- حبوبتك صعبة والله،،الله يكون في عونك،،،اها البتاعة ديك ليها علاقة بالمرض دا ولا لع ؟؟؟؟
-والله يا حبيبنا ما متأكد لكن بنشوف مهلة الدكتور القالا دي ،،يمكن فعلا زي ما قال تطلع حاجة حاجة عرضية ساكت وارجع مهاب الزمان.....
-ان شاء الله بس املأ قلبك باليقين انو ربنا بشفيك وتاني كل حاجة......
-اها انا استأذن لاحق لي شغلة كدة بعد دا.....
-اتفضل ياخي ما نجيك في كعب،،،ولما بقي مارق غمت لي ربطة في ايدي وقال لي دي من الشلة والدفعة،،والله الموقف دا هزاني جد،،بالرغم من اني ما محتاج للقروش لكن دي وحدة من العادات السودانية البعتبرا من الحاجات التكافلية بين الناس،،وما اظن تكون موجودة في اي مكان في العالم بنفس الفهم دا،،يعني نحن مجتمع بتكافل في أي حاجة،،،شكرتو وقلت ليهو وصل شكري للشلة والدفعة وربنا ما يحرمني منكم......
.......الحاجة الأجمل في فترة المرض دي زيارة ملاذ وابوها لي في البيت وقعدو اتونسو معانا وكانو دايرين يرجعو في نفس اليوم الا الحاج اصر عليهم انهم يبيتو انا في اللحظة ديك قربت أجري واحضن ابوي لكن طبعا مافي طريقة اجري،،بعد المغرب ملاذ جات شايلة لي الشاي في الغرفة وحسيت انها عايزة تقول حاجة وغالباها،،حاولت أفتح معاهت موضوع قلت ليها اها عملتي شنو في الجامعة؟؟
-شالوني مختبرات شندي....
-ما شاء الله ألف مبروك والله،،،كنا دايرنك تجي الخرطوم....
-الله ما اراد بس،،يا مهاب عاوزة اسالك من حاجة....
-اتفضلي اسألي طوالي يا ملاذ....
-لما ضربت لي حسيت انو في حاجة داسيها مني،،لو صاح وريني الحكاية شنو لانو ما قادرة أشوفك وانت كدة والله العظيم.....
-احم احم دا حب ولا اعجاب!!!
-انت كمان ما تكون صريح خليها للزمن اسي وريني الحكاية شنو عشان يمكن اقدر اساعدك.....
-والله يا ملاذ ما عارف أقول ليك شنو لانو الحكاية دي مشربكة شربيك جد ولسع ما عارف اجمع خيوط الحكاية مع قصة المرض دي......
-يعني في حكاية داسيها مني؟؟خلاص لو ما عاوز تحكي راحتك.....
......راحتك دي هي القشة البتقصم ضهر أي شاب،،يعني لو بت انت بتموت فيها وقال ليك راحتك بس،،امورك كلها بتجوط وانا اموري جاااااطت تب،،،ماكدة يا ملاذ بس عاوز أجمع الخيوط مع بعض وبعدين الزمن ضيق يعني لو عاوز احكي ليك للصباح ما حننتهي من القصة دي.....
-طيب والحل شنو؟؟؟
-الحل خليها يوم برواقة كدي احكيها ليك بالتلفون تكوني رايقة وانا أكون رايق.....
-يعني اسي ما رايق!!!
-اروق كيف مع عيونك البتكهرب دي......
-برضووو في الظروف دي بتشاغل وبتتظارف!!!!!
