رواية
#من الطفولة الي الزواج
الحلقة /20والاخيرة
انا : حبيبي خلاص بنسكر
حازم:باهي بااه بس وربي نوريك بعد بكرة تشوفي
انا:نننن هي سلام وسكرت
......
شمس:تي هيااا وانتي معاش كملتي انزلي للناس لطوة عيب
خولة بنت خالي:تو تمشيلا وتشبعي مناا هيا
انا:باهي وانتن معاش سكتن وكلمن خالتي ادجي تلبسلي الجلوة(البدلة الحمرة القديمة ويلبسو معاها في فجرة فضية)
منيرة: اهي جاتك بسرعة يلخالتي لبسيها ونزليها
لبستني خالتي البدلة ونزلت بدن فيها دربوكة
سحر:حصلها ياشيك دهيبة خير من الف جني في جيبة
خولة:يامبروك عليك ياحنا درتي حوش ادجينا مناا
مروة :حازم ياحياتها خميس وجمعة هاتهاا
نجوي بنت خالتي:ياحازم ياحبييهاا خودها مادجيبها
ميسم:شورة بوه عليع يربح في العين السودة يصبح
...
.... وتم اليوم اغاني ورقيص وجو يهبللل
الساعة3 في الليل
انا: يابنات حسني جعانة
سحر:حتي اناا
شمس:العفوو مفروض يجيك خناق العرايس توا
انل:ققق هي نوضو نديرو حاجة ناكلوها والله جعانة
هاجر بنت عمي: هي تعالن للمطبخ
شمس: مهاا بنسالك
انا:نعمم
شمس:عزو وين مختفي
انا:مش عارف بس امبدري معاهم برا عليش
شمس:لا بس معاش شفتا
انا:لا قاعد هي ننزلوو
نزلنا درنا خفيف وكلينا وبعدين كلمت حازم شوي و بعدها رقدنا
....
عمتي : وووه اليوم حنا هيااا صبي انتي وياها صبي
انا:خليني نرقد
عمتي:تي نوضووو
نضنا انا والبنات فطرنا وبعدين كلمني حازم
حازم:واخيرا معاش مزال شي وتكوني عندي
انا: اي هانت
حازم بصوت عالي: نحبككككككككككك
انا : وانا نحبك
خالتي: مهااا عالي نلبسك البودري هيا وقت
انا: هي حبيبي لازم نسكر
حازم: باه ياقلبي بس متعبيش ؤوحك واجد
انا : حاظر
وسكرت منا وعديت الخالتي لبستني للبودري وبعدين قعدت تشوبر فيا (التشوبير لخيوط يلي يلفو فيهن ع ليد ويحنو)
ماما: يابنات وتيتن العصير والشكلاطة
شمس:اي ياعمتي وتينا كل شي
ماما:باهي عطو الناس يلس برة
خولة:بعد يجو عرب العريس نعطوهم جميع
منيرة :هاتو نديرو شوط دربوكة
جابت سحر الدربوكة وبدن يغنن
سحر:وعروستنا ادقول حمامة لبست بو خطين توامة
شمس :لللولولولولي
نجوي: شوبرناها بجداد جعن جيبتها كان ولاد
نهي بنت عمي متزوحة: الله يجعنها كيفي نا ولادة وبنتا وهناا
شمس: ياحزومة مرتك دلعها حتي للهارج طلعه
مروة: طلعو الخارج ماهو لينا تتدهور بين سوانينا
ماما: نوضو لاقوهم وصلو
وصلو اهل حازم لبسوني وقعدو يدرجو فيا باش يحنوني
اختا: شورك ع الصلاية ديما حصلتي سمح التبسيمة
بنت خالتة: ويش قريتي ويش دعيتي في زول احزومه طقيتيي
وحنوني وفتحو لعلاقاا وروحو وقدمن البنات الضيافة وبعدين حطو العشي وتعشو رن نقالي
انا قعدت انادي ع وحدة منهن ادجي تفتحلي لان محتية منقدرش نفتح.
انا:خولة ياخولة سحرر شمس
خولة:خيرك شن تبي
انا: وراسك جيبيلي السماعات وتعالي
خولة :شن بديري بيهن
انا:غير جيبيهن وتعالي
خولة:باهي
وعدت جابتهن وجت
انا :وراس خويلة ركبيهلي في وداني وركبيهن في التليفون ورني ع حازم
خولة :عينك مفيش تكليم بكرة بتعديلا
انا:وراسك بالله باش في عرسك نديرهالك
خولة:وعدد
انا:وعد
حطتلي السماعات في وذاني ورنت ع خازم وعدت
انا::حبيبي
حازم:يااعيون حبيبك
انا:ندليت وانا نطلب من البنات يخلني نكلمك
حازم:بكرة بتكوني عندي واقدة ع صدري
انا:باه اسكت مش لازم تحكي
حازم:ههه عندك الحق معنديش ليش نحكي لان بكرة بتشوفيه كله
وقعدنا نهدرزو وجابولي عشي وكلوني وبعدين هدرزنا لقريب الفجر ورقدنااا
.....
معتصم: ياربي اليوم زفتهااا خلاص بتريح مني مش قادر نتحمل حبي عمري عدا الغيري اليوم بيزفها الغيرري ااااااه
صاحبة:انت يلي خليتها تمشي الغيرك لان محافضتش عليها كان حافضت عليها را توا بتنزف ليك مش لحد تانب وانت بدل ماتصلح لموور زدت خربتها وين حاولت تعتدي عليهااا
معتصم:مكانش عندي طريقة غير هدي لان نحبها ونبيهااا ومنبيعاش تمشي الغيري
صاحبة: وتوا شن رجعتلك ما عدت الغيرك انت غبي وكل يلي درتا غلط خاول تطلب منها السماح
معتصم:والله العظيم نحبها ياطارق درت كل شي ع سباها بس هيا متبيش ترجعلي وعدت الحازم وهوا يلي بيزفها وقعد يبكي
طارق: خلي في بالك ياصاحبي ان نصيب حد ماياخدة حد وبنات الناس واجدات
.....
نوضتنا ماما الصبح بكري طلعت بنمشي للكوفيرة
قصي كات يتكلم ورافع راسة فوق ميبيش دموعه ينزلو : هياا وقت
انا جيت حظنتتا: منبيش نمشي نبي نقعد معاكم
قصي نزلو دموعة وطول مسحن
قصي: تي نحن مصدقنا حصلنا من يرضي بيك هي
انا : نبي نشوف قيس وبابا وعزو
قصي : ستني تو نكلمهك
عدا قصي كلم بابا وقيس وعزو جي انا اول ماشبحتهم من بعيد قعدو دموعي ينزو زي المطر
اتا حظنت بابا وقعدت نبكي
بابا: ربي يسعدك ويهنيك وردي بالك تزعلي راجلك او تعلي صوتك عليه او تردي في وجه حتي وكان غالط
انا: نبي نقعد معاك نبيش نسيبك
بابا يمسحح في دموعة: حوشي ديما مفتوحلك وباسني ع راسي وخش للمربوعة
انا بحتت في قيس وحظنتا: بنستاحشك يا مريش
قيس: وانا لا ياشفشة
انا :خزي
كان عيونه مدمعات وكان يخاول يخفيهن مدلي فلوس وعدا بسرعة
جيت العزو حظنتا
انا: بنستاحشك وبنستاحش هدرزتنا
عزو: كل ماتحسي روحك ستاحشتيني طول تعالي ومل متحسي روحك مضايقة كلميني
انا : خلوني منبيش نمشي متاش بنتزوج
قصي: هيااا وقت
عزو طلع خاتم دهب ولبسهالي
انا: ليش نتعب روحك
عزو: قداش عندي مهموش
وبعد سلام وكلم طلعت للكوفيرة وقعدو في الخوش يبرمو ويوتو ومعا الظهر عدو لصالة
جت الساعة 8 وكنت جاهزة دارتلي مكياج بسيط ودارتلي روج داكن وشعري قتلها مديرليش تسرحية وهلتهلي مطلوق وبحكم شعري كان طوبل لعند ركبتي معارضتنيش
طلعت خيال جي قصي روح بياالصالة
قصي: تبارك للرحمن طالعة
انا: تسلم وصلنا نزلني قيس قصي
انا: وين بابا يخش معاي
قصي: بوي مش خاش اخني منخششوك
دخلني قيس وقصي ومانو عيون الناس علينا منا طالعين تبارك الرحمت عليا شمس وسحر عيونهم قلوب قلوب فيهم جت المصورة صورتني انا وياهم
قعدو النلس يجو يسلمو ويباركوو صورت معا ماما وخالاتي وعماتي شويا وقعدو يعشو والزمزمات قالبات الصالة
جتني شمس: خيرك هكي افرديها
انا: خايفة تعرفيي وووه بطني
شمس: كل شي ح يفوت تمام متخافيش
شويا وصلو عرب العريس جو سلمو عليا وباركولي
الزمزمات: العريس بيخش المتخجبة تلبس
انا قلبي طاح خايفة مووت
خش حازم من الباب كان طالع بهبلل بلبدلة ورافع شعرة ويمشي لين وصل فيا انا وقفت
حازم مسك الطرحة ع اساس بيرفعها بس دخل راسة وباسني ع فمي والبنات قعدن يعيطن
بعدين رفع الطرحة وباسني ع راسي وخدي وغيرلي الدبلة وقعمزنا جو باركولنا وبعدين دخلنا لدار صورنا (مخلتش التصوير من سخافت حازم وحركانة )
ماما: هي تعالو قصو التورتة
حازم بهمس:مزالةفيها تورتة تي مش قادر اتا
انا:خلي نسايروهم
قصينا التورتة والمصورة تصور وخدي حازم الشوكة ودي قطعة تورتة بيوكلهالي لبزلي خدي
انا مسكت منديل بنمسح لكريمة حازم مسكلي يدي وقرب مني ولحسهلي بلسانة
انا رعشت مع بعضي وجهي ولا احمرر وقلبي يدق بقوة
وكلتا بعدها وسلمنا عليهم وصلنا للباب حظنت مانا ونبكي
انا:خليني معاك ياماما نبيش نمشي
ماما:هي روحي معا راحلك وامتي ماتبي نعاليلي
خش بابا انا حظنتا قعد نبكي
بابا:صدق يلي القال البنت ضيفة في حوش هلها وانتي ضيفة واليوم بتمشي ومتخافيش مكانك ح يقعد في الحوش والدنيا بتفضي عليا بس هدي سنة لليحاة وانت ياحازم رد بالك ادجيني في يوم ودقولي حازم زعلني لان وقتها مش ح نسامحك
حازم:متهافش ياعمي بنتك في عيوني
وبعد سلام ودموع وكلام طلعت وانا طالعة شبحت معتصم
....
معنصم: لازم نمشي نشوفهااا وهيا بلفيلو
طارق:ياراحل غير بتزيد تحرق روحك قعمز واهفت
معتصم:لازم نشوفها وخدي مفاتيح سيارتا وطلع وصلت وكانت كيف طالعة
معتصم: الله يامها قداش كنت غبي وقت سيبتك يا حب طفولتي سامحيني بالله ع يلي درتا في وسامحيني لان مقدرتش نوفي بوعدي يلي هوا#من الطفولة الي الزواج معا بعظنا ونزلن دموعة بسلامة يا نصيب غيري ربي يهنيك وركب في سيارتا وطلع لشط
.....
انا اولةماحت عيني في عينة دكرياتي طول رجعلي مسكت في يد حازم زينن وهوا كإنه فهمني ظغط ع يدي ركبنا السيارة وطلعنا كا طول الطريق وهوا ماسك يدي ومولع اغنية (قدام كل الناس اليوم جنبي غاليا واليوم بشرع الله انا ليه وهوا ليا)
وصحابة يمشو ورانا ويسطربو والعاب نارية وجو وصلنا للخوش نزل وجي فتحلي الباب وساعدني ننزل فتح باب الحوش
حازم: نورتي حوشك يا حلالي
انا: منور بوجودك وكنت خايفة ونتوترة
حازم: تعالي نوريم الخوش دهورني في الحوش وبعدها وصلنا في دار النوم
حازم: غيري بين ما حطيت العشي
انا: به افتحلي السحاب
جي حازم فتخلي السحاب وكانن صوابعة يلمسن في ضهري وانا من اللية خلاص فتحهلي بعدين باسني ع ضهري
حازم: مطوليش وطلع
انا تنهدت بارتياح سلحت الفيلو ولبست الروب وبخيت عطر ودرت لوشن ولبست بدلت الصلاة وطلعت
حازم: هي تعابي حبيبتي
انا: هيا لان جعانة تعشينا وبعدين ناض حازم غسل يديه وجي
حازم: هي نصلو
انا: هي وصلينا وحط يدا قعد يقرا في الدعاء
حازم: انا مشش ح نجبرك ع شي كيف مانا عندي حقوق حتي انتي عندك حقوق وامتي متكوني جاهزة قوليلي بس مش اطولي عليا مش ح نعطيك اكتر من اسبوع بس
انا بعد صليت ارتحت وكل التوتر خف وبعد حكي معاي هكي مكنتش نبي نحرمة من حقة لان عارفتا يبي كل شي يصير
انا: قربت بستا ع فمة ومنها فهم ان جاهزة
حازم؛انتي جاهزة حبيتي
انا هزبت راسي بس
شالني في غمرة وحطني ع السرير وجي فوقي مسكلي يديا قوق راسي بيد واليد التانية ينزل في سيور الروب بيها وقعد يبوس فيها ويمص في رقبتي لعند ما تهنينااا (عارفتكم تستنووو بس عيب )
....
شمس كانت مقعمزة في الجنان بعد مارقن البنات ملهن وتفكر في قصي يلي بعد عليها وزعما بعد يلي دارة معتصم مزال مفكر يتزوجها اولا
قصي: شن اديري هنا بروحك
شمس: شي مجانيش نوم طلعت هنا
قصي:اهاا شن تفكري باش مجاكش نوم
شمس:نفكر في علاقتنا لوين بتوصل بيها الحال
قصي:علاقتنا نتهت من لما معتصم حاول يغتصب اختي وناض وشمس نهارت بكي وبعدين خشت رقدت
......
نضت انا الصبح خشيت دوشت لبست توتة بودرية طلقت شعىي باش يجف نسمع في الباب يدق
فتحت القيتا اختا جايبة فطور
انا: صباح الخير
حنين : صباح النور صباحية مباركة
انا:سلمك
حنين: اهو فطوركم وقتلك ماما المزينة بدجيك الساعة3
انا:صحيتي حبيبة تعبتي روحك
حنين:تعبك راحة وطلعت سكرت الباب وحطيت الفطور ع الطاولة ورتبتا وخشين انوض في حازم
انا: حبيبي نوض
حازم: داير روحة راقدة
اتا قربت حطيت يدي ع لحيتة وبستا بخفة ع فمة
حازم:هكي يلي بينوض الصبح
انا:صباح الخير
حازم قلبني جابني تحتة وقعد يبوس فيا :صباح العسل والوز
انا:هيا نوض نفطرو
ناض حازم دوش وفطرنا ومعا الياعة3 جت المزينة مكيجتني ولبست البدلة الكبيرة وتيت الحازم الزبون وقعدت مقعمزة نستني في الافراج وجي حازم
حازم:اووو شن القمر وقعد يغني
ياقمر نزال علي الارض كرمال تسال لحالك سرال من هيا الاجمل منك
انا: عارفة بس هي خش البس
جي باسني ع خدي وهش غير ولبس وبخ عطرة وطلع
انا قعدت هايمة فيه طلاعةيهبل بزبون
وعدين الاهلة سلمت كانو دايرين صبحية وسبوع بعدين حو اهلي هدرزنا وتعشينا وبعدين روحو وروحت حتي انا
....
قصي :يامي نبيك تخطبيلي
ماما: عندك بنت معينة ولت ندورلك
قصي:اي عندي تو بكرة نشيلك ليهم
مانا: باهي باه وطلع قصي وشمس كانت تسمع فيه نهارت قعدت تبكي
وقيس وسحر سمنة ع عسلل
طبعا عيت عمتي روحو لان ام عمي حسن تعبت وحوش خوالي روحو كلهم
قصي:هي ياامي واتية
مانا:هيا هي وطلعت معا قصي
ماما: وين رافعني يولد هدي طريق عمتك
قصي: وحتي نا نبيك تخطبي بنا عمتي
وصلو وخشو ودوت مانا وشمس كانت فرحتها مش عاطيتها الحد بكل ( شعور حلو وقت يلي تحبيه يجي يخطب وتكوني قدام الناس مرتا وحلالة
....
.......
فاتن ايام وانا وحازم حياتنا تهبلللل وعايشة معاه احلي ايام حياتي وجي عرس عزو حظرناه ومانت اميرة تهبل وطيوبة
حازم:انا بنمشي للمستشفي تبي شي حبيبتي
انا: نمشي عمري
حازم: شن حالك باهية هذا ماناقص
انا بصوت دلع وحزن: حرام عليك حبيبي والله كساد معندي مندير نمشي معاك بس والله من عطلك ع شي
حازم : اممم وشن مكافاتي كان شلتك معاي
انا قربت عليه ونلعب بلحيت ونمشي في صبعي ع رقبته
انا: انت ادلل بس
حازم: شن رايك نفوت المستشفي بكل
انا ضحك :هه لالا هيا وراس حبيبي
حازم:باهي هي بس البسي عباية را
انا:حاظر من عيوني
لبست وطلعت انا وحازم للمستشفي وكان يوم جميللل
....
.....
...
بعد مرور شهرر
قصي : شن جابك انت اه شن حابك
معتصم: انا نبي نحكي معاكم
قصي:ونحن منبوش تحكو معاك هي اسقد
بابا: من امتي نلزو في ضيفنا حني ياقصي خش يا معتصم خش
خش معتصم ونزل لكرعين بابا: سامحني ياخالي سامحني والله كنت اعمي ومنشوفش والشيطان لعب في راسي سامحني والله نادم ياخالي بالله سامحني
بابا : يلي رتا انت صعب انسامحك عليه
قصي: انتةكنت تبي تغتصب اختي تي هدي شرفها شرفك ياولد عمتي
معتصم:سامحوني والله نادم ويلي تبوه انا جاهز ليه
بابا: نوض ياولدي نوض الله يسامحك
معتصم صبا وحظن بابا وقعد يبكي
معنصم:اسف ياخالي اسف
بابا:ربي يهديك ياولدي وربي يسامحك
معنصم تلف ع قصي وحظنا وقعد يبكي (الندم والشعور بدنب اصعب شي)سامحني ياصاحبي
قصي: معاش تدقول صاحبي قول يانسيبي
معتصم : امتي صار
قضي: والشهر الحاي العرس
......
جي معتصم واعذر مني واعتذر من حازم وطلب السماخ منوعمي حسن ورجع للخوش
......
......
....
...
..
بعد مرور 5 شهور
انا: حازم ليش محملتش لتوا
حازم: ارادت ربي العالمين.
انا: توا لينا 7 شهور متزوجين
حازم:تو بكرة نعدو نعاينوو
انا: تنهدت وخشيت لدار
وحازم قعد يفمر في كلام الدكتور وقت قالو يمكن صارلها عقم من كسرت الحوض وبعد تفكير خش حازم رقد
.....
قصي : لامتي الوحم هدا بالله
شمس : اطلع برة معنديش نية نشوفك اطلع
قصي: والله ماهي عيشة هدي را
شمس تمص في الليم: عدي دور العيشة يلي تبيه وقلب وجهك طلع قصب وسكر الباب بعدين رحع
قضي:تو تشوفي كان متزوجتش مرو تانية
شمس تمص ولا ع لبالها
......
سحر: قيسو عارف في شن خاطري
قيس:شن
سحر : خاطري في زواق
قيس:شنن خاطرك
سحر:اي خاطري في زواق ويكون لونة اصفررر
قيس:متبيش معاه بنقلا يزوق ادوقيه حتي هوا
وقعدو يتعاركوو
....
انا : شن صتر معاك يادكتورة
الدكتورة: هذا زوجك
انا: اي
حازم: احكي يادكتورة
الدكتورة: المدام حامل في الاسبوع الاول
انا :بفرحة :بجد يادكتورة
الدكتورة: اي وكتبتلك تخاليل وادوية لازم تتبعيها
انا حظنت حازم
حازم:الحمد الله واخيرا ح نصير اب
.....
روحنا خبرنا العيلة وكلهم فرحوو بيطيرو
.....
...
...
وفاتن التسع شهور وجبت بيبي زي العسل وسميناه ياسين
وشمس جابت ولد وسماتا صهيب
سحر جابت بنوتة وسمتها تقووي
...
انا :من قال نتزوج وننسي معتصم ونتعرف ع حازم يلي نساني معتصم حبا
شمس : الدنيا قسمة ونصيب
....
انا : تعرفي ان نحبك ياروح روحي
حازم:وتعرفس ان نموت فيك يانبض قلبي وباسنيةع فمي ونزل ع رقبتي قعدد يبوس فيها
انا : حبيبي
حازم:هممم
انا:عيلتنا جايها شخص رابع
حازم بعد من عليت وبحت فيا: شننن
انا: حي جيناا زين
حازم: تي نحبم نحبك نحبك
...
...
♥♥♥
النهااية
مهما كنتي تحبي ه الشخص وهوا يحبك وديرو اي شي ع شان بعض ومتتخلشو عن حتي ولوكان حبكم عمر وربي مش كاتبلكم البعض ح يفرقكم ح يفرقكم لان لكل شخص عندا نصيبا وكل وحدة فينا مخلوقة من ضلعت شخص
معتصم ومها يلي حبو بعظهم من هما صغار وعطو بعظهم وعد ان هما #من الطفولة الي الزواج مش ح يفرقهم عن بعظهم شي بس صار العكس وخش طرف تالت في حياة كل زاحد منهم وحازم يلي حيها وعوضها ع كل شي في حياتها
الخلاصة
يمكنكوني تحبي شخص لدرجة الجنون ويسيبك وانتي مش قادرة تنسيه ح يجي الشخص يلي ينسيك فيه وان الدنيا دوارة وكما تدين تدان وحتي هوا ح يجيه من يحرقة قلبه ويكسرا
....
.....
واخر شي نشكركم ع دعمكن ليا وكلامكن الحلو وانا لولا تشجيعكم مكنتش كملتها الرواية وياريت تعطوني رايكن بجد فيه ومع السلامة ♥♥
