رواية عندما يجتمع الغرور والجمال والذكاء كاملة

البارت السابع

-صحيت ياسمين من النوم ونزلت لقيت كريم صاحي

ياسمين: صباح الخير ي كريم
كريم: صباح النور ي سوسو .. يالا نفطر
ياسمين: يالا .. نت هتروح الشغل
كريم: ايوة عشان اظبط الشركة
ياسمين: تمام ربنا يقويك
كريم: يارب ويقويكي
ياسمين: يارب

-راحوا الشغل وكان وراها شغل كتير وخلصته وروحت مكنش كريم رجع ف اتصلت بيه

ياسمين: ايه مرجعتش ليه الساعة 5
كريم: لسه مخلصتش والله يعني قدامي ساعتين كدا
ياسمين: ان شاء الله .. مش عارفة ف ريحة دخان ليه
كريم: فين

-ياسمين راحت تفتح الاوضة بتاعتها لقيت نار ف كل حتة صرخت والفون وقع منها ولقيت نار اتحدفت ف بلكونة اوضتها مسكت ف الستاير والاوضة بقيت كلها نار مسكت الفون بسرعة

كريم بخوف: ف ايه ي ياسمين
ياسمين بعياط: الفيلا كلها فيها حريق ي كريم وحتي اوضتي
كريم بخوف شديد: انا جاي ف الطريق وهتصل بالمطافي
ياسمين بعياط: ماشي بسرعة

-الناس اللي فالشارع كلهم اتلموا وبيحاولوا يطفوا اي حاجة لحد ما المطافي تييجي والتليفزيون جم وصوروا بما انها صاحبة شركات معروفة وعرفت علياء من كريم هي وابوها وامها وجريوا ع هناك وفضلت تتصل ب ياسمين

علياء بعياط: الو ياسمين انتي كويسة
ياسمين بتحاول تتنفس: انا انا هموت ي علياء
علياء بعياط: بعد الشر عنك متقوليش كدا المطافي خلاص وصلت اهي
ياسمين: ............
علياء بعياط شديد: ياااسمييين يااااسمين ردي عليااا
كريم جه: مالها ياسمين
علياء بعياط: مش بترد عليا ي كريييم
رجل المطافي: لو سمحتم ابعدوا عشان نعرف ندخل ننقذ اللي جوا
كريم: اتفضلوا اتفضلوا
محمد جه بخوف: هي ياسمين جواا
كريم: ايوة جوا
علياء بعياط: ياربي انا خايفة عليها يارب تبقي كويسة
صابر: متقلقيش خير ان شاء الله

-محمد دخل بسرعة جوا من غير ما حد يشوفه وطلع اوضة ياسمين بعد عذاب لقاها واقعة ف الارض جري عليها ومكنتش بتتنفس فضل يفوق فيها مش بتفوق وشالها وطلع برا الفيلا

علياء جريت عليهم بعياط: ياسميين ياسمينن ردي عليا
كريم بقلق: دي قاطعة النفس خالص

-ركبوها عربية الاسعاف وركبت معاها علياء وفضلوا يحاولوا يرجعوا النبض معرفوش

-وصلوا المستشفي ودخلوا بيها اوضة الطوارئ

علياء بعياط: انا خايفة عليها اوي
خديجة امها: متقلقيش ي علياء هتقوم بالسلامة ان شاء الله
علياء بعياط: يارب يارب

-فضلوا كلهم يدعوا وصحابها كلهم جم وجت مني معاهم

مني: انت ايه اللي خلاك تروح تنقذها خايف عليها اوي كدا
محمد: دا مش وقته ياريت تسكتي
مني: لا مش هسكت انت لسه بتحبها
علياء: والله انا شايفة ان دا مش وقت لكلامك لو مش عايزة تييجي جيتي ليه
مني: انا موجهتلكيش كلام
كريم: مني ممكن تتفضلي طالما جاية تكلمي خطيبك مش عايزة تزوري ياسمين .. بص لمحمد: وانت اتفضل معاها

-مشيوا الاتنين ومحمد مكنش طايق مني

مني بنرفزة: حضرتك روحت نقذتها ليه ما تغور ف داهية تموت
محمد بعصبية: احترمي نفسك ومتدعيش عليها
مني بنرفزة: انا قولت انك لسه بتحبها
محمد بعصبية: ايوة بحبها .. شال الدبلة من ايده وعطاهلها وشال الدبلة من ايديها: مع السلامة
مني بنرفزة: بقا كدا مااشي ي محمد

-مشيت مني وفضل محمد واقف قدام المستشفي عايز يطمن عليها

كريم: محمد
محمد بصله: ايوة
كريم: يعني انت لسه بتحبها
محمد: انا عمري ما حبيت حد غيرها
كريم: انتوا سيبتوا بعض ليه

يتبع .....