رواية عندما يجتمع الغرور والجمال والذكاء كاملة

البارت السادس

-بعد ما خلصوا كلامهم طلعوا ناموا وتاني يوم صحيت علياء وراحت اوضة ياسمين ملقيتهاش فضلت تدور عليها ف كل حتة ملقيتهاش ف راحت اوضة كريم

علياء بتصحيه: كرييم كريم فوق
كريم: ايه ف ايه
علياء: دخلت اوضة ياسمين ملقيتهاش ودورت عليها ف كل حتة مش لقياها
كريم: طب اتصلي بيها كدا
علياء: حاضر

ياسمين: ايوة ي علياء
علياء: انتي فين يبنتي
ياسمين: كنت ف مشوار متقلقيش
علياء: مشوار ايه
ياسمين: مش لازم تعرفي
علياء بحزن: ماشي سلام
ياسمين: سلام

كريم: مالك زعلتي ليه
علياء: لا ولا حاجة انا همشي ولما ترجع ابقي اسألها انت
كريم: قوليلي بس حصل ايه
علياء: لما ترجع اسالها ومتخليهاش تكلمني تاني بما اني بقيت تقيلة عليها
كريم: لا اله الا الله طب ف ايه
علياء: سلام ي كريم

-مشيت علياء وكريم مش فاهم حاجة لقي فونه بيرن بأسم ياسمين

كريم: ف ايه ي ياسمين علياء
ياسمين قاطعته: علياء زعلت صح
كريم: ايوة كان باين انها زعلانة بس ليه ف ايه
ياسمين: و دا المطلوب .. عايزاك تقابلني ف الهايبر
كريم: حاضر

-راح كريم وقابلها ولقي معاها شاب كان بيشبه عليه لحد ما عرفه

كريم بفرحة: عبدالرحمن
عبدالرحمن حضنه: ازيك ي كريم وحشني والله
كريم: وانت والله وحشني ي باشا
ياسمين: خلاص كدا عشان نشوف اللي ورانا
كريم: يعني ايه مش فاهم
ياسمين: هقولك دلوقتي علياء هتنام عشان زعلانة وهي نومها تقيل ومش هتحس بأي حاجة بتحصل تحت واللي بيحصل تحت هو .............

-كانت علياء قاعدة ف اوضتها حزينة وبعدين نامت

-صحيت علياء ع صوت ياسمين

ياسمين بضيق: دا ربنا يكون ف عونه والله بصحي واحدة ميتة
علياء: عايزة ايه ي ياسمين
ياسمين: عايزاكي تلبسي الفستان دا بسرعة عشان امكيجك
علياء بإستغراب: ليه وكمان انتي لابسة فستان ومتشيكة ليه رايحين فرح
ياسمين: بطلي رغي والبسي
علياء بإستسلام: حاضر

-لبست علياء ومكيجتها ياسمين وكانت طالعة جميلة اوي واخدتها ياسمين ونزلوا علياء مستغربة من الورد اللي ع السلالم وطلعوا الجنينة لقيت الدنيا ضلمة وبعدين ف نور اتصوب ناحيتها وياسمين قالتلها تمشي فضلت ماشية لحد ما نور تاني اتصوب ع

علياء: عبدالرحمن
عبدالرحمن نزل ع ركبته: تتجوزيني
علياء بدموع: اكيد

-انتشرت الزغاريط وباركوا للعرسان ورقصوا سلو وتمت الخطوبة وبعد ما المعازيم مشيوا

علياء: انا متأكدة ان دا خطة من ياسمين
ياسمين بغرور: اكيد
علياء: ابتدينا بقا
ياسمين بضحك: خلاص ي ستي هحكيلك

"فلاااااش "

-قامت ياسمين الصبح ومكنتش نامت اصلا وصممت انها تعمل اللي كانت بتخطط ليه طول الليل ولبست ومشيت راحت عند عبدالرحمن

عبدالرحمن: ازيك ي ياسمين
ياسمين: الحمدلله ي عبدالرحمن .. المهم عايزاك تسمعني
عبدالرحمن: ايه خير
ياسمين: انت هتروح تتقدم لابو علياء دلوقتي
عبدالرحمن: نعم
ياسمين: انت لسه هتلك يالا بينا قوم دلوقتي معايا نروحله
عبدالرحمن: انتي بتقولي ايه
ياسمين: خلاص خليك هجيبلها عريس تاني
عبدالرحمن: لا لا طبعا انا جاي

-راحوا فيلا علياء وطبعا هي كانت نايمة ف فيلا ياسمين

صابر ابو علياء: بس ي ياسمين
ياسمين: بس ايه ي بابا عشان شغله يعني ع فكرة هو بقا مدير اعمالي
عبدالرحمن بصدمة: نعم
ياسمين: اخرس انت
صابر بإبتسامة: خلاص طالما كمان علياء بتحبه يبقا الف مبروك
ياسمين: نقرا الفاتحة
صابر: نقرا الفاتحة

-بعد ما قروا الفاتحة اتفقت ياسمين مع صابر ان اول ما تييجي علياء يبداوا بالتحضيرات للخطوبة ومشيت هي وعبدالرحمن وكلمتها علياء وزعلت منها وراحت الفيلا وطلعت نامت واتصلت ياسمين بكريم يقابلها

كريم بفرحة: عبدالرحمن
عبدالرحمن حضنه: ازيك ي كريم وحشني والله
كريم: وانت والله وحشني ي باشا
ياسمين: خلاص كدا عشان نشوف اللي ورانا
كريم: يعني ايه مش فاهم
ياسمين: هقولك دلوقتي علياء هتنام عشان زعلانة وهي نومها تقيل ومش هتحس بأي حاجة بتحصل تحت واللي بيحصل تحت هو انهم بيجهزوا لخطوبتها هي وعبدالرحمن
كريم: ايه دا بجد
ياسمين: ايوة .. المهم دلوقتي يالا انتوا الاتنين روحوا اشتروا بدل ليكم وانا هشتري فستان ليا وفستان لعلياء ونجهز ونروحلها
كريم وعبدالرحمن: تمام

"بااااااك"

علياء حضنتها بدموع: يعني انتي كنتي ف حالة صعبة ورغم كدا كنتي بتفكري فيا
ياسمين: هو انا عندي اغلي منك انتي وعبدالرحمن وكريم ولما اشوف فرحتكم بفرح انا كمان
علياء: ربنا يخليكي ليا ي حبيبتي
ياسمين: ويخليكي ليا ي قمر .. عبدالرحمن هتستلم شغلك من بكرة وطبعا قسم كليتك كان ف التخصص دا وانت فاهم الحاجات دي
عبدالرحمن: اه اكيد رغم اني متخرج من زمان
ياسمين: عادي متقلقش لو عايز تروح كورسات وف ناس عندي هتساعدك
عبدالرحمن: ان شاء الله انا مش عارف اشكرك ازاي ي ياسمين
ياسمين: انت اخويا ي عبدالرحمن وكمان الشغل مش هيبدأ من بكرة لانك هتخرجوا بكرة ف هيبدأ من بعده
عبدالرحمن: ان شاء الله
ياسمين: يالا بينا نروح ي كريم عشان منمتش امبارح
كريم: يالا تصبحوا ع خير
عبدالرحمن وعلياء: وانتوا من اهل الخير

-فضلوا علياء وعبدالرحمن يدعوا لياسمين وروحت ياسمين هي وكريم وناموا ع طول

يتبع....