رواية
#من الطفولة الي الزواج
الحلقة/6
انا قعدت ندعي انو يلي في عقلي ميصيرش منا لان بجد زدت كبدت عليه في ه التلات سنين كنت خايفة حب عمري يلي نحب فيه من 18 سنة يمشي ويسيني بجد كنت عايشة في خوف وبعد تفكير طووويل رقدت
تاني يوم الصبح$
شمس : هي نوضي بنمشو لسوق بناخدو دبش ع عرس مروة هياا
انا : قولي والله
شمس : والله هي نوضي بسرعة
انا : من بيشيلنا
سحر : بيشيلنا قيس
انا بحتت في شمس : اووو علاش لعيون ولو قلوب وين قلتي اسما
قيس من لوطة : عندكن نص ساعة متكوننش فيها لوطة نمشي ونخليكم
نضنا فطرنا ع السريع وغيرنا دبشنا وطلعنا
قيس بحت في سحر : بتمشي هكي
سحر : لالا بنمشي هكي
قيس : بلا برادة وخشي غيري
سحر : والله ماني مغيرة وبعدين من انت باش تتحكم فيا وفي لبسي مدخلكش
قيس تعصب منها : انا يلي دخلني قتلك خشي غيري والبسي لبسة تانية احسن ماننفصل عليك
خشت سحر غيرت ومشينا وقعدنا من محل لمحل لعند ادهشنا
انا : قيسو غدينا بالله جعناا را
قيس : انتن تدفعن را
شمس : بنص نحن وياك
قيس : وانتي سحر
سحر : منبيش بكل واصلا معنديش فلوس
قيس : انا ندفع عليك متخافيش ♥
تغدينا ياحنه ودرنا دورة شوي وروحنا
انا : شمس ترا قيسي قفطانك
شمس : باهي هي
شمس خدت قفطان اسود لاصق ع الجسم وسيور ورقبتا سبعة
وانا خديت قفطان دمي وقصير لعند الركبة ومبووج وفيه شدة من الخصر وعريان من لوراء
وسحر خدت قفطان قصير واحمر ووعريان من فوق المهم فاتن ليامم وجي يوم الحنة ( مش ح نقول شن لابس لان حيصير ملل ومش ح نحكي بتفاصيل ) لبست البودري وجو اهل العريس حنوها وروحو
انا : فزنا فوز البرازيل .... خدينا منكم ه الطويل
شمس : يامبروك عليه خداها.....انشاء الله بطول العمر معاها
عمتي : هدا حد القدر معاكم ....موال الحوش عطيناكم وتمت الحنة ع خير وحاء يوم الزفة مشت مروة للمزين ونحن قعدنا انرتبو في الحاجات ومعا العصر غيرنا دبشنا وطلعنا وجت مروة وكاينة طالعة خيال
عمتي حواء :مشاء الله عروسة سمحة ... والعرسان عليها لمحة
عمتي سليمة : عدي مربوحة ياحنه ... في مكانك بنجيبو كنة
وطلعت مروة زفها خوها وع عياط وبكي ودموع وبعدها خشنا نحوسو ونعولو معاهم وتمينا كل شي وجت الساعة يلي خرب فيها كل شي الساعة يلي دمرت حياتي الساعة يلي روحي طلعت معاه الساعة يلي خسرت فيها حب طفولتي ومراهقتي حبي يلي عمره 18 سنة
الساعة 3:45 بتاريخ 10/4يوم الخميس
كنت مقعمز..رواية
#من الطفولة الي الزواج
تابع الحلقة /6
كنت مقعمزة معا البنات ونهدرزو
فاطمة بنت عم مروة : مها شبحتي المراة يلي مقعمزة في التركينة ولابسة بدلة رسمية مراة كبيرة هيا
انا : لا والله معرفتها شن لونها ترا
فاطمة : تي يلي لابسة موف ودبة شوي
انا : اهااا اي عرفتها خيرها
فاطمة : امبدري سمعتها تحكي معا امك تبي تخطبك الولدها حاازم
انا : تي تحل عني هيا اولدها ترا يلي عندي سادني
زهرة اختها : قصدك عندك كبيدة
شمس : مرت خويا هاادي
فاطمة بصدمة : قصدك هي وخوك
انا : اي انا ومعتصم مرتبطين معا رنت معتصم
زهرة : شكلة لكبيدة طول وجهك ولا احمر وعيونك ضحكن
انا : ننننن دخخلكنش وعديت نجري ركبت فوق الحوش الوو حبيبي
معتصم : اهلين شن جوك
انا : تمام الحمد الله وانت
معتصم : تمام شن جو العرس
انا : خيال ومروة طلعت تهبل
معتصم : كويس وانتي شن لبستي وكيف طلعتي اكيدة حلوة
انا : تي طلعت صاروخ حتي في وحدة خطبتني من ماما اليوم
معتصم : وانتي شن قلتيلها
انا : اكيدة رفضت لان مستحيل نقبل بغيرك انا
معتصم : اها اسمعي مهاا بنقولك
انا : قول يا روح مها
معتصم : شوفي حياتك
انا : شايفتها حياتي وعايشة احلي عيشة
معتصم : اسمعي يابنت الناس انا منبيش نضلمك انا مزال مطول هنا والله اعلم شن مخبيلنا القدر شوفي حياتك معا غيري توكلي انا معاش تستنيني
انا ومش مصدقة : شن ادقول انت تبصر صاح
معتصم وبكل وقاحة : انا منبصرش شوفي حياتك لان انا مطول ونقولك بصراحة انا محبيتكش كان مجرد اعجاب وانتهي وفوتت معاك ه التلات اسنين باش متنكسريش وتوا جي الوقت انو انسيبو بعض شوفس حياتك معا حد تاني دوري حد يحبك لان انا مش نصيبك
انا نسمع ومصدومة وبعياط : انت شن ادقول توا ادقولي بعد حبيتك اكتر من الاول وصرت انت كل شي كان متخبنيش ليش من الاول قتلي نحبك ليش ليش مخليتنيش داسة مشاعري في داخلي ليش معتصم ليش
معتصم : انا قتلك انو كان مجرد اعجاب وانتهي وهي توا سلام وسامحيني يابنت خالي اسف
انا : حسبي الله ونعم الوكيل فيك الله يحرقلك قلبك كيف محرقتلي قلبي وسكرت منا وقاعدة مصدومة شويا ونزلت لوطة للبنات وفي شي يابنات في داخلي بينفجر ناااار ومش قادرة نطفيها شعوور اخييي بكل
فاطمة : شن قالك الحب اه
انا : وساكتة ونبحت يمين ويسار
شمس : اكيدة سمعها كم كلمة حلوة ولاه
انا : بحتت فيها ونزلت راسي ع الطاولة كنت نبي شي يبرد النار يلي في داخلي مليقتش شي ..
