الغنيه والفقير خيال عراقي عاطفي

البارت السادس

...... ماهر .....
بعد هاي الاحداث صارت حالتي الحمد لله . والشركه رجعت مثل قبل واحسن بفضل الله ثم فضلي قررت اشتري بيت جديد لان بيتنه قديم كلت لامي ووافقت وفرحت لان حالتنه جاي تتحسن اشتريت سيارة ماجنت احلم بيهه . بعد ماسكنه ابيتنه الجديد اجت الناس اسلم علينه وتباركنه على البيت ... بيوم من الايام رجعت من الشركه جنت تعبان شويه رحت سبحت ولبست ملابسي العاديه تمددت ردت انام سمعت الجرس يندك رحت فتحت الباب 😨 هاي منو فرح شعندج هنا
فرح : السلام عليكم
ماهر : وعليكم السلام اشعندج هنا
فرح : حبيت اباركلك على بيتك الجديد
ماهر : اشكرج فرح ماقصرتي
فرح : راح انضل واكفين بالباب هواي ماتكلي تفضلي
ماهر : اسف نسيت تفضلي
دخلنه بالاستقبال اجت امي سلمت على فرح واشوف نضرة الاستغراب من امي كالت ماعرفتنه على الحلوة كتله يوم هاي فرح بت المدير الي اشتغل بشركته .. رحبت بيهه امي وفرحت وضلت اسولف وياهه اشويه وبعدين راحت امي وبقينه وحدنه
فرح : طبعا انه اسفه اجيت من غير موعد
ماهر : ههههههه ياموعد فرح لو شما اوصل اضل نفسي ماهر مااتغير ولااخلي الفلوس تغيرني
فرح : طبعا حيل فرحتلك والله
ماهر : اعرفج طيبه وبت اصول اكيد تفرحيلي
فرح : بعدك زعلان مني
ماهر : ليش ازعل منج
فرح : من الي صار قبل
ماهر : لا وعلى كولتج صار قبل يعني نسيت كلشي
فرح : ماهر ممكن تطيني مجال اشرحلك
ماهر : ماكو داعي للشرح ماضي وراح
فرح : اي ميخالف اريد احجي وارتاح انته بس اسمعني
ماهر : اوك سولفي
فرح : شوف ماهر اول مادخلت لبيتنه انه انعجبت بيك وكل ماسولف وياي جنت افرح حيل وليلي مانامه من كد مافرحانه .. جنت اتمنه تصير بينه علاقه بس جنت خايفه على دراستي وبنفس الوقت من صارحتني لجأت للشخص الخطأ مانصحتني صح .. من رفضتك طلعت الاسباب ماديه واخاف والدي مايوافق بعلاقتنه ونضيع كل الوقت بعلاقه ماتنجح .. لحد ما ضليت بس افكر بيك وضميري يأنبني على الشي السويته بيك وبيه فرسبت بسبب تفكيري بيك .
ماهر : منو الشخص الخطأ الي نصحج
فرح : حوري
ماهر : انتي جرحتيني بحيث حقدت عليج
فرح : انه الي علية سويته وصارحتك بالحقيقه وارتاحيت اذ تريد تعرف انه بعدني احبك او لا جوابي تعرفه انته
ماهر : هسه طلع كل هذا الحجي من صارت حالتي الماديه زينه .. ليش تفكيرج مادي
فرح : ماهر انته تعرف مشاعري اتجاهك من اول يوم اجيت تشتغل بي عدنه شنو بعد تفكيري مادي .. على فكرة انه تأخرت راح ارجع للبيت
ماهر : لحضه خل ابدل واوصلج
فرح : اشكرك انه اروح وحدي مايحتاج توصلني
ماهر : ليش ضجتي
فرح : انته جاي تجرحني بكلامك وياي
ماهر : جربتي هذا الشعور ... من رفضتيني جان شعوري اقوى .
فرح : انه رايحه ماهر واسفه على كلشي باي ...
شفتهه طلعت صدك هاي خبله شيوصلهه للبيت انه ماأأمن عليه اله اوصلهه بيدي .. ركضت حركت السيارة صحت عليهه طبعا تعرفون عناد فرح بس بالاخير ركبت وياي وصلتهه للبيت ورجعت لأهلي جنت تعبان وبعد هذا النقاش اليتعب اكثر قررت انام دخلت غرفتي دخلت امي وراي
خديجه : هايمه شلونك وين راحت فرح
ماهر : وصلتهه للبيت اجت تباركنه على بيتنه الجديد
خديجه : يمه ازينهه هاي البنيه جمال وادب واخلاق واهلهه خوش ناس ماتخليني اخطبهه الك
ماهر : يمه مو وكتهه هسه من اقرر اكلج
خديجه : شتقرر يايمه قابل رايدة ادخلك منتخب مال طوبه هيه خطوبه يايمه
ماهر : يمه بعدين تدللين والله بس هسه تعبان شويه
خديجه : انه اعرف بيه تحبك لو ماتحبك ماجتك للبيت ليش كسرت خاطرهه
ماهر : يمه هيه الرفضتني بالاول ومن صارت حالتي زينه وافقت بيهه
خديجه : حقهه يمه انته جنت فقير وكوه معيشنه على شنو توافق بيك شلون تعيشهه وانته يوم اكو شغلل ويوم لا .......
صفنت بكلام امي شويه وفكرت صدك حقهه بس هسه ماكو شي يمنعني منهه اروح واصارحهه مرة ثانيه وانسى الماضي ☺
...... فرح ......
قبل فترة سمعت بماهر اشترة بيت وسيارة صدك فرحتله واسمع بابا دوم يمدح بي قررت اروحله للبيت وره فترة رحتله جنت لابسه