رواية عندما يجتمع الغرور والجمال والذكاء كاملة

البارت الثامن

محمد: انا عمري ما حبيت حد غيرها
كريم: انتوا سيبتوا بعض ليه
محمد: عشان
كريم قاطعه: ايه دا البوليس جه
محمد: طب كويس عشان نعرف مين عمل كدا

-دخل الظابط ومعاه عسكري ودخلوا وراه محمد وكريم

الظابط: المريضة مطلعتش
صابر: لسه الدكتور عندها جوا
الظابط: تمام

-فضلوا مستنيين يطلع الدكتور لحد ما طلع

علياء: هااا ي دكتور
الدكتور: متقلقوش الحمدلله حالتها بقيت احسن بس لازم متتعرضش لاماكن مغلقة ف الفترة دي واحنا هننقلها اوضة عادية دلوقتي وتسيبوا الشباك مفتوح
الظابط: هتفوق امتي عشان لازم نستجوبها
الدكتور: للاسف مش هينفع النهاردة خالص لان الاحسن ليها انها متتكلمش وتفضل تشم هوا
الظابط: انا هدخل اقولها كلمتين وهمشي
الدكتور: طيب بس متطولش معاها لو سمحت عشان حالتها متتدهورش
الظابط: تمام

-نقلوا ياسمين ف اوضة عادية والظابط دخل عندها وعدت نص ساعة

علياء: الظابط اتأخر اوي كل دا والدكتور قاله ميتأخرش
كريم: انا قلبي مش متطمن
محمد: ولا انا

-فتحوا الباب ملقوش اي حد في الاوضة

محمد: نهار اسود راحوا فين
كريم عند الشباك: ف حبل اهو باين عليهم هربوا منه
علياء بعياط: يعني دول مش ظباط وياسمين اتخطفت
محمد مسك ورقة: ايه دا
كريم: اقرا فيها ايه
محمد: شروط ان ياسمين تبقي ف امان تعمل اللي هقولك عليه
-اولا: متقولش للبوليس ولو عرفنا انك اتواصلت معاهم مش هتشوفها غير وهي ميتة
-ثانيا: هتمضي ع تنازل لنص املاكك ليا
-ثالثا: هتتجوز مني وتمضي ع نص الاملاك التانيين ليها ويبقي ف ايديها هي الطلاق
كريم: ايه دا ومين دا كمان اللي بيتشرط
علياء بتفكير: انا عايزة اشوف الكاميرات بتاعت المستشفي انا شكيت ف الظابط دا
كريم: تعالي نشوفها

-راحوا وفتحوا الكاميرات وجابوا وش الظابط

علياء بصدمة كبيرة: ايوة هو فعلا انا ازاي مأخدتش بالي
محمد: ايه تعرفيه
علياء: دا عزت كان شغال نادل مع عبدالرحمن ف الكافيتريا انا مش مصدقة انه يعمل كدا احنا دايما كنا بنروح هناك قبل جوازكم وبعد جوازكم بس اللي نا كنت بستغربله ان قبل جوازكم كان عبدالرحمن دايما بيقدملنا الطلبات بعد جوازكم كان هو اللي بييجي يقدم وف مرة كنت انا وياسمين طالبين عصير مانجو زي بعض غير كل مرة لقيته كان عمال يقولها يالا اشربي هي دي كوبايتك وجيت اهزر وقولتله اشمعنا دي يعني اللي نت مصمم عليها طب انا هشربها قالي لا لا خليها هي تشربه عشان هو محلي عن بتاعك وهي بتحب المحلي اكتر احنا عدينا الموضوع عادي لاننا كنا بنحسبه صديقنا معرفش ان هو كدا لا وكمان قبل كدا مروحناش ف يوم فضل يتصل بيا عشان نروح هو ليه كان بيعمل كل دا انا كنت مطنشة تصرفاته لكن هو دلوقتي خطف ياسمين وعايز املاكك معني كدا ان دا كان من خطه
محمد بحزن: انا كدا فهمت كل حاجة
كريم: فهمت ايه
محمد بحزن شديد: انتوا طبعا متعرفوش احنا اتطلقنا ليه
كلهم "بما فيهم اصحاب ياسمين": لا
محمد: احنا اطلقنا عشان

يتبع ....