပါ ငေးမောကာ အသက်ကိုပြင်းပြင်းရှိုက်ရူလိုက်တော့ လတ်ဆတ်တဲ့လေတွေက နှာခေါင်းထဲတိုးဝင်လာသည်...

အတန်ကြာအောင် ညစ်ညူးနေတဲ့စိတ်တွေဟာတိတ်ခတ်လာသောလေပြေကြားမှာ မျောလွင့်ကာပါသွားသလိုခံစားရမိတဲ့နောက်မှာ ကျဉ်းကျပ်သောစိတ်တွေကို လွတ်ချပစ်လိုက်သည်....
အမှားလားအမှန်လားလို့ လွန်ဆွဲနေခဲ့သော လွန်ခဲ့တဲ့ခြောက်နာရီကျော်လောက်က ဆုံးဖြတ်ချက်က ခုချိန်မှာမှန်ကန်ကြောင်း ထင်ရှားလာသည်....

ကျောပိုးအိတ်ကို ကြိုးတစ်ဖက်ဖြုတ်ကာလွယ်ရင်း flannelအကွက်လေးကို ဂျင်းpantနဲ့သာတွဲကာ ဝတ်ဆင်ထားတဲ့ကိုယ်ဟာ လက်ရှိအချိန်မှာ Ethan Leeအဖြစ်မဟုတ်ပဲ Lee Heeseungအဖြစ်သာရှင်သန်ဖို့ရွေးချယ်မိတယ် ခတ္တဆိုတဲ့အခိုက်အတန့်လေးကိုမေ့ရင်းပေါ့..

ရှင်းလင်းလွန်းသောပတ်ဝန်းကျင်တွင် ငှါးစရာဘာဆိုဘာမှမရှိ၍ လမ်းလျှောက်ဖို့ဆုံးဖြတ်လိုက်ချိန်မှာ လွန်ခဲ့တဲ့နှစ်မိနစ်လောက်က သာယာလွန်းတယ်လို့ ဟီဆွန်းတွေးမိခဲ့တဲ့ရာသီဥတု ရုတ်ချည်းမှောင်ကျကာ အကြောင်းကြားခြင်းမရှိသောမိုးရေစက်တွေက အရှိန်ပြင်းစွာရွာကျလာခဲ့သည်...