رواية عندما يجتمع الغرور والجمال والذكاء كاملة

البارت الاول

ياسمين فالفون: الو
علياء: ازيك ي قمر عاملة ايه
ياسمين: كويسة وانتي
علياء: الحمدلله .. ايه هتييجي الحفلة
ياسمين: هاجي بس اخلص الشغل
علياء: خلاص ماشي هستناكي
ياسمين: ان شاء الله

-ياسمين: 25 سنة فتاة قوية الشخصية ومغرورة احيانا ولكنها يوجد حزن ف قلبها لا يُعالج .. ورثت عن ابيها سلسلة شركات ازياء علي مستوي الوطن العربي وذلك بسبب جهدها ف العمل .. يتيمة الاب والام وليس لديها اخوات ولديها صديقة واحدة وهي علياء ومطلقة
-علياء: 25 سنة تمتاز بالحنية والطيبة وخفة الروح وتُحب ياسمين كثيرا وتكون معها ف معظم الاوقات ويعرفون اسرار بعضهما ولديها اخت كبيرة متزوجة وتعيش هي وزوجها وابنها ف دولة اوروبية وام واب وتجهز حفلة كل سنة لتجمع الاصدقاء

ياسمين للسكرتيرة: همسة انا همشي عايزة حاجة
همسة: متشكرة ي افندم
ياسمين: الشكر لله .. قولتلك كذا مرة مش كذا مرة دي مليون مرة بلاش رسميات يبنتي انا المديرة وبقولك كدا انتي مش معتبراني اختك
همسة: لا طبعا اختي والله
ياسمين بإبتسامة: يبقي خلاص وهعتبر كلامي دا هيتقال للمرة الاخيرة وهيتسمع
همسة بإبتسامة: حاضر
موظف: يا افندم يا افندم
ياسمين لفت: نعم
الموظف: لو سمحتي عايز اجازة عشان امي تعبت واتحجزت ف المستشفي
ياسمين: همسة هتوصليه لحد المستشفي وتدفعي التكاليف
الموظف: انا متشكر جدا لحضرتك مش عارف اقول ايه
ياسمين: متقولش حاجة ربنا يقومهالك بالسلامة
الموظف: يارب يارب

-مشيت ياسمين بثقة وروحت الفيلا بتاعتها واخدت شاور ولبست فستان وراحت ع فيلا علياء

-دخلت ياسمين وكله فضل باصصلها وطبعا هي عارفة الموجودين كلهم لانهم اصدقائها لكن كانت مستغربة من نظراتهم ليها .. راحت عندها علياء

ياسمين: هو ف ايه مالهم بيبصولي كدا ليه
علياء بتوتر: اصل اصل
ياسمين بصرامة: ف ايه ماتتكلمي
واحدة جت: ازيك ي ياسمين

-بصت ياسمين لمكان الصوت لقيت صاحبتها مني و طليقها ماسكين ايد بعض

ياسمين بجمود: كويسة
مني: وبتردي عليا كدا ليه
ياسمين بقوة: تحبي ارقص وانا برد عليكي
مني: مش تباركيلي اتخطبت انا وحبيبي محمد ااه قصدي طليقك
ياسمين رفعت حاجبها: اشبعي بيه ي حلوة

-مشيت ياسمين من قدامهم وراحت وراها علياء وقعدوا ع طربيزة

علياء: والله ي ياسمين مكنتش اعرف انهم اتخطبوا انا عزمتها عادي لقيتها جاية معاه وبتقول انهم قروا فاتحة
ياسمين بجمود: انتي عارفة ان ميهمنيش ي علياء
علياء بحزن: لا يهمك ي ياسمين انتي لسه بتحبيه
ياسمين: مبقاش يفرق دلوقتي
علياء: تحبي اقولها تمشي
ياسمين بجمود: علياااء انا قولت ايه قولتلك ميهمنيش اقفلي بقا الموضوع
علياء بحزن ع حالة صاحبتها: حاضر
ياسمين: انا هروح الحمام وجيبيلي عصير
علياء: ماشي ي قمر

-راحت ياسمين الحمام وفضلت تعيط ايوة هي بتحبه لسه لكن مش بإيديها حاجة وبعدين ظبطت الميكب وراحت قعدت ع الطربيزة كان المرتبطين بيرقصوا سلو ع اغنية رومانسية

علياء: ع فكرة منزلش عينه من عليكي
ياسمين: وانتي مركزة معاهم ليه
علياء: احم عادي
ياسمين: طيب

-كانت ياسمين بتبص ع اللي بيرقصوا وعينيها جت عليه كان باصصلها ومحستش بأي حاجة حواليها

"فلااااااش "

ياسمين بضحك: ي مجنون بطل
محمد بضحك بيزغزغها: لا ابدا مش هبطل
ياسمين بإبتسامة: بحبك ي جوزي
محمد بإبتسامة: بحبك ي مراتي وعايز اخلف منك بقا
ياسمين: ان شاء الله ي حبيبي

"باااااك "

-رجعت ياسمين للحاضر ع صوت علياء وهي ماسكة ايديها وايديها مليانة دم ولقيت الكوباية اللي كانت مسكاها اتكسرت ف ايديها والكل باصص عليها

علياء: ياربي ايدك اتعورت جامد
ياسمين شدت ايديها: مش مهم متقلقيش .. انا هروح دلوقتي عشان تعبانة
علياء: طب استني اروح معاكي للدكتور
ياسمين: لا خليكي ف حفلتك
مني: اتعورتي من ايه اكيد من الغيظ صح عشان اخدت حبيبك منك
علياء بعصبية: انتي
ياسمين قاطعتها: حبيبتي مين اللي متغاظة انا .. دا يحصل ف احلامك وعقلك المتخلف بس
مني بغيظ: انتي ازاي تقوليلي كدا
ياسمين: بصي احسنلك تسكتي
مني بسخرية: لا والله هتعملي ايه يعني

-ياسمين اخدت كوباية عصير ودلقتها ع راس مني تحت صدمة الجميع ماعدا علياء ومحمد لانهم متوقعين اي حاجة منها

ياسمين: احسنلك متتكلميش معايا تاني بالطريقة دي عشان هتشوفي اللي مش هيعجبك
مني بنرفزة: انت ساكتلها م تتكلم 
محمد: انتي اللي بدأتي

-مشيت ياسمين بثقة والكل باصص عليها ومعجبين بشخصيتها القوية اللي مش بتتغير ابدا وراحت للدكتور ونضفلها الجرح ولف ايديها بالشاش وروحت نامت من التعب ومأكلتش كالعادة

يتبع ...