كانت كاسي مصره انها تبي سياره وكانت جليسه أطفال في اجازه الصيف كانت تبي توري أمها انها مسؤلة عن نفسها وكذا ، خاله كاسي كانت تعيش جنبهم كان عندها أولاد خاله وكانت جليسه أطفال ولاد خالاتها الصغار وكانت تجمع الفلوس عشان تشتري سياره
خاله كاسي أليسون وكل العائلة بتسافر قريب وكانت أليسون تسال كاسي اذا كان يمديها تجلس في البيت وتهتم في الحيوانات كاسي وافقت على عرض خالتها , جا يوم سفر خاله كاسي أليسون و ام كاسي ودت كاسي لبيت خالتها وكان البيت كبير و مافيه جيران كثير , وكاسي استأذنت من خالتها اذا عادي يجي مات حبيبها خاله كاسي تعرف انه كاسي طالبه مؤدبة ومحترمه و مستحيل تخرب بيت خالتها فا وافقت خاله كاسي ،
كان البيت كبير ويخوف انك تجلس لحالك فيه وكان في البيت ثلاث قطواة و كلبين وكانت جالسه في البيت عشان تهتم فيهم في غياب خالتها وعيالها ،
فا مات جا يوم الجمعة ودعا أصدقائه براين و توري كان يبون كلهم يتفرجون على أفلام وكذا ، وبراين وتوري كانوا يروحون لنفس مدرسه كاسي و مات ، كاسي ماكنت مرا فرحانه انه براين و توري جو لانه سالت خالتها ان اذا عادي يجي مات بس مو اي شخص ثاني فكانت زعلانه شوي على مات لانه دعى هذولي الأشخاص لانه هي بس سالته انت تعال بس فمات قالها انه عادي بس بنتفرج على فلم ماراح نسوي شي ، بدوا يتفرجون على الفلم وتروي و براين قالو مانبي نتابع فلم طفش وقالوا انهم يفضلون انهم يشوفون فلم في السينما جديد فا راحو وكانت كاسي متحمسه لانه تفضل انها تقعد مع حبيبها لحالها
